36
14
5
开饭介绍
台式地道美食是一間小食店,它們有售賣沙冰,珍珠奶余,燒賣,每日亦有很多顧客排隊光顧,得到了不少稱讚
继续阅读
营业时间
星期一至日
11:30 - 00:30
以上资料只供参考,请与餐厅确认详情
招牌菜
食记 (56)
大概七,八年前,每次出旺角掃街嘅頭三甲必食,一定包括呢個沙嗲四寶丸,近呢幾年,隨住各式各樣嘅美食以及一大堆連鎖經營台式飲品店,陸續空降旺角區,四寶丸頓時被遺忘,而且係一段頗長嘅日子呢日突然路過,聞到陣陣沙嗲味,驚覺此店仍然有人堆圍在門外好想試下四寶丸有冇以前咁好食,正好天氣炎熱,都想買杯野飲下1.沙嗲四寶丸~醬汁依然香濃,要左辣都唔覺得辣,丸們好似無以前咁大粒,花枝同蝦丸都好彈牙好好味牛丸好多筋,豬肉丸唔太好食,太淋無咬口整體係數退步左,而且要$12,太貴喇2.青檸益力多綠茶~$12大大杯,見到佢落左一枝多多,溝大半杯綠茶,所以多多味偏淡,不過咁樣清新d 無咁甜,青檸係用糖漿而唔係果汁,味道唔算太假,幾好飲又解渴## 漲價問題源於租金激增,我覺得係可以理解但加左價再喺食材方面削減,就似乎唔係幾公道今次食到已經不能稱為"大大粒"嘅丸,應該唔會再食嚕
继续阅读
來到旺角街頭美食第二擊。每次路經旺角心臟地帶女人街,本少爺總會禁不住「沙爹花枝丸」的呼喚,要到「台式地道美食」這小店潮拜一下。行近已聞到沙爹香氣撲鼻。看見一大煱咖哩魚旦在「沽淥沽淥」地滾著,一串串四寶丸「滋咧滋咧」在煎燙,忍等住口才怪!「沙爹四寶丸」($10)四寶有貢丸,龍蝦丸,牛丸及花枝丸,全部大大粒,塗上香濃沙爹醬,香口惹味。「沙爹花枝丸」($10)再安歌來多一串。特別喜歡它花枝丸的口感,不會只像一團粉團,是真的有墨魚爽彈的感覺。付出$20,換來的是飽肚與滿足!
继续阅读
我光顧了這間店子多年,隔星期也必定買吃魚蛋來吃,而這間店鋪的魚蛋真的很好吃!魚蛋質地夠彈又咬下去很有質感!!而且魚蛋外貌又滑又圓!!連爽報早排也推介!!很可惜到了這天20/10/2011 我再次光顧吃魚蛋時,發現已不同以往了! !魚蛋變差,初時以為自己錯覺,但再和同行朋友討論,朋友也表示真的不好吃 不是以前在這裏吃慣的魚蛋!! 質地變淋了,毫無魚味!! 吃下去一團粉!! 魚蛋外貌不滑又多孔!!!真的很氣憤!! 就算辣汁多好吃也沒用,因為這些「假魚蛋」根本不能入到味!!朋友和我也表示請也不吃這些魚蛋由於嬲而且價錢也升至10元一碗(以前是8元),因此決定要問店員為甚麼魚蛋好像不同以前!!他們竟還說:「係呀!換左第二個供應商!!是否更好吃呢!!」我和朋友立刻說:「鬼變好左!!變差就有份!!魚蛋一點也不好吃!!可以說難食到極!!以前那種好吃得多!!請用回以前的魚蛋吧!!」另一店員說:「唉!現在所有原料也加價!!生意難做!!所以要換某些食物的供應商!!」我們説:「明白現在物價通漲!!我寧可你再價!或減少份量!!也不要這些次等魚蛋!!請叫老闆換回以前的魚蛋!!」店員也默不作聲!!總之,大家千萬不要以為像以前及爽報介紹時的魚蛋,現在已不同了!!要再吃間的魚蛋請三思!!除非他們改回用以前的魚蛋!!台式地道美食,請不要以為我們是「無脷」簇人!! 一吃便知那些是「真魚蛋」!!
继续阅读
放工, 竟然有點肚餓同口乾, 回去外母外父家食飯之前, 不如係街邊拮少少野食, 買杯野飲再行去火車站吧. 呢一間食店, 把台灣的名字擺出來, 咁我就要試試看, 睇下你有幾台灣. 但當我一行到檔前, 竟然給這兒的港式風格吸引了. 掛名是台式, 其實是港台口味混合的魚蛋店.吸引我的港式味道, 就是我手上的一杯冰鎮港式奶茶, 說台茶好飲, 但實際上, 港茶比起台茶, 更加之濃香, 因為用的, 是淡奶, 不是奶粉. 味道固然會鮮一點. 此冰鎮奶茶, 雖然以台茶的形式發售, 但一飲就知道是香港的味道, 而奶油的濃, 仲要勝過太興同美心的冰鎮, 飲過後, 精神真的為之一鎮. NICE!!! 台式的, 就是這一條蜜糖腸. 用台式的滾腸機滾住來烤, 烤得皮脆, 不燶, 不過肉油就鎖哂係腸仔入面, 食落其實幾肥膩下. 是蜜糖腸, 咬落甜美, 加上肉油肉汁, 味道更鮮香好味. 邊行邊食, 是忙碌的香港人的象徵, 輕輕的解了渴止了餓, 也到達了火車站, 這是該回家的路了.
继续阅读
繼掃街行動-第1站既"萬家燒餅皇"行落波鞋街睇下野,就來到山東街食串燒平時會叫牛肉丸,今次叫左一串貢丸 $9 有四大粒正呀! 沙爹醬唔太辣. 一口咬貢丸, 汁就湧出來, 好熱好熱. 雖然貢丸幾好食, 但都係牛肉丸同沙爹醬夾d
继续阅读