影片
港铁长沙湾站 A2 出口, 步行约5分钟
继续阅读
附加资料
请留意facebook营业时间更新
营业时间
星期一至六
12:00 - 15:00
18:00 - 22:00
星期日
全日休息
以上资料只供参考，请与餐厅确认详情
有日想食串烧，但发现一系就放题，一系就偏贵，而呢间系抵食啲就嚟咗，无book位，7点前入座都系啱啱好做最后一枱入座，而且铺入面位置唔多，串烧都要啲时间，所以唔想等位就最好book位啦～几钟意呢到嘅上菜模式，每张枱有个木托盘，上面有张牛油纸，串烧烧好会直接放上每枱各自嘅木托盘，唔会搞到成枱都系碟无晒位👍🏻呢到嘅串烧调味都几好，唔会过咸，大部分都烧到啱啱好，会唔干晒/㶶晒；呢到肉类嘅款式唔多，但仲有好多小食、海鲜同蔬菜！•🥢 汁烧京葱五花腩 $19五花腩肥瘦均匀，好juicy，串喺中间嘅京葱甜味加埋肉汁都好正🤤•🥢 蒜香烧生蚝 $49（时价）呢个烧生蚝系跟时价，无记错𠮶日系$49两只，只蚝都几大只，面铺咗超多蒜！蒜烧到干身，但只蚝依然好juicy！•🥢 原条烧茄子 $28呢个原条烧茄子好大份！调味主要系孜然粉，烧到好腍，可以一丝丝夹起食🤤 茄子皮外面会有啲啲㶶，我哋就无点食到啦。•🥢 汁烧猪颈肉 $20食落唔太似猪颈肉，无猪颈肉爽口嘅口感，似无咩肥嘅猪腩肉，但个酱汁好正，有啲辣粉喺面，好惹味！•🥢 鸡软骨 $16鸡软骨烧到好香脆，而且最先嚟到，2串真系唔够呀😂•🥢 盐烧秋葵 $14烧秋葵系几好夹，外面烧到干干地，入面软又有啲籽嘅咬口，不过唔系咁多人接受到啦😂•🥢 芝士牛油蒜蓉焗金菇 $22呢个焗金菇加咗好多芝士，仲可以拉丝🤤 中间仲有啲蒜蓉牛油，捞埋之后好快就食晒啦😌•🥢 盐烧鲭鱼饭 $56想叫一个饭两个人share同串烧一齐食，拣咗盐烧鲭鱼，本身盐烧鲭鱼都可以散叫～鲭鱼都几大件，烧到好香，皮少少脆，衬热食会好啲。•🥢 厚切嫩滑牛舌芯 $23牛舌几厚切，面头烧到有啲干，食落有啲啲韧😢
继续阅读
❤️推介指数: 8.5/10 等候时间：0mins （平日6:30）今次去了呢间比较细嘅串烧店🙈好彩早啲到walk-in有位🤪再迟啲就冇位🥺结果越叫越多因为真系好好食😍——————————————————————————😍邪恶芝士咖喱牛肉捞乌冬 $58 (8.5/10)呢个真心推介🥰有好浓嘅咖哩酱之外仲有好正嘅拉丝效果🤤面头已经有好大够已经融左嘅芝士咖喱就偏向甘甜唔辣的同乌冬捞埋啲芝士同咖喱好爽弹入味👍🏻而牛肉好厚身juicy同惹味份量十足～另外还叫了以下串烧：😍盐烧霜降一口牛$29😍汁烧五花腩 $17😍鸡软骨 $16😍香料鸡肉串 $17😍虾猪串 $24😍盐烧鲭花鱼 $34😍香脆烧鸡皮 $13😍咇汁糖心菠萝 $17 总分：8.25/10 肉串烧方面唔会好韧亦唔会好油腻🤩而且每块肉都好大块厚身小编特别喜欢虾猪串猪肉特别入味🤪除了五花腩和鸡皮之外其实都冇咩肥膏👍🏻又够惹味~至于个糖心菠萝真系够晒甜而且够热🤤鲭花鱼就够大条而且好有味🥰饮品就叫了个台式水果茶 但味道好似出面嘅纸包饮品🥲——————————————————————————🤩小编有话想讲1.建议大家去之前打电话book定位🙈因为去到好full再迟啲去就会冇位🧐2.个人觉得唔算太贵而且好卫生😎专有个盘摆一串串的串烧😉建议大家去惩罚佢💛————————————————————————
继续阅读
原本4人嘅饭局，最后得返3个人!!!一早订好枱，亦比咗订金(可能系新玩法，友人讲之前都唔使落订). 准时到达攞位，却换来令我极度反感嘅反应!店员走来说:因为你本来订4个人，但现在得3个人，又唔打嚟改，所以落咗嘅$400订，会扣$100(罚款).....真系莫名其妙......我们又不是‘‘放飞机‘‘，只系由4个变3个，况且我都未叫嘢食，又会知我地食唔到$400??!! 😠😠😠 已经唔叫你退返100订，但凭什么扣我订?!于是我地有礼貌咁话，我地都有到，况且我地都应该都食到400或以上，唔使扣我地嘛!!当时位店员冇比反应，只系安排我地入坐!!之后另一个店员又走来讲同样嘅说话，我真系心谂，你凭咩扣我订，唔系因为100，而系无理由!!!结果友人们再三理论下，果位店员才好似‘‘ 皇恩浩荡‘‘‘咁讲今次唔扣你地!!!当时我真系想走!!!今时今日咁样做生意???咁嘅服务，就算嘢食再好食也不会有下次!!!也许各位，如果要光顾，好好想清楚人数!!!!虽然很嬲，但说实话，嘢食算好食，够热够味!!即烧，上菜速度尚可!唯一不满嘅系咁嘅态度!另外，刚刚因外墙有维修，所以搞到冷气开唔到，幸好有个应该系‘‘老板‘‘的同我地临走时解释同讲唔好意思!!!
继续阅读
成日路过但一直都未试过！试完真系觉得自己一直走宝🥺味道好、价钱合理嘅串烧原来一直在身边🤩🤩两个人叫左超级多野食🥰🥰饱到要外卖拎走😝🤩🤩🤩超级推介：虾猪串、香料鸡肉串、杏鲍菇、鸡翼、茄子、咸酥鸡粒、外脆内软芝士年糕以上几样都真系超级好味😋食落样样都好惊艳🤩食到食物本质的味道之余调味都好到位！虾猪串好有特色😆系大澳嘅味道啊！鸡肉串腌得好入味一定要趁热食。杏鲍菇超juicy🤤鸡翼味道刚好，而且肉质都嫩滑，叫左三份都唔够喉！茄子真系唔系度度都整得好食，呢间真心不错👍🏻最惊喜系咸酥鸡粒，因为上菜嘅时候已经接近尾声，已经好鬼饱，加埋个样子唔系咁讨好，都已经唔想食了，不过都打算比个机会佢试下味都好，点知一试简直令我两眼发光🤩系好味又juicy嘅🥳炸粉好薄裹著鸡腿肉好嫩滑好入味，相比其他连锁咸酥鸡呢间更地道！最后一定要食呢个芝士年糕作结，为呢餐画上完美句号！😋😋好味：汁烧京葱五花腩、翠玉瓜、鸡皮、一口牛、金菇肥牛卷、豆卜其实呢几样都系好味噶！为左分类清晰，佢地都有中等偏上嘅水准噶；每样嘢烧嘅火候、味道甚至个样都整得不错，成餐饭都食得好鬼开心🙂一般：韭菜、芝士流心大啡菇、汁烧花枝丸、芝士牛油蒜蓉焗杂菌、汁烧墨鱼仔、牛油蒜蓉焗帆立贝呢几样相比下就失色小小，正正常常冇乜特别😆不过要讲嘅系韭菜嘅调味有小小奇怪，可能平时串烧必叫韭菜，所以都大期望，食落味道偏苦🤯小失望！温馨提示：1️⃣铺头比较细，只能容纳几台客，好彩我地早到先有位坐，要来最好就book定位啦！2️⃣平时我地都食得辣嘅，我地叫BB辣都已经几辣下，配埋嘢饮就好啲3️⃣我地落单时都冇睇数量，点知叫得太多，去到后期都未食完都keep住上紧菜、摆到满晒！佢系即点即烧但又唔系真系要等好耐，所以如果食得多、不妨分两轮落单，咁样啲嘢食就最新鲜滚热辣食到，就最好味！食完成餐虽然饱到爆肚🤣但真系食得超开心超爽！同行友人一致认为一定要再encore呢间！
继续阅读
之前睇到有人介绍所以一直都好想试，又加上系💛店，当然要支持下。而家因为六点后禁堂食，变咗中午开舖，所以今日就食咗10条串烧，一个捞乌冬。首先讲吓佢嘅串烧，牛类比较出色，特别系一口牛同埋牛舌心，烧得好惹味。鸡类就不过不失，鸡肾都好有咬口，不过同其他餐厅嘅分别不大。推介小食类嘅花枝丸，个汁好好味。整体而言，串烧都几抵食，款式都比较大路，但系味道非常唔错。至于个乌冬都不过不失，咖喱汤都好浓味，有好大块芝士，不过比较硬身嘅关系，冇办法同乌冬捞埋一齐嚟食，只可以直接咬块芝士，如果可以做得creamy啲就更好。
继续阅读