合城食店

营业中

休息中

今朝去買三文治，啲蛋厚到一個點，20幾蚊包嘢飲超抵食. 平時食開燒賣同埋佢個牛肉球做早餐，今日覺得熱得滯決定食三文治. 發現原來三文治係高質喎，蛋牛治好食奶茶; 超好飲

朝早去買一份燒賣，但老闆態度極差，已經唔係煩忙時間仲要好惡死望住問「要咩」再黎問「要豉油辣油講埋啦！！」pack完份燒賣就咁放喺度，㩒八達通價錢等我俾錢，佢就入去廚房嘩，真係晨早流流唔係喺公司樓下都唔會幫襯囉！無下次喇，又唔係好食！

合城食店地址: 九龍灣宏泰道12號榮發工業大廈地下4A2號舖這間外賣餐廳，點解每次經過都大排長龍😅? 咁岩經過買咗過越式蕃茄蟹膏米線🍜$45，雖然夠健康一飲啖湯就飲得出係蕃茄湯味，清清地加上少少酸酸地😆，而且味道都係覺得一般般，無乜太大特別，真係失望了少少🥲。#nicefoodie九龍灣—--------------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #breadfast #dinner #lunch #restaurant #eat #phtooftheday #yummy #chef #hk  #香港 #香港美食 #美食 #九龍灣美食 #打卡  #九龍灣 #香港口味  #隱世美食 #隱世小店 #半價優惠 #人氣餐廳 #人氣美食  #香港好去處 #蕃茄米線 #米線

$24一份雙拼三文治連熱飲已經買少見少，仲要份量十足🥪😋超級多蛋同埋咸牛肉，好豐富🤤杯茶走甜度適中，夠香滑，好飲到超級快就飲晒🥹估唔到細細間嘅小食店竟然有咁高質嘅早餐‼️即叫即整，大約等10分鐘就可以拎啦～朝早都多人買早餐，店主比較忙，未必有時間聽電話預約三文治。亦都留意到有好多上班族買中式早餐，價錢合理，係買早餐之選，見到豉油王炒麵好大盒👍🏻💕味道：🐷🐷🐷🐷.2/5價錢：🐷🐷🐷🐷.5/5服務：🐷🐷🐷🐷/5

今日去九龍灣MegaBox附近買外賣，走到榮發工業大廈附近，看到有一間小店，看看餐牌，見到有越式蕃茄蟹膏米線，唸住買回家試一試，太好味了😍真的連湯都飲晒😋一大碗滿滿的，真的回味無窮😋😋，他們的奶茶和凍檸茶也十分好喝！🤩一定會再次幫襯的一間外賣店！😋😋😋蟹膏很正，湯底充滿番茄味但番茄味又不會搶走蟹膏味道👍👍👍魚蛋彈牙😃，加埋豆腐卜充滿沾上了湯底的味道，米線回家吃時依然保持彈牙，非常值得推介的！現在吃完仲回味中！👍👍👍👍環境乾淨整齊服務有善😊

之前食過好多次依間既午餐   佢地既麻辣係九龍灣咁多間外賣店/荼記之中整得幾出色  夠麻  辣  香, 不過唔係個個食得好辣  所以佢地既辣我諗算少辣.另外佢地既麻辣肉燥  麻婆豆腐都好足料唔會好似外面既舖頭好似泳池咁水  睇相都睇得出好多料先收嗰44蚊  平過外面茶記多多聲!  店舖每日仲會有幾款菜色係當日先有  日日都可以試唔同既嘢好有新鮮感依家不時都會買佢地既lunch番去office食! 

第一次寫食評， 平時好食唔好食我都冇所謂， 但係我想講呢間嘢有我一樣好鍾意食嘅嘢， "越式蕃茄蟹膏湯米線"起九龍灣返工咁多年, 見到呢一間外賣舖開咗一排. 同兩位同事入去買外賣. 最初我係畀佢門口口水雞張相吸引. 同事買咗口水雞拌酸辣米( $42 ). 我自己就買咗越式蕃茄蟹膏米線 ( $44 ). 包飲品. 我要左凍奶茶，佢地要凍檸茶少甜.以前喺外國讀書, 成日去chinatown啲越南舖嗰度食呢一個米線, 返到香港之後我都冇見過. 今日竟然畀我見到.我好鍾意食蒸蟹膏. 蟹膏係好似要拆蟹肉跟住蒸完再放湯煮. 絕對唔係話咩上海大閘蟹嗰啲蟹膏喎. 我覺得碗米線整體都ok， 個湯好鮮味， 重點蟹膏係我以前食過嘅味道. 最好笑係我問老細係咪越南人， 因為好少畀我食到呢個越南蟹膏 米線, 佢話佢有研究開越南美食，問我想食啲咩下次整畀我, 佢好搞笑的.