今日特登入咗屯门蓝地，呢个从来都未嚟过嘅地方解锁咗新嘅地图🤣 喺社交平台见到另一位博主推介呢间新开开咗无耐嘅餐厅，所以趁住打风之后嘅假日入咗嚟屯门试一试。店舖因为新装修环境尚算阔落有两层，一般都系喺门口向收银姐姐落咗单之后就自己揾位坐。装修呢就同普通嘅烧味舖无异，但系呢佢呢度有烧味同埋车仔面可以拣嘅。 鉴于我哋为咗食佢个古窑烤炸鸡同埋其他烧味而嚟所以呢车仔面我哋就冇嗌啦。见到佢嘅烧味饭，单拼$30双拼就$38加埋好味又大份嘅烧味(偷望隔篱枱)算系性价比非常之高嘅选择。今次我同男朋友就嗌咗半只古窑烤炸鸡，半只古窑豉油鸡，半斤古窑烧腩，同埋半斤黑蒜叉烧。先讲佢嘅烤炸鸡，当然啦就同世一炸鸡蔷红系争少少，因为佢系切开嚟上同埋唔够热，所以就冇咁多鸡汁，不过佢嘅炸皮都尚算酥脆，食得出有好浓嘅柴火烟熏味，$50半只鸡嚟讲系当抵食👍🏻 另外佢呢一份烤炸鸡会跟埋豉油同姜蓉一齐上点少少豉油去食呢又系另一种风味。下次会俾多次机会佢叫佢帮只或者原只咁上。P.S. 一只都系$98豉油鸡嚟讲就同样都系收$50半只。豉油鸡腌得相当之入味，鸡件都相当滑。豉油一甜味呢带起咗我唔少嘅食欲，相信豉油鸡呢捞饭就会一流。呢度嘅烧腩就好出色，可能系因为用柴火嘅关系，佢嘅芝麻皮烧得格外松脆，就算放耐咗呢都仲系非常之脆口。师傅切嘅烧肉大细系好平均，唔会俾啲边边角角搭单。同样都系收$50半斤$98一斤，所以呢系相当之抵食👍🏻至于黑蒜叉烧，就唔系好合我嘅口味。黑蒜味就未煮好出佢切得比较薄。有别于梅头肉，佢叉烧用嘅部位更加类似于烧腩嘅腩肉，肉同脂肪太过分明未做到甘香油爽嘅境界。叉烧嘅调味都尚算可以，但系可能用一部位就用返传统嘅梅头比较好🙈整体嚟讲呢间古窑烤炸鸡嘅烧味相当高质，除咗位置有些去偏僻，但系搭轻铁或者巴士都好容易去到，蓝地仲有妙法寺同埋壁画村可以嚟个weekend嘅本地小getaway 😍…查看更多
