合益泰小食 (裝修中)

帮衬咗好多年嘅米芝莲小店，餐厅嘅肠粉不嬲都大受欢迎，而且好多人帮衬，今日去到都系好多人排队今日就叫咗五条肠粉，佢哋肠粉非常好食，而且热辣辣我觉得作为早餐嚟讲，简直冇得输！再加埋麻酱甜酱同埋芝麻嘅配搭，令到成个味道更加升华！咁多年嘅水准都可以一路维持到！实在唔错！今次叫咗牛肉球，老实讲就麻麻哋，只系普通交货𠮶啲点心，如果其他朋友嚟到嘅话可以唔使叫，试吓其他嘢仲好！豆浆我就觉得不过不失，不过好抵饮，夏天咁热饮番杯豆浆就啱晒！…查看更多

每次经过合益泰都会帮衬，佢地既肠粉令人印象深刻，口感超滑，彷佛在嘴里融化。每一条肠粉都经过精心制作，保持食材的新鲜与原味。热辣辣的肠粉一上桌，香气四溢，配上一杯冻豆浆，到是绝配…查看更多

有2年冇去食，虽然知道佢冇自制鱼肉烧卖，鱼蛋都冇以前好食，但好挂住佢啲香滑肠粉，于是特登山长水远由铜锣湾去深水埗食，点知失望至极，肠粉冇咗以前香滑感，而且咬落口仲要好黏口😖嘅感觉，花生酱有冇晒香味，甜酱都同以前唔同咗，真系超难食，以后都唔使帮衬，以前嘅好味已成回忆！是日帮衬咗两份四条肠粉，一份鱼肉烧卖（普通鱼肉烧卖，不是自制的那种），一杯豆浆，共消费咗$37 ，几平唔算贵，如果想回味佢以前嘅味道，劝大家唔使嘥时间去！…查看更多

由细食到大嘅肠粉店亦系游客爱店每次经过都见到有条龙其实系排紧外卖堂食就自己走入去揾位大肠粉 $20有四条姐姐一放上枱有肠粉同麻酱豉油其余甜酱，芝麻就每枱都有自己落肠粉非常之滑，唔会张埋一嚿嚿配埋大量甜酱系回忆嘅味道鱼蛋唔辣 $6今时今日$6有五粒鱼蛋仲想点一定唔会系弹牙但叫做有咬口少少黑椒打个芡调味收货🌸🌸🌸🌸🌸预咗环境一定争啲一定要搭枱人流不绝姐姐态度未必一定好好食物质素同价钱会令人不断回访…查看更多

充满情怀嘅斋肠合益泰系中学时期成日都会黎食嘅名物估唔到而家仲要排哂长龙！但一场黎到当然要照排队回忆一下！店舖同以前一样都系咁多人咁逼枱贴枱咁但呢到始终唔系食环境就冇所谓啦肠粉一如既往咁滑溜最钟意合益泰嘅地方系可以自由加酱同芝麻混酱达人当然加返够本滑潺潺嘅肠粉加上甜酱麻酱加芝麻实在系完美配搭！基本上黎到人人都有肠粉系枱烧卖都系推介之一大大粒烧卖有咬口又唔会过份肥腻个人认为烧卖本体比金x烧卖更出色！粉果就正正常常！好少餐厅仲可以任由客人自由加酱！怀旧之选…查看更多