好耐冇食台湾嘢，今日嚟到葵涌嘅台湾客栈，见门口好多人嗌外卖，价钱又亲民，所以一试！应该系啱啱装修紧，所以好多嘢都好简单入去堂食唔使等，因为好多人都系嗌外卖多，可能仲装修紧，门口冇门，所以冷气好快走。如果怕热嘅话，嗌外卖比较好，希望佢迟啲装修完，会有门，入面啲冷气会凉返啲。价钱亲民，$42蚊有得拣埋$16以下嘅嘢饮，可以饮埋珍珠奶茶都几抵！有个自助区，餐具要自己拎，好似有冬瓜茶、水同饭唔够，可以自己添加，几好！炸鱼外脆内软，啱啱炸起，好脆口，咖喱汁送饭好味😋猪蹄饭个份量超大，猪蹄份量就布满成个碗，超大旧，成旧肉都好有台湾味度，卤得入味，仲有生菜，鸡蛋咬落去好软滑，有少少似温泉蛋，但个黄系熟嘅，有埋豆腐，呢碗好足料，女仔食唔晒，男仔应该好够食同好饱！推荐！问员工有冇菜脯食，员工好好拎咗过嚟俾我哋。珍珠奶茶个人觉得有啲甜，但朋友话甜度岩岩好，每个人口味都唔同，所以照写落嚟俾大家参考吓。整体感觉，抵食！推荐猪蹄饭！…查看更多
