台北日記 (已結業)

或許是我一時僥倖好運，選擇在星期一晚上前往「新蒲崗」享用「牛腩飯」晚餐之前，在「馬鞍山」港鐵站「烏溪沙站」旁邊屋苑商場台灣小食店「台北日記」購買「鹽酥雞扒」時，遇上食店推出「買一送一」優惠。恰巧「台北日記」當時推出的台式小食食品「買一送一」限定優惠裡面，「星期一」正正就是提供「塔香鹽酥大雞扒」小食食品買一送一優惠，適合我在晚餐裡面享用。於是我購買「塔香鹽酥大雞扒」，可惜「台北日記」暫時未有手調台灣飲品，只有紙包和罐裝飲品。所以我最購票後，一等到廚房製作「塔香鹽酥大雞扒」完成，收到後就乘坐港鐵前往「鑽石山」，步行前往「新蒲崗」享用晚餐。我曾經擔心購買「台北日記」製作的小食「塔香鹽酥大雞扒」之後，「鹽酥雞扒」外層實際口感會隨著我需要花時間坐車，和在「新蒲崗」享用「牛腩飯」晚餐後而受到影響。結果我享用完「牛腩飯」晚餐之後，結賬後返回到「采頤花園」乘坐小巴，一回到「西貢」家裡面之後，立刻打開「塔香鹽酥大雞扒」外賣盒，看看「鹽酥雞扒」外層實際製成品有沒有完全變腍。幸好我發現「台北日記」廚房製造的外賣小食「塔香鹽酥大雞扒」，原來不是純粹以油炸方式處理，所以「鹽酥雞扒」外層雞皮經得起時間考驗，口感也

馬鞍山烏溪沙站落車，見有點肚餓，見到車站出口有間 - 台北日記，可以食出台灣原味道，本身都鍾意食台灣菜，外賣幾個台式便當同埋小食返屋企滷排骨香菇肉燥便當濃郁滷水味，排骨入味而且肉嫩，加上肉燥同滷肉返飯一流墨魚腐皮卷香菇肉燥便當墨魚腐皮卷皮薄又香脆，墨魚肉彈牙，加上肉燥同滷肉，好滿足台灣香蒜腸香腸帶有濃郁嘅蒜香味道，外皮香脆，內裡肉嫩，味道不錯#台北日記 #外賣 #馬鞍山 #烏溪沙站 #台灣原味道 #香港美食 #香港

叫咗鹽酥菇香菇肉燥飯，無諗過$54嘅飯得6粒鹽酥菇，無錯係得6粒菇😅😅啲肉燥仲要係甜味？大佬甜過我琴晚食個豆腐花喎...本身諗住加$6肉燥 雖然話宜家唔洗比錢另外加姐 都唔使比甜嘅肉燥啊😅見過其他食評話唔係好咸，但係無諗過會係甜到咁，一啲咸味都無

只限制令之後 經常都會外賣 今日同個仔玩完之後 就係烏溪沙馬鐵站附近 見到有一間食台灣嘢 賣相幾吸引( 台北日記) , 去到嘅時候都見到有幾多人等外賣 我就叫咗 @古8 鹽酥雞香菇肉燥便當 鹽酥雞脆口 肉燥相當惹味@ 古10 香酥雞扒香菇肉燥便檔就算外賣返到屋企雞扒 都唔會話淋曬 入口仍然嫩滑 個汁撈飯真係好好食墨魚腐皮卷食落口 彈牙就不在話下，味道仲調教得剛剛好👍🏻櫻花蝦餅蝦味濃厚唔需要點醬汁已經好好食總括嚟講 如果鍾意食濃味嘅呢間一定啱大家胃口👍🏻

烏溪沙站附近依家多咗好多不同款式或地方美食坐落响日日食良市場，可以畀人外賣自取。今次去咗試台北日記嘆正宗嘅台灣美食。揀咗鹵排骨香菇肉燥便當、香酥雞扒香菇肉燥便當，小食就揀咗櫻花蝦餅同埋台灣香腸(香蒜味)，兩個便當份量都超足，塞滿曬食物。先講滷肉飯，非常地道正宗而且肉燥嘅味道啱啱好，唔太鹹又唔太淡。香酥雞扒皮脆肉嫩而且好惹味，排骨就用台灣正宗鹵法，而且排骨亦都係厚身啖啖肉。櫻花蝦餅就有三小塊，每一件都有鮮蝦嘅味道而且用慢煎嘅方法鎖住入面嘅肉汁好好味。蒜香味台灣腸，食時就好似置身台灣一樣，好有台灣特色味道。

呢排晚上無得堂食，附近選擇又唔多，最近收到風烏溪沙站開咗間新嘅台北便當🍱店，即刻去試下先～遠遠見到台北日記個招牌好有feel呢～好似去咗台北車站咁☺️，便當有好多款式，仲有好多台灣小吃選擇，我今次揀咗鹽酥雞扒飯，仲有小吃台灣腸香蒜味，爆醬貢丸，冬瓜茶桂花味！鹽酥雞扒便當真係好似係台北食嘅風味，食個飯盒裡面好足料，飯送滿滿，雞扒香滑，推介爆醬貢丸，一咬會爆汁，食咗咗多野，飲返杯冬瓜茶消消滯，good 呀！

去唔到台灣旅行，食吓台式古早美食，滋味一番 !香酥雞扒香菇肉燥便當打開便當，散發炸雞嘅香味，雞扒大大塊，外皮脆口內面嫩滑多汁，配搭粒粒肉燥及幾塊半肥瘦滷肉，飯嘅份量多，非常滿足!鹽酥雞香菇肉燥便當打開便當，有幾舊咸香嘅鹽酥雞，好爽脆同埋啖啖肉，配搭粒粒肉燥及幾塊半肥瘦滷肉，飯嘅份量多，非常滿足 !櫻花蝦餅餅香、脆口、好味!冬瓜鳳梨茶冬瓜茶裡加點鳳梨嘅味道，可平衡甜膩感，味道清新可口!冬瓜白桃茶，茶色偏杏色，冬瓜茶裡加入桃嘅味道，味道好似果汁，好味道!

今晚咁凍，好想食飯，經過見人不少人幫襯，我都試下。肉燥飯我至愛，啱食鹽酥雞香菇肉燥便當鹽酥雞用紙袋分開放，保存到脆身，鹹鹹辣辣惹味喎，炸得香脆，啖啖肉，肉燥份量算多，熱辣辣又飽肚。台式香腸香菇肉燥便當台式香腸切好一片片，煎香，肉燥一樣多，我鍾意有肉粒，與台灣食好似，飯又多，正。滷蛋豆腐香菇肉燥便當豆腐似蜂巢豆腐，保留好多汁，滷蛋入味，伴香菇肉燥已經好送飯，菜都不少。仲有粉麵配滷水配料，汽水加四蚊，抵食。

今日出開去，好凍啊🥲去開烏溪沙，見地鐵附近有野食諗住買啲返去唔使煮而且凍真係特別易餓本來好鐘意台灣既我好掛住台野啊🥺🥺見啲價都差不多買左兩個便當加杯桂花冬瓜茶～鹽酥雞便當同埋滷翼返個便當超乎份量好足！好多滷肉啊🤩 鹽酥雞好食！不過因為黎返屋都好遠了烏溪沙拎返大埔🤣🤣凍左都係好味😋冬瓜茶好飲想佢多啲桂花😈☺️ 因為好鐘意桂花香既我😝覺得佢地性價比唔錯😚👌🏻👌🏻學生餐四十幾我都想做返學生😂😂大家行過經過可以試試相信佢地會愈做愈好😎👍🏻

近排疫情，多咗買外買，出名食物沙漠嘅馬鞍山係，喺街市附近開咗唔少外賣店。今次就買呢間台灣嘢食。佢門面好有台式風味，基本上有台式滷味、台式便當、飯、麵及飲品等等。佢食物嘅種類都算多元化，而且價錢經濟實惠。外賣來講相當唔錯。揀咗鹽酥雞冬菇肉燥飯$58，入邊好豐富。鹽酥雞新鮮炸起，夠香脆。鹽酥味亦都好夠。飯有肉燥、滷蛋及椰菜。另外叫咗滷水套餐，自選三款$33加$10有粉麵，揀咗冬粉。餸揀咗魚片頭、芋絲及豆皮。小食叫咗炸花枝丸及炸蝦餅。炸得金黃，味道正常。

又回復晚市冇堂食嘅時間😭又懶，天氣又凍，就決定直接買外賣返屋企食🤭銀湖天峰街市呢度開咗好多間唔同嘅食店，今次決定試下呢間台灣菜，買之前喺openrice睇咗啲食評，都有d猶疑🙈但係都最後決定照買，想親身試驗一下‼️收銀員妹妹好有禮貌，有啲台灣風😍我諗咗好耐（有選擇困難症🤪）終於決定咗叫兩個小食+兩個便當🍱行返屋企大概十分鐘，返到去食物都仲係暖笠笠～小食：1️⃣蒜香四季豆 (HK$18) 2️⃣櫻花蝦餅 (HK$24)兩樣小食似係即叫即炸嘅，放咗喺紙袋入面，紙袋幫助吸咗啲油，當然未至於最脆，因為始終初時好熱嗰陣喺紙袋入面有少少倒汗水～ 兩款小食上面都加咗好惹味嘅調味粉，有台灣夜市嘅感覺😍鍾意食濃味嘅就會鍾意～如果唔係天氣凍，真係即刻想開返支啤酒飲～便當：1️⃣香酥雞扒肉燥便當 (HK$58)2️⃣鹽酥香菇肉燥便當 (HK$54)除咗雞扒同埋香菇唔同之外，兩個便當嘅其他配菜係一樣嘅，有肉燥，椰菜，半隻鹵水蛋，醃蘿蔔～而家好似做緊promo，所有便當都會免費額外多咗肉燥😍肉燥裏面有瘦豬肉粒亦有肥嘅豬腩肉粒～椰菜我食到有少許嘅滷水味，望落去嘅顏色亦都唔似係白烚～好彩決定試一試，因為我覺得未至於係某啲食評講到咁差

我經常經過烏溪沙，今日中午經過，終於有時間幫襯下。門面以紅白藍色為主色，紅色燈籠🏮，紅色底色都搶眼，簡約有台灣特色。香酥雞扒香菇肉燥便當一打開香味撲鼻，雞扒上鹹香微辣，外脆內嫩，肉燥有細肉碎，伴有一塊塊半肥瘦豬肉，油花香，飯份量多，好夠飽。香酥排骨香菇肉燥便當排骨即㡳豬扒，豬扒算鬆化，外層有薄薄酥脆皮，肉燥有半肥瘦肉最正，肉嫩鹹香，飯量一樣好足。台式滷味任揀3款$33，原來幾大份，雞翼鹵得入味，鹵蛋鹹香，白蘿蔔香甜無渣，加$10 可加米粉、麵。新張期買任何台式便當免費升級滷肉，午餐學生送汽水，下次試多幾款先

今日經過烏溪沙，見到餐廳門口裝修好吸引好有台灣小店的感覺 🇹🇼餐廳無得堂食！只係做外賣自取但選擇款式都好多！小食好吸引😍好岩鐘意香口、炸物既人 我地二人叫左兩款便當🍱 跟小食便當的份量好多！如果細食的話~~二人叫一份便當，再加小食都已經好飽 🔼🔼鹽酥雞香菇肉燥便當、香酥雞扒肉燥便當便當雖然略貴，平均$58 一份。份量好大碗~~滿滿既肉燥，肉燥味偏濃味，如果喜歡肉燥更可以加 $8 要求多肉燥👍👍大大塊的雞扒，再配上椰菜好健康 🔼🔼蒜脆杏鮑菇杏鮑菇皮脆多汁，食到停唔到口 🔼🔼台灣蒜味腸蒜味腸烤到面頭脆皮，蒜香味濃好好食 🔼🔼櫻花蝦餅好惹味，外面脆身，入面彈牙，不過蝦味唔算濃 🔼🔼冬瓜茶好解渴及解辣，甜度剛剛好 一餐好滿足的台式午餐🇹🇼幻想一下，去完一趟台灣的旅行✈️

由開業到宜家食過好幾次，但之前都係買滷水小食，味道算係中規中矩，最鍾意買滷鵪鶉蛋，出面唔係咁多地方有。最近餐廳晚巿只做到6點，橫掂都要食外賣，又見佢將原來嘅肉燥全部免費升級哂加埋滷肉，就俾次機會佢啦。今次買嘅係鹽酥雞便當，啲雞粒用左紙袋分開擺，拎到返屋企食都仲脆脆地。肉燥底加左滷肉又幾好食喎，白飯份量算幾多。咁嘅質素都對得住呢個價錢啦，會繼續支持幫襯。

近幾個月烏溪沙站開左好多細細間既食店。 每間都試過，當晚一次過喺度買左兩碗野食。呢間既門面喺最吸引人，可惜就喺最伏既一間。首先，價錢一啲都唔平，一個便當要近六十蚊。一打開，賣相極差，飯極少，鹽酥雞又少又硬、連啲豆腐都味道怪怪。至於個滷水粉，所有野得個色，一啲滷水味都無，果然係秘制既滷水。四十幾蚊，份量少之餘，色香味美無樣掂。另外值得一提既喺，唔知關唔關佢事，凌晨三點零鐘起身狂嘔，之後仲痾左六七次，痾到天光，好多年都未試過咁樣了 🤢台灣野黎講，呢間野零分都比多左。