影片
本人从来唔写食评,但今次真是忍不住,一定要称赞这间店舖的烧牛肉定食,这定食份量适中,不油腻,把牛肉连同葱的香味一齐放进口里,真的好味非常,如果不连葱吃,牛肉本身也很新鲜.而白饭亦香滑软熟,午餐都能有同如此水准,证明厨师绝系用心事的人..一份只卖$38元的午餐也用足心机,值得赞扬
继续阅读
中午一时进店，入面很少人，我们两口子打算食一个快餐，谂住入面咁少人，应该快。坐下了，有人递茶，侍应很有礼貌，这还真不错。只是时间一秒一秒过，铺头很快坐满人，由一两枱人变坐满晒。我们开始心急，因为怕要等很久才等到食物，我到的时候时吉吉地嘛，唔应该耐的。最后，离点菜到𩠌菜上枱大概等了十至十五分钟，比预期慢很多，我唔可以想像如果我系最后一枱人坐下，要等多久才等到简单的午餐。讲番食物，我点了寿司餐，包三文鱼两件，立鱼, 鱿鱼, 熟虾, 蟹肉棒，𫠒红鱼及吉列虾。心想，虽然唔系好多寿司，但都几抵食㖞，两件寿司出面食都十几廿蚊啦，咁呢度8件寿司加野饮，都系38蚊，一于食呢个啦！一见到我个餐，即刻禁不住扁咀，不是说不抵食，只是寿司都好似发育不良咁。我谂系我谂多左，其实边有可能抵食夹大件！咁样计起上黎，我觉得呢个餐系叫做正常价啦！因为我真系好耐冇食过咁细份量既寿司喇！佢每件寿都细过只细豉油碟，同包糖差唔多size，食完真系好似冇食咁架！但，因为我之前已食了野，仲ok，如果肚饿，真系唔知点好！再点又唔知几时黎！新鲜程度，绝对系普通，冇一样系我觉得好食，当然又唔至于难食。杯餐茶反而大大杯，好襟饮！不过冻饮要加3蚊的，在餐牌上我看不到佢标明。男友叫左拉面，我试左一啖，好好味㖞，但我唔太清楚系咩拉面，乜都有d 咁，有叉烧，有八爪鱼,有粟米，面质爽滑，好味。但又系份量真系唔够law！唔怪得之个价钱咁吸引，原来好似样样野加细版左。但侍应(老板) 都算细心，我地走时会睇下我地有冇漏左野唔记得拿走，会叮嘱我地拿齐野！热情的说再见，呢度会加分，可惜，野食份量咁少，感觉名不符实一点，我个人不介意价钱贵十蚊八蚊，而份量正常返一点！
继续阅读
我们谂住行到边就食到边，于是就来到这里，因为时间已晚，里面人客不多。坐下后，有一边座位是靠墙，比较不舒服。除了原有的餐牌外，还有页手写的餐牌，这都比较特别。其中三元一件寿司就是在此，当然款式不多了。我们要了两碗汤面和一个炒乌冬，汤面的汤嫌太少，有点不够喉。炒乌冬都可以，是鸭胸杂菌炒乌冬。惊喜的是铁板炒蚬，是小辣，十分惹味，没有选错。比较失望是吉列炸蚝，我吃的那个的脆皮实在太原，可能有一厘米厚，是我吃过的最厚的了。整体都可以，印象不太差，都会有下次。不过要付现金，没有VISA。
继续阅读
今日下午返工前...见有d饿...谂住去食个乌冬啦~入座个时2:2x分左右啦咁坐底店员...就俾左个set lunch menu我...但系d野唔o岩我食...所以我就系menu拣左个吉猪乌冬...叫完野...有个staff行埋黎~同我讲有汽水送...咁我照要左罐装可乐...当我开左黎饮之后...个staff就行埋黎同我讲...我叫个唔系餐㖞...要加10蚊...仲要我睇返张单...佢同我2:27分入单...2:30有下午茶...一样野既食包埋可乐都系...29蚊...我而家前后要俾45+10蚊...=55蚊...我唔系介意个几十蚊...我无睇menu...无叫下午茶...系我问题....但系一定唔可能系你个staff走过黎同我讲送野饮...之后又要收返我$$$我都无气同佢地去讲..亦都唔会为左几十蚊同佢地大吵大闹只系同个收银既女仕讲左...希望佢地d staff留意返自己个menu...同埋我一定唔会再去...老实讲...呢间所谓既乌冬专门店...无咩特别...如果老板你机会睇到既话...我希望你可以加强员工既培训~~
继续阅读
其实我就住系附近, 见哩间野都开左一排但因为价钱又唔系特别平又要加一所以一直都冇去食最近见佢出左个下午茶餐, $28就有一碗汤乌冬+2只煎饺子+1罐汽水 or 一个炒乌冬+1罐汽水唔洗加一 咁抵食就入去试下我要左一个金菇肥牛汤乌冬, 地狱汤唔算好大碗, 岩岩好够食配料有: 糖心蛋半只, 萝卜两片, 粟米, 紫菜, 芽菜 etcd金菇同肥牛都唔算少乌冬都ok 煎饺子就有d 炸到太硬(我觉得佢系炸唔系煎XD)overall好满意, 唔洗等好耐就有得食同埋$28真系抵 下午茶就一定会再去, 但系晚餐ge就要再谂谂
继续阅读