影片
以上资料只供参考，请与餐厅确认详情
影完比赛去搭车返屋企，经过就心郁郁，买左碗仔翅黎食（好邪恶）😈影张门面相，先发现改左名，以前叫烧鹅大王，而加叫叉烧大王+泰靓小厨。以前夜晚门面好大好多人等叫野食，而家又冇乜人，唔洗等就比钱走人，同埋小左好多选择，如以前有汤牛肉饼，隔离边位有串烧，而加就冇左😭😭一碗$30，个外卖碗睇落好似大碗左，但系实得7-8成满😢😢😢唔知系见我样衰唔毕满比我，定系真系得咁多🥲呢间最正系有辣菜圃🤤，不过又系啦，同佢讲想要多辣菜圃，但又系比1，2匙我，以前唔会咁少啰😭拎到返屋企仲热既，碗仔翅加辣菜圃真系世一，好好好食👍👍不过一碗翅份量唔多，我一个人可以ko左佢，可能我太肥又大食啦😂😂
继续阅读
话说当日嘅心情就似𠮶碗麻辣汤咁滚烫，就系要啲辣味黎抒解下！同萝卜鸡肾拼埋，呢碗麻辣汤底两𩠌面真系「咁㗎嘛嘛」！那个麻辣汤底又香又辣，滋味爆煲😋。啖啖螺肉韧劲适中，啖啖鸡肾鲜味十足，沾满咗麻辣喷鼻的汤汁后，啊！成个口腔都系嗲辣同麻香，嗜辣嘅我就算流晒满头大汗，都一啖接一啖停唔到口🌶️。过嚟串烧部门，就要讲下𠮶烧得外香内嫩嘅烧鸡翼。绕添，一只烧鸡翼轻松打得过去场难顶嘅辣，一只又有啲微辣闷烧，咬落去皮脆肉汁多，全程「夹硬」。食完之后，成个人都兴奋哂，所谓「夜深人静」，但谷到咁啱味啲宵夜，简直就系夜晚嘅小确幸㗎！💖就算唔系夜猫子，我都推介你地黎试吓！话晒宵夜美味黎袭，人人有份嘛！
继续阅读
🌜唔知大家有几耐/有冇见过街头嘅生炒糯米饭呢?🌛我对街头生炒糯米饭嘅印象系来自果籽 (而家好似系过晒 @mm.millmilk )嘅 #饮食男女 专访嘅𠮶条片🍚🥓🌭因为其实我嘅童年已经系见证住末代嘅木头车同埋走鬼文化𠮶啲🏃🏻🏃🏻♀️🚲冇几耐之后已经俾人ban晒所有木头车，好似捉贼赶鬼咁赶走晒所有香港嘅文化同传统🀄剩低嘅，只有一尘不染嘅街道，同埋冷漠无情嘅路人🛣我对生炒糯米饭实际嘅印象，其实只有细个婚宴埋尾𠮶阵𠮶一碟糯米饭系几好食嘅，但印象唔深，再加上细个肠胃唔好，食少少好喇，难消化睇完有心人对香港仅余嘅文化传统同人情味以影像尽力捕捉存档，自己都想去用口尝一尝呢一份人情味究竟有几浓厚香醇🇭🇰机缘巧合之下，自己喺附近上完堂，周围fool around,望吓都成10点几仲有边度有饭食😴望望吓见到有啲类似即烫嘅麻辣烫之类嘅街档，好奇行埋去望吓wow😲哇原来都仲有好多野食😲有韮菜猪红啦、鸡脚啦、面啦、仲有生炒糯米饭😲本住一个我好肚饿我成只牛都吞得落嘅勇气，我嗌完一碗麻辣烫面😂😂食晒再嗌多一份生炒糯米饭😂🍚食完麻辣烫，解决左当务之急，ie.好L肚饿之后，终于可以品尝吓成世都未食过嘅地踎街边味🤓哇喺😍佢真系实际上喺我面前剪左成条腊肠入去😍唔系少少咁一粒粒沟埋喺个饭度有味就算一入口，软糯😍！香🤩！哇腊味油香🤤！每一口都好滋味，每一口都好舒服，每一口都越咬越有味，个腊味嘅油份同糯米饭本身嘅香甜软糯形成左口感嘅变化反差，味道上嘅交融，交织出一度完美嘅交响曲，woooooow🤩其实实际上你问我有冇咁食完晓飞呢，冇嘅。但系啲人会好贴地咁问你食咩，又会顺便倾多两句，唔识都问两句，见到细路又会撩吓咁，𠮶一个感觉好似返到去以前真系可以周街都吹到水打到招呼嘅年代。而家口罩罩左几年，本身唔熟嘅人就再冷漠左少少。天口凉，人情凉，不如食多碗生炒糯米饭暖暖肚。肥仔指数：🐒🐒🐒🐒🐒/5🐒满分古老烧鹅大王地址: 观塘物华街53号地下电话: 27930038 #怀旧 #怀旧小食 #街头小食 #香港怀旧 #旧香港 #本土 #文化传承 #香港文化 #生炒糯米饭 #观塘美食 #观塘 #foodiehk #保育 #美食家 #肥仔觅食 #食物 #hongkong #hkig #Instagram #traditionalfood #食评 #香港 #香港人 #hker #hkfoodie #delicious #foodblogger #黄店 #黄色经济圈
继续阅读
平时半夜去食狗仔粉，都见到呢间烧味舖仲开门，出边有啲人围住买嘢食。望落好似好有风味，今日终于的起心肝去试食配合就嚟起好嘅巴士总站，条物华街变咗双程路，难左揾位停车。不过迟啲大家去完夜蒲之后搭N车返观塘就可以行去买。去到间烧味舖唔见有任何价钱，或者餐牌。见前面啲人就咁指住兜野order. 我都有样学样拣自己想食𠮶碗。有牛丸就冇金菇，有金菇又冇鱼蛋，虽然咁样限制咗我哋点餐，不过非常之快，我再同佢讲话要啲乜嘢面，唔使5分钟就整好俾你。返到屋企食，发现其实全部自己都煮到，冇乜特别，唯一煮唔到嘅就系佢个汤底，所有人嘅order都用同一煲汤烚过，个汤都几有肉味，不过我唔排除佢有落味精，叫左小辣，食落个感觉有少少似谭仔米线。同埋佢个小辣都几辣。重点：食物就咁摊晒出嚟，有啲唔系太卫生。不过我见煮左成几分钟，应该乜嘢菌都死。车仔面冇乜特别，唔怕洗碗嘅人，不如自己系屋企煮。见到佢有田螺，下次可以试吓先
继续阅读
呢间小店系观塘街坊介绍嘅，夜晚九点之后先会有糯米饭，麻辣粉面等等买。今日专程九点后过嚟试吓佢嘅糯米饭，去到小店都真系几多人买紧佢嘅宵夜，我嗌左一碗糯米饭加腊肠，只系$30 ，性价比超高。仲要系份量好多，有啲菜脯粒，同花生粒加葱都好香。之前喺湾仔一间食糯米饭嘅都几出名，一碗好细碗已经唔止$30 ，所以呢间真系好抵食，最紧要系平之余都好好味。记住趁热食，因为冻咗之后糯米饭就好容易黐埋一旧，同埋会有啲油。都几建议观塘附近嘅街坊可以拣呢间小店做宵夜。
继续阅读
您可能会有兴趣的...