影片
今日老友约去屯门蓝地一间旧茶餐厅，话果度有特别野食，咪几远都去啦！蓝地都系旧区，大部分铺头都系一层楼，第一间就系出名地下石炉烧猪，行过仲有半只未开，等一阵tea完过来买。去到合利大概2点半，得几台客人，但走的时候已经坐满。叫了脆皮西多同出名的奶茶和榛子咖啡三丝炒蒙粉（3分）- 下午茶来讲，份量算细， 三丝就更少，只有蛋，火腿，芽菜，- 好在蒙粉搂返多d分，味道几好，最主要系唔会好似其他餐厅咁碎湿湿，反而好有弹力。脆皮西多（2分）- 好老实，无乜特别，系个面有面包碎，唔棘口。- 多士唔似其他餐厅咁有酱，无味道- 奶茶（2分）- 明报周刊同岭南大学推荐，- 比较稀，得奶味唔够茶味- - 榛子咖啡（2分）-哩个老友话好少餐厅有咪试下，比普通咖啡贵3蚊-无乜榛子味-咖啡亦唔香。
继续阅读
周末黎到蓝地食早餐，随住疫情同天气开始转好，蓝地多返唔少行山客黎医肚。我地都谂住饮下奶茶食个靓茶记，虽然多人，但大家都好醒目食完就走，唔会坐太耐，所以都好快有住坐。叫左个油渍乌冬，饮茶走，个乌冬硬硬地，好易断同短，所以一般般，油渣无特别脆，算正常味道👌 杯茶走还可以，唔会太甜，茶味香浓。朋友叫左干烧伊面，味道不错，份量同配菜都算多。见呢度西多士出名，下次要过黎试下先🙆🏻♀️
继续阅读
身为屯门人提起蓝地标志性食物，自然会想起季季红有米猪，殊不知这里还有间主打高质奶茶和西多士的茶餐厅。这间叫合利（洪记）茶餐厅很易找，就是在季季红的小巷一直向前行就会见到。店舖外观，内部装潢很平实，店舖的出品亦没有很多点缀的东西，西多士就是西多士，不花巧，专注在食物的品质上。唯独是店外店内都挂上了两款横额推介他们的奶茶和西多士。既然是店舖的招牌菜，当然要一试味道。这店的早餐时段出奇地多选择，除了必有的粉面常餐、三文治、麦皮、欧陆扒餐外还有烧味濑粉、炸鸡翼薯条及招牌西多士。我们2人点一份鸡扒餐及西多士餐冻热奶茶各一（$89）。除了西多士定价较进取，其他都是合理大众价格。走出大路再过了妙法寺就有个凉亭公园。同场加影季季红山竹牛肉+虾饺（$57）第一时间试了一口涷奶茶，口感顺滑，近乎不涩口，奶味没有盖过茶味，茶身不太厚，回甘味不算强。就是甜了些。对于偏喜爱饮淡茶底的我这杯奶茶刚好适中，但对于爱涩口厚茶底，这个就未必是你杯茶。因为我们是“有甜不欢”，所以这个西多士是走甜的，店舖选用了厚切方包，一片过中间没搽花生酱。不知是否与外卖有关，这西多士食时没有他们讲的所谓“脆”，因为受益厚切，中间面包尚算松软，选厚切是为了突显外面的“脆”，但有盐牛油加上蛋汁炸过面包好像有点寡，当然走糖浆都有影响。另我们点的鸡扒餐，鸡扒份量几多，薄切的鸡扒煎得蛮香口。如果可以跟一些汁会更加好。
继续阅读
今日懒得落街.. 同阿女一齐叫外卖！干炒猪扒公仔面（跟汤同饮品）个面炒得有点干，味道可以再浓少少猪扒够淋易咬 味道适中闻到好有镬气味😂😂😂 带点㶶㶶地既味道跟左个西洋菜汤 好多汤料但饮落味道有点怪涷柠茶茶底又系怪味🙃 饮左一啖无饮脆皮西多士送到外卖上黎个包都无淋晒 仲系热系厚多士 里面无馅无酱 但个包系好软熟同新鲜出餐已经淋好晒糖浆同牛油如果可以分开返比个客自己加就更好..因为佢落得都好重手🤣味道就浓左啲
继续阅读
又喺周六嘅行山日，今回老婆想挑战吓，所以，由屯门西铁出发，经屯门径、虎地郊游径行去「蓝地灌溉水塘」，点解讲挑战？因为无经较易行嘅「彩虹栏杆」一段，反而入咗山沿水塘边行到坝位，真喺坚多梯级上上落落，最后，我哋一行3人都顺利完成。刚好出番到蓝地大街时值午餐，原本意属「Thre3 Concept」或「意料之外」，但两间都好多人晌门等紧位，都唔知要等几耐，加上望入去地方窄逼，我哋都行到攰，最想喺坐吓、摊抖吓，见「合利」地方大，人唔太多，又喺茶记，仲啱我哋。无乜装饰，简单嘅茶记格局，两大边喺卡位，中间就喺啲长枱，不过，见到有啲折枱收埋一旁，整体望上去啲枱亦唔喺拍到满满，大概因疫情关系，拍得松动啲，啲客又安心啲。墙上贴满菜式纸，喺茶记特色，另一怀旧特色就喺将菜牌摄入枱面嘅玻璃度，老实讲，反晒光好难影，幸好有啲外卖纸拎，贴出嚟就一清二楚，有咩拣，咩价位。此外，见佢哋仲有啲比较具特色嘅特价客饭，又成为我哋嘅选择目标。老婆担心一个饭餐食唔晒，所以，我同佢就一个饭餐搭一客三文治就应该啱啱好，疫情之下就避免「些牙」食，故此，朋友就当然自己嗌自己食啦。例汤特价客饭包例汤及餐饮，店员先嚟一大碗例汤俾我哋，一般而言，一啲旧派茶记嘅例汤来来去去都喺猪骨煲乜乜，今回煲木瓜，味道几清润，亦唔会泛晒油，算喺制作有诚意。沙姜鸡饭 $54友人选了沙姜鸡，睇睇啲鸡嘅质素，茶记即喺茶记，饭又多，鸡又多，老友话啲鸡几嫩滑，皮薄脂肪少，食落唔似冰鲜鸡，加上配沙姜，捞饭更喺一流，呢个价，包汤包餐饮，抵食。蚝仔肉碎泡饭 $54几款客饭，我哋拣咗泡饭，因为湿湿地易入口。整整一大碗，果然份量十足，而且，有好多蚝仔，啲蚝仔都几肥美、厚肉，入口有蚝味，个汤嗒落似喺鱼汤，有朕朕鲜甜味。蛋牛治 $22泡饭同老婆一人一半，我就再加多份三文治，唔使多讲，睇相都见到交足货，炒蛋、咸牛肉塞到满满，拎起嚟都几坠手，而且，啲蛋仲有少少滑蛋嘅效果，配合咸牛肉，小弟个人认为喺茶记中除餐蛋治之外，另一款绝妙配搭。冻奶茶（餐饮 +$2）友人饮冻柠茶真喺无咩嘢好讲，而小弟所拣嘅冻奶茶绝对喺呢度嘅名物，当然，我都喺睇到墙上一则推介先咁讲，大大只字写住「明报副刊及岭大研究饮食文学及文化」特别推介，加上本身一向都钟意饮奶茶，又点可以唔试吖。当行完山，出咗一身汗，饮冻嘢虽然唔多健康，但真喺会好爽。杯冻奶茶饮落真喺几得，茶底确喺颇芳香馥郁，落奶嘅比例又恰好，奶茶滑过喉咙都仍有种余韵嘅感觉，连老婆都赞！「蓝地灌溉水塘」有港版「青池」美誉，而且，我哋拣咗入山嘅一段，一路由上游行到水霸位，沿路有唔少位置可以影到石涧，当然同大家分享一下当日行山嘅风景啦！虽然，无试到原先想试嘅心水餐厅，但嚟到「合利」，坐的安心，食嘅，饮嘅，都称心，就算食完，都唔担心被人催埋单。
继续阅读
您可能会有兴趣的...