吉豚屋吉列豬扒專門店 (已結業)

因为阿女妈好肚饿，所以求其见到餐厅就入左去，反正吉列猪扒应该都唔会难食得去边，我地嗌左一个吉列猪扒饭一个吉列虾饭，卖相都好好，食落猪扒好嫩，系猪扒原本就系咁嫩，因为猪扒好有猪味而不是腌料既味道，猪扒外皮都好松脆，而吉列虾就比较浓味，因为炸物的咸味主要来自炸浆，而吉列虾每啖食既炸浆比吉列猪扒多，因为吉列虾较为浓味，之后我地亦嗌多左杯椰果荔枝茶，同样好好饮，我地嗌左少冰，结果好好真系得两粒冰，不过如果要再嗌就建议嗌埋少甜啦！…查看更多

呢间餐厅其实成日都经过，但感觉好多人所以都无入去食，因为一个人比较喜欢去安静/小人的餐厅。今日8点半左右经过，见唔算太多人，所以就决定入去试下。环境感觉就好似一般日式快餐，都算多坐位。旁边仲有纸袋可以比大家放口罩。望住餐牌有好唔同既吉列，绝对选择恐惧。一直在想要吃限定的滑蛋吉列猪扒鳗鱼丼 或 吉列炸虾猪扒定食，两样都想吃。最后我要了滑蛋吉列猪扒鳗鱼丼 配饭$89卖相虽然同相片有出入，但都尚算有小小吸引。我返到屋企先发现原来佢无比跟餐的 野菜豚肉汤，定唔知系因为跟餐+9要巨峰乳酪特饮?滑蛋好滑好香，鳗鱼都好有味好嫩，配饭一流。个吉列猪扒好厚身啖啖肉，不过配滑蛋就无左吉列既脆口感，有小小可惜。 唯有下次试下另1款看看。整体感觉唔错，虽然唔算太大惊喜，但下次路过唔知食咩都会再入黎试试其他既吉列猪扒😉…查看更多

今日出咗尖沙咀，晏昼时间有啲肚饿，谂起之前去过吉豚屋食晏，觉得唔错，所以再去，原来而家有个特价餐，系星期一至日中午12点到6:00都有，一个吉列鸡扒饭，大大碗都系$29 ，连加一都系$32到。虽然只系$32，但系真系好大碗，吉列鸡扒系新鲜炸嘅，而且非常大块，食完成碗饭简直晚饭都唔使再食。不过我问过原来唔系间间分店都有，或者因为近排尖沙咀人流比较少，所以特登喺尖沙咀分店推出呢个优惠，如果成个定食嗌嘅话，都系加$10 ，就会有埋面豉汤，真系穷人恩物！…查看更多

今晚黎到尖沙咀食晚餐，想食下热气野就去左吉豚屋，冇食一排，今次一黎到见到个餐牌就有惊喜，期间限定吉列鸡扒定食竟然只系39蚊，有鸡扒有汤有饭，重可以加5蚊有炸虾，加埋饮品唔洗50蚊就可以落楼。一般去开吉豚屋都系食吉列猪扒，不过见个定食咁抵就忍唔住试下。定食一上枱，份量都几足够，吉列鸡扒虽然冇猪扒咁juicy不过都尚算过关，猪肉味噌汤保持水准，而且好足料。炸虾方面做得唔错，大细适中，以5蚊黎讲真系好抵。唯一有啲失色就系杯饮品，我叫左椰果荔枝茶，味道有啲怪怪地，略嫌失色。…查看更多

CA-TU-YA吉豚屋  吉列猪扒专门店 (尖沙咀分店)全港有8️⃣间分店既连锁(平价)吉列猪扒专门店，唔计特价产品，平均都要$60一个饭，胜在所有野食都系即叫即炸，上黎既炸物都系热辣辣~ 可惜外层炸浆炸得偏硬，入口会有DD刮口，但呢个价钱整体上一个餐连配菜同面豉汤都已经相当抵食.配料方面有 生椰菜同面豉汤，都十分足料! 系食咁热气既食物既时候，食一啖生椰菜，超新鲜，水份好足💦，热气💥既感觉都消左一大半😭! 而面豉汤唔会太咸，汤有红同白萝卜、几片猪肉片同洋葱，咁足料既面豉汤确系好少见～👏 其他食品虽然味道唔算好突出，但价钱一定系好抵食！午市一个滑蛋鸡扒饭，只需$29！简直就系粮尾恩物.. 评分推介排名既先后. 必点精选.💁🏻‍♀️吉列三重奏定食 ($75) - 三重奏系指1️⃣两块切开一半既猪肉饼、2️⃣一块猪柳同3️⃣两只虾 -- 猪肉饼都好淋好juicy，猪柳本来呢个位就偏瘦，所以都会有预佢偏干，🤨但因为佢一块唔算好大块，所以可以接受，虾就都弹牙😉 单睇份粮已经就好多！佢仲有3个酱配埋--猪扒酱、芝麻酱同他他酱👍抵.💁🏻‍♀️滑蛋鸡扒饭(特价 $29) - 粮尾必点，鸡扒虽然唔系靓料，又唔算炸得出色，但滑蛋同汁都系叫唔错，重点系＄29蚊既滑蛋鸡扒饭系边到揾！仲要堂食～唔推介都对唔起大家啦～不过不失.👌唐扬炸鸡 (开心价 $18) - 鸡炸出黎都相当滑，但炸浆无脆既感觉，炸浆攞得偏少，所以有D似生炸既感觉，但$18有4件大大既炸鸡都可以点黎试试失望之不选.🙅🏻‍♀️冻椰果荔枝茶 (跟餐价＋$5) - 荔枝茶本身就好甜，落埋椰果成杯野就太甜，要等到冰熔左先入到口评分 （5😋最高）. 回头指数： 😋😋😋😋（粮尾外卖必点）. 食物质数： 😋😋😋. .环境： 😋😋😋😋 …查看更多