影片
极差嘅台湾菜 1. 唔够员工，服务态度差，对客人呼喝2. 完全无台湾味道，唔讲唔知系食紧呵仔煎3. 性价比极低，所谓嘅上汤浸时蔬竟然系浓汤宝😂 hea到等执建议老细去转台湾先开舖
继续阅读
话说下午茶时间去到，得两三个客，入去唔只唔理你，仲要用非常仇视眼神望你，好似你入去佢间铺系你嘅错！冇见过咁差嘅态度！咁都仲可以生存，真系令人废解。如果你想无啦啦比人喝，乜都冇做就食一肚气就去啦。
继续阅读
呢排多左时间系屋企附近食晏，见台湾郎开左一阵都未去过，见唔洗排队就入去试下佢地既set lunch，以午餐而言68蚊系一个中上既价钱，不过胜在选择多。68蚊既set lunch分吃可以系前菜，主菜同埋饭面中各拣一款，另外重有餐饮。第一次试佢地既午餐我就分别拣左薯仔沙律，烤鸡扒同埋肉燥饭，而餐饮就拣左珍珠奶茶。先讲薯仔沙律，可以话系合格，薯蓉入面混入左青瓜萝卜碎，食起上黎爽口，更加开胃，而主菜烤鸡扒味道亦都唔错，调味啱啱好，最后肉燥饭，佢比起系台湾食既肉燥饭，啲肉燥冇咁肥腻，冇咩肥膏系入面，而且色香味十足，最后加埋杯甜度刚好既珍珠奶茶，呢个午餐真系好满足，值得下次再去。
继续阅读
个女放学之后话要嚟呢度试下，咁就试下啦，入到嚟 个环境都几好坐得几舒服，好宽敞…… 店家播放着台湾歌曲， 一边吃台式肉燥饭， 一边听歌，完全感受到台湾风格， 台式肉燥饭个女话几好食㗎，而且40蚊嘅下午茶又大大碟， 仲有杯珍珠奶茶，好抵食，个女话下次放学之后都要再嚟试吓食吓其他嘢。至于我就冇份食啦，因为我好饱，只系饮咗啲珍珠奶茶，不过味道偏淡咗啲， 不过呢度啲服务员态度几好，最衰唔饿，如果唔系我都想试吓红烧牛肉汤面，唯有等下次有机会再黎试吓啦， 不过一碗红烧牛肉汤面要成88蚊一碗都唔平㗎， 所以下次要再嚟试下，睇下值唔值呢个价钱。
继续阅读
午市套餐有前菜、主食、饭、饮品前菜：山葵烧汁野菌，唔觉有辣味，烧汁唔太浓烈，仍保持爽脆入味。北海道烚蛋薯蓉沙律，做法似日式薯蓉，味道ok。主食：鳯梨糖醋鱼块，以为是主食应有一碟正常份量，原来亦似是前菜般小型。鱼块硬干，麻麻地。72小时慢煑猪软骨，猪软骨份量较多少少，炆得软冧入味。饭类：黑豚肉磨菇酱饭，哗！饭面超多磨菇，酱汁颇多且畧咸。台湾鲁肉饭，有半只卤蛋，鲁肉条条分明，深色但味不浓。似乎有味饭的比重最大。饮品蜂蜜姜茶蜂蜜金桔都不太甜。
继续阅读