台蔡滷肉飯

难得有风假，落波后就去荷里活广场行下，顺便一试好多人都赞好，入选咗《2024 2025米芝莲指南》嘅《台蔡卤肉饭》。佢嘅菜式唔算话好多，我听过最多人赞嘅系「花雕麻油鸡汤套餐」所以我哋点咗呢一个餐，再加两款小食。套餐包括「花雕麻油鸡汤」同「小碗卤肉饭」，饮品另外收费。「花雕麻油鸡汤」嘅味道都有带少少药膳嘅味道，同时带有花雕酒同麻油嘅香味，汤味非常浓郁，完全系台北嘅风味。另外套餐嘅「小碗卤肉饭」，猪腩肉肥瘦均匀，而且切得大小均一，肉腌得非常入味，好香好Juicy，米饭亦有咬口，捞埋个卤肉一齐就啱啱好。原本谂住系点两个餐，但我哋又唔想一人一个卤肉饭，所以另外叫两个小食好似仲化算。我地点咗店家表示香港第一嘅「九层塔盐酥鸡」，外皮松脆，鸡肉十分鲜嫩，而且好Juicy唔干，咸香味浓郁，就好似去咗台北嘅夜市啲盐酥鸡嘅味道，我谂佢系我暂时食过唯一一间完全系台湾味道嘅炸鸡，唔怪得佢咁有自信话自己系香港第一👍🏼。另一个小食系「肉松起司蛋饼」，响香港就冇食过，我去台湾时就不时都会食。佢个蛋饼好出色，蛋味浓郁，配合芝士同肉松，再加上面层嘅酱油，真系好邪恶，而且份量都唔少，只系$40蚊非常抵食。餐饮我点咗「柳橙茉莉绿茶」，加多15蚊，好过有嘢饮。店内有提供热水，系自助式自己出去斟水。《台蔡卤肉饭》都几另外大开眼界嘅一间台式餐厅，佢完全将台湾嘅味道带到香港，特别系佢个「花雕麻油鸡汤」，我曾经响台北一个夜巿食过系麻麻地，呢个汤系我想要嘅味道，我谂佢个「药膳排骨汤」会更加不得了。佢最正嘅系冇加一服务费，响香港嘅餐厅系比较少有。…查看更多

QR code自助落单，唔识嘅话服务员都会帮你落单。属于快餐嘅感觉。餐厅地方宽阔，整体感觉都系干净整齐嘅，服务员态度正面，不过不失，亦都唔会食完就赶你走。盐酥鸡卤肉饭，炸得够松脆，应该系即叫即炸嘅，但完全冇味道，卤肉饭味道还可以。饮品唔记得系乜嘢水果茶，冇茶味冇水果味，唔好饮👎🏻炸猪扒卤肉饭，都系炸得够松脆嘅，但系又系冇味道嘅，其实加返啲椒盐粉喺上面都已经够晒味啦！珍珠奶茶，又系冇茶味，珍珠冇甜味，唔好饮👎🏻…查看更多

这家同样是由台湾人主理的餐厅，以卤肉饭为主打，是荃湾的人气餐厅，更连续两年获得「米芝莲指南入选餐厅」！最近在钻石山开设分店，这次我们光顾的便是位于钻石山的分店，餐厅在港铁钻石山站旁边，位置方便。我们在周末中午光顾，人流非常多，我们在餐厅前面排队，最后等了20分钟才能进餐厅，餐厅亦有标示繁忙时间用餐时间限时60分钟。餐厅提供4种不同口味的卤肉饭，我选择了「台味卤肉饭」配溏心蛋（$52），男朋友则选择「椒盐炸猪排+小碗卤肉饭」（$72）。「台味卤肉饭」的份量非常多，卤肉使用半肥瘦猪肉，不会太油腻，与溏心蛋配在一起吃很美味！「椒盐炸猪排」的炸衣很薄，猪肉虽然炸过但口感不会太干，同样美味！另外我们点了「肉松起司蛋饼」（$40），餐厅使用葱抓饼为蛋饼皮，虽然比其他台湾餐厅的蛋饼厚实，但是口感酥脆，肉松的份量很多，芝士更有拉丝效果，没想到葱抓饼与蛋饼这么搭配，令人惊喜！…查看更多

从未试过有餐厅可以令LadyB 系一个星期内encore 嘅,台蔡做到了平时行过成日见到人龙，不明所以。亲自食过后，完全感受到佢嘅魔力😋首推：盐酥鸡🐔炸粉轻巧，洽到好处，做到刚刚好，系好难架。入口松化，鸡肉保持到肉汁，又弹牙，唔鞋，真系好好味🤤食过返寻味👍🏻不过紫苏叶就炸得太油，可以改善下。🐷招牌卤肉饭🍚🐷卤肉汁肥瘦适中，咸甜都平衡到。加上微微辣嘅酸菜，好好味😋唯，店家忽略咗另一个主角：🍚唔知道系米本身嘅问题定系煮嘅问题，总之囗感好实，好湿，冇饭香味，影响咗整体嘅体验。药饍排骨汤🐷唔会太重药材味，但又饮到当归味，饮完好暖身，正👍🏻…查看更多

搞到咁晏先起身，心情都几放松嘅😂。同男友挨过肚饿，终于等到可以食下午茶喇，决定行几分钟去附近嘅钻石山台蔡卤肉饭。地方虽然唔算大，但环境干净整洁，够舒服啦。灯光明亮，气氛几好😊，好适合我哋咁慢活嘅日子。花雕麻油鸡汤+小碗卤肉饭 🤩🤩呢个花雕麻油鸡汤一上枱就闻到阵阵香气，忍唔住即刻试咗口。汤底浓而不腻，麻油香加埋花雕酒香，真系正！鸡肉嫩滑易入口，料非常足，但可能对于钟意重口味嘅朋友嚟讲会稍平淡。卤肉饭份量啱啱好，但卤汁略嫌少啲，冇将饭完全渗透到😅。炸猪排+小碗卤肉饭 🤩🤩🤩炸猪排真系外脆内嫩，刷咁一口咬落去，爽爽脆脆，好滋味😋！猪排份量足够，厚薄适中，冇太多油腻感，加埋卤肉饭食，完美搭配！卤汁冇咁重口，不过整体味道仲可以，加啲辣椒油会更好。肉松起司蛋饼 🤩🤩🤩蛋饼嘅外皮煎得金黄，咬落去酥脆可口，内馅啲起司溶溶地，配埋肉松，咸咸香香，又唔会过于腻，呢个还可以叫做小惊喜😉。每啖都想再食多啲，适合用作下午茶小吃，朋友介绍啲。呢次下午茶经验算系几满意嘅😌。虽然卤肉饭卤汁少咗啲，但炸猪排同肉松起司蛋饼真系几吸引。可以慢慢享受，随意倾偈。咁快又觉得肚饱🙃，真系好满足嘅一餐。…查看更多