影片
附近嚟讲佢食物质素算OK，味道可以，起码够热，唯一唔好系坐嘅地方比较冇咁舒服，不过环境都算干净，我推介佢嘅嘢食系芙蓉蛋饭、回锅肉饭同埋例汤，炒粉炒面就麻麻，可以一试
继续阅读
今日因为工作原因，系厦村附近做野有幸黎到呢间叫吉祥茶楼既茶餐厅食饭，行一层楼梯上一层有好多位，冷气又够冻，而我今次叫咗芙蓉蛋饭，个饭一黎到吓亲我，个蛋大到同个碟一样大，咬落又够脆，味道够，有哂惊喜。
继续阅读
今朝踩住单车去试下，叫左个排骨饭，连茶30大洋，门口呀婆开左茶比我，咁之后同呀婆讲左两次要个排骨饭，我系坐出面，当时我叫野呀婆有望住我，等左好耐，入面个外佣同个中年女人应该话我要叫野，我故系咁，因为系入面，睇到听唔到，跟手佢出黎问，攞野比我时我笑笑口讲话，仲以为无人理我添，佢即时话，你自己入黎叫呀，你系出面鬼睇到咁多呀⋯⋯顶你啊，我叫野果d系咪你茶楼既人？你有规矩唔紧要，我接受唔到我唔黎姐，问题系我唔知啊⋯⋯如果你睇唔到咁多，你可以叫我坐入去，无问题，又要做生意又面浓浓，想点？之后有个西人入去，即时笑笑口，你系咪情绪管理有问题定系睇唔起我呢d耐不耐先黎一次半次既人？
继续阅读
工作中午餐，同事带我去呢间名字怀旧，店面怀旧嘅茶楼，怀旧feel难免残旧，餐具都要洗过先放心，餐牌都系茶餐厅嘅菜式，好快点好，即叫即制！西芹鸡柳饭（$52）卖相简单，饭𩠌分开，白饭松软，西芹爽脆无渣，鸡柳比得多，半肥瘦唔嚡几滑无雪味！献汁杰身，味道唔太咸ok热柠水（跟饭）玻璃杯，水超热，柠檬🍋比得多，酸味清爽！几好同事食：鱼香茄子炆米（$52）蒸水蛋饭（$52）热柠蜜（跟饭）食物几好，店员勤快，有人情味，话说我哋嘅热柠水原来已加咗糖，咁我同同事都系走糖人，但都来咗，我哋细细声讲紧嘅时候，其中一个店员见我哋啲表情动作（因为佢距离远，一定系听唔到）即刻过来问我哋系唔系唔要糖，取走再换比我哋！好窝心，因为主动，唔系我哋开声而系佢留意啲客人动态而估到！加晒分！无单据只需行去收银比钱人情味怀旧茶楼
继续阅读
这么近，那么远，呢间吉祥茶楼真系可以用"无雷公咁远"去形容，我揸车接两个朋友，一个系天水围西铁站，一个系洪水桥轻铁站，接完两个人，再继续再开车都仲要揸多接近十五分钟先到达，而且并非一帆风顺的，因为 google map 都多次未能指示正确路线，好彩最终都揾到，但我相信睇紧呢篇文章的你(外区)，都未必轻易找到。 年纪大左，负担亦随之增加，良朋共聚，约脚食野已经不如年轻时那么容易，你有你既生活，我有我既忙碌，要约齐人确系难过返印度。 难得今日太平绅仕心情靓，取得“行街纸”，梗系竭尽所能，出来伸展一下啦。 排骨饭+可乐樽菊花茶，原来呢间茶楼最最最出名就系"蒸 排骨饭"，几乎每一台客都必点。 排骨饭，我啱食，蒸得恰到好处，肉汁在蒸时沿著饭粒渗透，令每一粒饭都充分油香。 菊花茶稍甜，但良朋共聚系畅谈时，又会变得好好饮了。
继续阅读