吃茶三千 (希慎廣場)

营业中

休息中

🍋又見檸檬塔($36)作為酸味愛好者，二話不說就點左呢個🤤又見檸檬塔以玉露青茶+青檸原汁+奶蓋慕絲為組合，糖度同冰度都不設調整。係飲個茶底之前先試下佢地既奶蓋慕絲，份量比得非常重手，質感較芝士奶蓋輕盈，忌廉味重，仲帶濃濃奶香添🥛茶底方面，一飲落口已經feel到強烈酸味，成個人即刻醒曬🤣不過青檸酸味雖然重，後勁卻係青茶既甘味，可以解奶蓋慕絲既膩，不得不讚整體味道真係重現到lime tart既味道，都幾清新㗎👍🏻

-//位於銅鑼灣·源自台灣既人氣台式飲品店🧋1998年第一間小店係台中誕生，越開越多間係香港暫都有6間分店，多款飲品任你選擇其中6款更獲得「食品界米其林iTi星級殊榮」分別就係松針綠茶、水仙桂花、玉露青茶、鳳眉紅茶、凍頂烏龍茶、決明子紅烏龍📍熔岩黑糖波羅鮮奶 $38呢款珍奶都係人氣熱銷🥰但就固定甜度+冰主要以香醇鮮奶 +古法黑糖+ 國王珍珠為主真係每飲一啖都feel到黑糖香氣係口中徘徊雖然係固定咗甜度，但個人覺得都唔會好甜但奶味非常重，珍珠又有咬口👍🏻滿足感爆燈我相信呢間小店 最大特色就係提繩紙杯套😂係超級方便既設計👍🏻 順手梗係要打卡啦😎餐牌

「遇見吃茶三千，方知純萃原味。」一直都好想試呢間台式飲品店 佢地主打新鮮現萃既茶飲 每次經過都一定見到有人龍 今次終於試到😆 我地去既係銅鑼灣店 有個小區域比客人坐低慢慢飲👍🏻✿ 國王珍珠奶茶 ($37)呢個係佢地既推介首位 真係有比佢驚艷到🤩用上鳳眉紅茶+皇家厚奶+國王珍珠🧋我地叫左半糖少冰 甜度岩岩好！茶底方面見到店員係即場泡茶同冇加水 茶味好清香同好濃🌱牛奶好厚身 飲落好rich好香滑 同茶既比例做得非常好💯而珍珠用左正宗台灣黑糖炒 黑糖味好香 同埋唔係死甜個隻👅 大大粒食落Q彈有咬口 份量好多 有成1/4杯！飲哂啲茶都仲有好多珍珠🥰除左飲品出色 佢既包裝都好值得一讚有附送杯套同繩吊住 拎得好方便🥰

知道你間台灣嘅奶茶鋪開左嚟香港，銅鑼灣都有一間就即刻過黎試下啦。真係超級無敵多人起碼都要等半個幾鐘。不過人就係咁嘎啦見到人地等咁自己都加一杯啦。想飲杯清清爽爽嘅，問服務員佢介紹左呢杯松針芒果茶！淡淡嘅芒果味，查下香味都唔錯加埋添堵每間得太甜都好舒服。下次再試埋佢地個奶茶。

同朋友行行下街 無意之中經過既茶店甘岩又口渴 就比我見到吃茶三千因為比佢個名同門面吸引左 加上見到店內有位置可以小坐一陣 系哩個驅使下 睇下有咩飲 休息下誰不知見到有水蜜桃既手搖 對於桃控既我 絕對抵檔吾到即刻嗌左杯香桃烏龍冰茶試試佢哩杯 水蜜桃冰茶系有得揀甜度同冰度我揀左微糖同少冰入面有粒粒果肉 甜度岩岩好 適合吾好甜既朋友而且仲有個免費既粉紅色杯套襯托 適合中意打卡既朋友仔添中意飲廢水手搖既朋友絕對可以又飲又打卡推薦

本人係奶蓋愛好者加左入FB既奶蓋關注組係入面見到有人推薦呢間既奶蓋仲要好高評價所以蠢蠢欲動佢既質地係好既濃度岩岩好但佢既味道係我係香港第一次飲到我本人係比較仲意咸奶蓋既~~但係佢呢個味道係好似棉花糖融左之後既奶蓋係好特別但我唔敢講每個人都仲意而且佢呢個味道係好睇茶底呢樣野真係人夾人~但係佢既外帶杯幾好~

— #銅鑼灣放假去咗銅鑼灣嘅希慎廣場行街見到有人拎住杯包裝幾別緻嘅手搖身為手搖控嘅我緊係要試下(〃ω〃)呢間手搖好多人排隊但勝在原來入面有位坐行街行得耐決定坐底休息一陣先𝐎𝐫𝐝𝐞𝐫:: ⧐凍頂烏龍鮮奶茶DONG DING OOLONG TEA LATTE因為人多 所以等嘅時間比較耐呢度嘅飲品包裝真係好有特色我好鍾意(*´-`)烏龍茶底好香濃配埋鮮奶真係一流下次會再飲順便試埋其他手搖(๑˃̵ᴗ˂̵)—📝評分味道 𝟺 / 𝟻環境 𝟺 / 𝟻服務 𝟹 / 𝟻衛生 𝟺 / 𝟻抵食 𝟺 / 𝟻—📍 吃茶三千 (銅鑼灣)銅鑼灣軒尼詩道500號希慎廣場5樓511A號舖

今次介紹依間位於銅鑼灣希慎嘅人氣茶飲店🧋每逢假日，都見到好多途人攞住一杯杯包裝精美嘅茶飲☺️不過可惜每次都有條好長嘅人龍等緊😌今次平日黎，等5分鐘已經可以了😎🍴 國王珍珠奶茶 $36 (輕盈50%、少冰)📝評分: 8/10第一次黎試，️試杯招牌嘅國王珍珠奶茶🧋茶底用上鳳尾紅茶+皇家厚奶+ 國王珍珠沖調而成☺️店舖使用箤茶機濃縮茶葉，所以飲落有好濃嘅紅茶味，適合鐘意茶濃嘅我❤️配搭皇家厚奶，口感更加順滑😁珍珠方面份量適中，口感煙韌，略為較甜，所以甜度方面建議選擇輕盈50%，咁就剛剛好啦👍🏻整體黎講，依間茶飲店會再encore，如果唔使排長龍就更加好😆

一直都有聽到呢間台灣飲品店既好評，今日行街終於見到佢，一於試下啦～😃Menu上面淨係茶種都有成6款可以揀，仲有唔同既口味配搭，人氣推介都有成8款咁多，樣樣都好似好吸引咁😍😍😍最後決定先試個珍珠奶茶《熔岩黑糖波霸鮮奶》$37店員話呢個黑糖飲品無得減糖，不過唔減糖甜度都啱啱好，黑糖味仲好香，鮮奶既奶味都出，珍珠煙靭，好好飲～唯一係比較細杯，而冰都幾多，好似飲左幾啖就飲晒咁，好唔夠喉😚見到d人話國王珍珠奶茶都好好飲，下次再黎試下先😋

說起近年打入香港的台式茶飲店，吃茶三千可算其中的人氣選擇。選用台灣各地得獎茶葉，以品牌打造的LION萃茶機製作茶湯，上層鋪著濃郁的奶蓋慕思，再加上標誌性的提袋設計，每一個細節都讓這杯茶飲內外兼備，既吸睛又美味。Chi Cha San Chen makes each cup of drink perfectly with loads of details, from award-winning tea base, using a self-developed teapresso machine to the special design of the package that allows you to hold it like a handbag. 

📍一直都被吃茶三千的門面裝修和包裝所吸引😻礙於每次經過都大排長龍 所以都好少機會試..銅鑼灣店 座位比較多 除咗室內長木椅👀 室外亦有大量坐位供人休息 裝修簡約坐落幾舒服店舖對於茶飲品質要求十分高 使用萃茶機🍃嘅高溫加壓原理令茶味能於瞬間濃縮 同時保留茶葉嘅茶韻同甘甜而且睇住店員每次都有量茶葉嘅份量 相當精準 水準穩定🌀國王珍珠奶茶用上鳳尾紅茶+ 皇家厚奶+ 國王珍珠沖調而成茶底相當濃 紅茶味香 珍珠用上黑糖炒煮 口感煙韌略甜建議選擇半糖 不過牛奶令整杯飲品入口更加幼滑🤗🌀慢熱濃芋鮮奶茶芋頭飲品屬期間限定 ⚠️每日只售150杯除咗小芋圓 亦加入少量芋頭粒 芋頭味與茶香相當融合朋友表示很不錯 (或許是台灣的芋頭就是特別香甜!🙈)

之前放假經過都見到唔少人排，搞到我都心思思，重點佢又幾有gimmick, 個杯套連埋繩可以抽住，影相又靚，所以就試下平日lunch泥碰下運氣~ 雖然製作需時，但店舖有唔少位置俾客人坐住等同享用飲品，都幾體貼，一切都值嘅🤩比較吸睛嘅係佢有兩大部特製萃茶機，可以即席沖泡六款唔同嘅台灣高山茶~✨國王珍珠奶茶 - 睇住佢現萃個鳳眉紅茶幾治癒，搭配獨家皇家厚奶，兩者嘅比例剛剛好！而巨巨嘅國王珍珠用左木薯粉整，好彈牙同埋幾香黑糖味，可以中和無糖嘅奶茶底👍✨慢熟濃芋鮮奶茶 - 原來係每日限量，好好彩叫到🤩有我勁中意嘅小芋圓， 煙煙韌韌😍

平時喺希慎廣場行街，經過🥤吃茶三千， 都覺得環境好靚，今日系附近食完嘢，覺得有啲口渴，所以來到買嘢飲。❤️裏面有好多座位，環境好舒適，仲有戶外位㖭😍店鋪主打現萃茶湯🌿，用特製萃茶機即席沖泡六款台灣高山茶👍今次我揀咗濃芋系列既慢熟濃芋厚奶，少甜少冰，充滿濃郁美味既大甲芋頭芋泥及芋圓，芋香味爆燈，芋圓煙煙靭靭。😋😋朋友揀咗國王珍珠奶茶，我都有試飲，呢杯都幾正😍以現萃鳳眉紅茶為基底，搭配獨家皇家厚奶製成奶茶，茶香滿溢👍大大粒國王珍珠，由純天然木薯粉加入少量黑糖製成，非常Q彈💯💯👍👍雖然落單後需要等一陣，但值得等待。

💛 HKG - 吃茶三千 CHI CHA SAN CHEN 💛ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 好少po廢水，但係 吃茶三千 對我來講實在太好飲 😆 我鍾意啲好有茶香味嘅廢水而依個正正做得到！就算係奶茶，茶味好出又解渴💙 唔同分店個menu都有少少唔同 (好似係) ᵕ̈ ᑋᵉᑊᑊᵒ ᵕ̈ ᑋᵉᑊᑊᵒAre you a person who loves your bbt has a strong tea flavour base or strong milk flavour base ? Me ? Definitely tea side hahaha so CHI CHA SAN CHEN absolutely my fav now 💜🌼 Drink又見檸檬塔 36芋頭鮮奶茶 42玉露香蜜 32

飲品的確包裝得幾靚！一行過嚟就話要等20幾分鐘，要等㗎，最後都係等咗20幾分鐘口渴到不得了，等25分鐘唔係問題。但係職員服務非常差！又唔專心聽人講嘢，落單嘅時候講完當聽唔到。落兩杯嘢飲問咗四五次同一樣嘅問題😩😩！佢唔想返工就唔好返啦，無謂辛苦佢自己囉！仲要辛苦埋啲客人，頂🖕🏻🖕🏻🖕🏻！外面啲枱全部都有奶茶跡張凳又污糟，都冇人清潔有冇搞錯。一定一定唔會再幫襯，出去飲其他台灣荼好過，又唔使受氣又唔使辛苦仲唔駛等咁耐！仲好飲過佢，都唔知點解鬼暗眼嚟咗飲嘢🤦🏻🤦🏻