台灣客棧金基 (金基工業大廈) (已結業)

老闆好好人，份量足，服務周到，下次會再幫襯，我哋叫咗鹽酥雞飯炸啱啱好，我哋叫多飯佢都比足，手搖飲品好有台灣味道，手抓餅個皮鬆軟最近晏晝都會選擇叫佢，送餐速度快。

叫外賣黎食啦，見到推介左間台灣菜諗住試試佢，點知出事。有一份鹹酥雞排便當、滷肉飯便當、麻辣鴨血、港式烤鴨捲餅。鹹酥雞排便當點樣塊雞排係酸㗎？我知外賣肯定唔酥㗎啦，但味道係酸既都幾驚。麻辣鴨血薄切導致口感偏水，問題唔辣一開始望落以為清湯。港式烤鴨捲餅橡筋咁既口感…滷肉飯本身既滷肉俾過，不過配菜甜既都少見。係咪因為見差唔多收工所以可以俾啲咁既貨人，諗住打電話問結果近9:00已經落閘。搞到個外賣唔夠膽食，條數又無得追

我未留過負評，但呢間真係要特登浪費lunch時間打滿200字留下警下世本身見佢唔算特別抵食，但見近近地諗住試吓，結果好後悔食物飲品份量少，睇圖就知幾細杯珍奶，未見過，又多冰又無味最差最差係外賣加錢買餐具但無俾，要我用手食？同埋枝飲筒拮極都唔落隻珍奶杯，最後拮到爛晒瀉晒，無得飲之餘要我抹餐懵，lunch時間都無晒，貪平訂平少少貨，知唔知累到食客幾折墮？大家小心中伏，辛苦半日想食個飯都搞到一塌糊塗，極差服務

叫佐杯野飲走甜但勁多糖成個底都係成杯唔飲得個麵一打開有啲唔開心，賣相麻麻食落係比賣相好既好彩，豬軟骨都係有少少韌，沙茶味道唔錯，有驚喜，係啲麵淋佐啲，份量少佐啲，都唔錯，起碼唔係難食，可以頂下想食拌麵果條癮

▷鹽酥雞扒烏冬 - 麻辣湯 $𝟥𝟧.𝟤(𝖿𝗈𝗈𝖽𝗉𝖺𝗇𝖽𝖺 𝗉𝗋𝗈外賣)◁打開包裝好大陣麻辣香散出嚟❤️烏冬唔喺手打果隻～不過👦🏻鍾意～附湯仲送咗一隻滷蛋&生菜～麻辣中帶點健康😂鹽酥雞扒略嫌細塊咗啲(比起台灣好出名果啲…)～但喺餐廳做到台灣果種風味～外皮酥脆～雞肉唔會炸到硬晒👍🏻⁡▷招牌滷肉飯 $𝟥𝟧.𝟤(𝖿𝗈𝗈𝖽𝗉𝖺𝗇𝖽𝖺 𝗉𝗋𝗈外賣)◁終於搵到一間唔喺用豬肉碎整出嚟嘅滷肉飯😍用五花腩切條再滷到淋晒+入晒味～雖然大家會見到好多肥膏～但喺👧🏻認為正正就喺滷肉飯嘅特點！每啖入口都有種黏口感覺🙈推薦～⁡▷芝士火腿蛋餅 $𝟤𝟩 (𝖿𝗈𝗈𝖽𝗉𝖺𝗇𝖽𝖺 𝗉𝗋𝗈外賣)◁呢個就喺👦🏻同👧🏻嘈咗好耐嘅人氣菜單之一～外皮喺用酥餅加蔥煎香～中間夾蛋&火腿&芝士卷埋～外賣到屋企抖咗陣啲芝士仲拉到少少絲😍⁡▷台式飲品 跟餐+$𝟨-𝟩.𝟧不等 (𝖿𝗈𝗈𝖽𝗉𝖺𝗇𝖽𝖺 𝗉𝗋𝗈外賣)◁唔洗加$𝟣𝟢已經可以飲多杯台式飲品～當然要試吓！👦🏻叫咗杯奶蓋奶綠(其實原本想叫特調奶綠但落錯咗🙈)～👧🏻叫香芋奶茶～👦🏻👧🏻飲完之後～總結一個字「甜」！⁡𖤘台灣客棧金基 (葵涌)❥葵涌大連排道𝟥𝟧-𝟦𝟣號金基工業大廈地下𝖠𝟣𝖡號舖

係酒店🏨附近好似周圍都係工廈🏢但原來都好多野食🥳今日就search到附近有間台灣野初頭都抱住一個麻麻地好食既心態去試點知又有驚喜喎🤩• 金牌豬蹄飯 $35.2有兩大舊豬腳，都炆得好入味好冧😋 不過可能係豬腳既關係，中間勁大舊骨，變相其實得好少肉食😞• 自選雙拼飯 $44.2揀左豬軟骨🐷同鹽酥雞排🐥個雞排好嫩好juicy😎 炸粉唔會好厚，幾好👍🏻 豬軟骨都入味，就甘食會咸，但配埋飯食就岩岩好😃•台灣蛋餅 $18見到個價錢，忍唔住叫埋黎食🤣 手抓餅加蛋，裡面仲有啲唔知咩配菜，咸咸地，好惹味🤤🐼外賣自取有折，如果住附近或者係個頭返工，都可以試下。不過就甘search 呢個名都有幾間鋪，唔知係咪有關連既呢🤔