影片
港铁佐敦站 A 出口, 步行约5分钟
继续阅读
电话号码
23846106
营业时间
今日营业
17:30 - 23:00
星期一至二
17:30 - 23:00
星期三
全日休息
星期四至日
17:30 - 23:00
以上资料只供参考，请与餐厅确认详情
相关文章
合兴火锅位于佐敦吴松街60号地舖，以其家庭式沙嗲汤底和地道风味闻名～餐牌选择唔多，比较精简，但系每一样材料都新鲜😌店入面职员唔多，分工鲜明，一眼关七，不时过嚟睇火候、收走碗碟，上菜速度亦都好快，无论系食物、服务、味道都超级赞👍🏻.🍲双拼鸳鸯汤底上汤汤底拼沙嗲汤底，这里的火锅汤底选择唔多，特别推荐双拼鸳鸯汤底和健康之选，而沙嗲汤底更是必试之选。沙嗲汤底味道浓郁，越食越浓味；而上汤汤底就超级健康，有蕃茄🍅甘笋🥕粟米🌽马蹄等等，渌菜就超级鲜甜🥬.🥩招牌手切肥牛其油花纹理非常漂亮，其外表红白分明纹理，灼熟后肉质软嫩，入口甘香软滑，而且有口感，可以媲美和牛，价钱合理🌟.🐟 鳝片 同 脆肉鲩鱼片一样咁鲜甜，🥢肥鹅肠好爽口弹牙，配合沙嗲汤底好夹😍.🥟鱼皮饺拼韭菜饺每只都胀卜卜，超级足料.🦐鲜虾滑拼墨鱼滑据闻系手打的，粒粒都好饱满、弹牙～啖啖都有虾肉，无胶味兼无雪藏味，真系唔做作、唔花功，啖啖真材实料～.🍜出前一丁最后边炉打到咁上下，沙嗲汤底越煮越浓郁加返个出前一丁落去，吸晒啲精华，成个沙嗲出前一丁超好味🤤
继续阅读
😛象拔蚌刺身非常好食，佢本身嘅肉质柔软，而且由于材料非常新鲜，所以佢嘅口感亦都非常丰富，食落口嘅味道鲜美，餐厅将象拔蚌切成薄片后，我象拔蚌展现出白色，弹性十足，口感上亦都非常好食，钟意熟食打边炉嘅朋友亦都可以将佢碌落去火锅！个人推介刺身比较好食！餐厅啲手切牛肉都非常好食，牛肉嘅味道非常香浓，而且真系食完一件又一件，餐厅整体嘅其他火锅材料都非常新鲜，呢一个餐厅亦都非常适合聚会，就算系同朋友或者家庭，我觉得都非常适合，亦都充满热闹嘅气氛，钟意嘅朋友都可以过嚟试吓
继续阅读
朋友生日想特别食沙嗲汤底的火锅，原本想去九龙城那间，但系有朋友话唔好食，纯粹网上看到这间有，所以订位试一试到达后看到门口第一张枱的肥牛，已经流晒口水，果然手切肥牛$398没有令人失望，我们叫完再叫，牛味十足，好好味而他们的价钱完全唔贵，汤底$70，好似返返去10年前嘅价钱另外他们的自家水饺和新鲜做的丸好好味，虾丸特别正沙嗲汤底配上粉丝和出前一丁，特别惹味另外炸鱼皮都好脆特别要赞：就是楼上的阿姐招呼好
继续阅读
任饮任食大堆头的火锅店成行成市。单是讲酱料，都是一篮子十款八款任落，混酱成了火锅的指定动作。合兴火锅呢，非常高傲地只提供一小碟豉油和指天椒。加多碟都要收$5。咁够姜系因为对自己的汤底同生料充满信心。料够靓新鲜，不沾酱汁也好吃。合兴是很传统的火锅店。没有古灵精怪的选择，汤底也是很平实的果几款。但凭住招牌沙嗲汤底同顶级牛肉，又吸引到一班重质不重量的死忠食客，如我。重点讲几款推介：牛肉分3个价钱，$288, $338同$388。我食过$288同$388, 两者牛味都浓，但$388真是无得倾，油花靓到晕，入口腍滑，正！$288的口感就比较扎实。如果口味问题无得讲，但唔好为左平$100而唔叫$388, 真系食得出好大分别！呢款$388, 连唔太食牛的朋友都忍唔住连食几片。海鲜选择不算多，但款款新鲜。要大赞佢地嘅白鳝（$88）， 刀 工好片片晶莹，食落口肉质细嫩，鱼油油香丰盈在口中爆发，没有半点泥味，点少少辣椒豉油，正到不得了！阿姐非常推介呢个白鳝，话呢个时候鳝好靓，果然非常好食。佢地嘅桶蚝（$78）都非常新鲜饱满，例牌有3-4只，渌完都冇乜大缩水，蚝味鲜浓，抵赞👍手打丸又系必食。佢有牛丸、贡丸、墨鱼丸同虾丸。我推介墨鱼丸拼虾丸（$72），每款4粒。真材实料，爽弹鲜味，无得顶！汤底方面，我建议食双拼汤底。佢嘅沙嗲汤底唔系方X记果种浓得化不开，是越食越浓郁，香得嚟唔会喧宾夺主。佢个双拼汤底设定左是拼清汤。拼其他汤（如芫茜汤底），就加$10。 我建议要有两种汤底。芫茜汤漾海鲜同菜特别清甜特别夹！ 沙嗲却是牛肉同响铃的好朋友。所以要两种汤先可以食尽靓料的滋味。环境方面，干净企理，冷气够冻。阿姐招呼贴心，几乎是人盯人🤣，你郁吓个身佢已飞身扑埋嚟关注你，所有嘢自动波，唔驶劳气。阿姐提醒我地食埋垫碟的生菜, 佢话都系靓嘢唔好浪费，果然又真系好食😂。由于是逐碟叫，消费丰俭由人。如果想经济啲，可以唔叫牛，叫个双拼丸，加个桶蚝白鳝加个响铃，平平地都十分满足，叫埋牛肉当然大满足啦！ 即使叫埋贵牛，两个人食人均$350-$400, 同去连锁任食差不多价钱，但质素绝对云泥之别。食嘢，真系贵精不贵多，好嘢食到8成饱都可以10分满足。
继续阅读
去咗佐敦合兴食餐新鲜地道火锅。手切鲜牛肉，爽口弹牙手打丸，即包胀卜卜四式饺，超肥大生蚝，火锅生料样样超新鲜，碟碟有水准，一定要配埋个招牌金牌沙爹锅底，咁先系无懈可击嘅配搭！
继续阅读