古早牛肉麵

营业中

休息中

行完黃金發現有間台式野我估唔到咁底食!! 呢區黎講個價錢都幾大眾化個蛋餅係好大件!! 個醬辣辣地仲叫左個蚵仔煎!! 又係好大隻蚵仔，都係俾同一個辣醬夏熱天時食完呢d野一定要飲返杯凍野降下溫啦，佢有好多台式飲品揀架!!

超開心，好耐冇食蚵仔麵線，終於搵到間餐廳有呢道菜式啦，平時好多都係得牛肉麵，呢到仲要有綜合麵線，有我最中意食既滷水豬大腸，湯底麻油味香，似碗仔翅湯好好食，豬大腸好易咬，蚵仔仲有海水味添，都只係37蚊咋！凍盤皮蛋豆腐十分之滑溜溜，特製醬油鹹甜度適中，皮蛋入口即溶，最愛食佢裏面creamy既質感，麻辣豬耳爽身，麻辣勁度十足，朋友超喜歡自己食曬成碟，食台灣野點可以唔食手抓餅架，我地叫左個牛肉香葱味，其實芝士同肉鬆都好吸引，我地都選擇果難症左一陣，非常足料呀，原塊牛肉，餅底煎得十分香脆可口，加埋辣汁同雜菜，有啲似墨西哥卷餅不過手抓餅質感同味道較豐富，飲埋杯檸檬冬瓜茶，消暑解渴，正👍👍

台北風味在深水埗疫情關係仲未有得去台北，實在太掛住台灣嘅美食，經過深水埗黄金附近見到古早牛肉麵，忍唔住入去試吓入邊裝修都幾有台灣風味，搵咗一啲台灣嘅舊招牌，再加上喺夜市見到嘅燈箱餐牌，十足去咗台北既夜市下午茶選擇多，再可以自由加配小食同特色飲品由於實在太掛住台北食物，所以一個人我都點得幾多食物滷水大腸米粉分量足夠，大腸起碼有十幾片，湯汁亦好濃好夠味，米粉可以索晒啲湯汁，配搭得好好，比較驚喜嘅係作為配菜嘅白蘿蔔，入口清甜冇渣，值得推介台式小香腸好掛住台式香腸嘅味道，餐廳煎到香腸皮脆，鎖住入邊啲肉汁，兩條份量一個人食剛剛好檸檬蘆薈紅茶(加愛玉)茶味濃，蘆薈份量亦多，我額外再加埋愛玉，為炎炎嘅夏日來一個透心涼。另外我十分欣賞佢杯蓋上面嘅標誌設計，見得到落左心思未有得去台灣旅行之前，呢間餐廳絕對可以一解鄉愁

▪️要數到出名嘅台式餐廳一定要數到古早牛肉麵，由香港人主理嘅台灣餐廳，除左味覺上體驗到台灣風情之外，視覺同聽覺都可以令自己好似置身台灣咁台灣牛肉湯麵 份量好多，而且配料好多，牛肉厚肉而且入味， 除左有牛肉，仲有貢丸、墨魚丸麵底彈牙，湯底濃郁唔太salty 牛味清甜，可以飲埋個湯😳大腸綜合麵線配大蒜香腸 自己幾鍾意佢呢款每條麵線都咁完整同埋咁多麵，食落口感比較實在，唔似台灣食到嘅咁碎，湯底偏比較淡有花枝丸同貢丸同埋豬大腸，配料一樣非常豐富，大腸唔臭有咬口🫘台灣腸配埋大蒜口臭之餘仲好有台灣風味，外皮燒到香脆🥰

星期五收工唔知食乜好咁岩搵到呢間餐廳係深水埗價錢唔貴之餘又多人推介一於放工去深水埗尋寶餐廳充滿特式好似返左台灣咁餐廳有套餐亦都有散叫但我哋想食嘅小食套餐未必有所以就散叫 價錢亦都唔會相差好多我分別叫咗牛筋牛肚麻辣麵鍾意食辣嘢嘅我 食呢碟會覺得唔係幾夠辣如果再辣啲就好啦！成個配搭唔會覺得好油加埋有青瓜特別爽至於朋友仔就叫咗雞髀拌麵望落去個雞髀都好似好好食朋友仔都話唔錯不得不讚呢個梅粉番薯條新鮮炸出嚟熱辣辣加埋梅粉少少酸又甜好好食呀最後就係為左呢個蛋餅而黎！我地都鐘意食蛋餅雞蛋加肉鬆真係絕配 好好食！仲要新鮮整出嚟煎得好香去台灣餐廳點少得飲台式珍珠飲品雖然好想飲珍珠奶茶 但減肥唯有試吓洛神花菠蘿再加珍珠呢個配搭都係第一次試 新嘗試都唔錯

平時成日去d大型連鎖餐廳有時都好想去下小店享受番果種無咁公式化既美味😌所以今次就特登黎到深水埗既一間台式小店雖然佢鋪面唔大但周圍都擺滿左好有台灣味道既裝飾掛牌🚏入左去就好似係台北小巷食緊野咁而且呢間餐廳既菜式都算平價我同朋友每人嗌左一個主食一杯台式飲品🧋另外再加多兩個小食先係人均大約一百度😍👉🏻 古早牛肚牛筋 配麻辣醬乾拌麵 🐔💰HKD 6️⃣2️⃣👉🏻 古法滷水大雞腿配滷肉乾拌米 🍕💰HKD 5️⃣7️⃣👉🏻 肉鬆蛋手抓捲餅💰HKD 3️⃣8️⃣呢個手抓捲餅好好味😋外皮夠曬酥脆入面卷住香酥既肉鬆同埋蛋🍳口感夠曬豐富👉🏻 甘梅地瓜條🍟💰HKD 2️⃣7️⃣呢個鍾意食蕃薯既朋友仔必叫呀🥳每條地瓜條都又大又粗甜甜既蕃薯加埋d 甘梅粉真係勁開胃🤤👉🏻 鳳梨洛神花茶（加珍珠）💰HKD 2️⃣1️⃣👉🏻 紅豆宇治抹茶（加珍珠）💰HKD 2️⃣1️⃣由於呢排飲得太多奶茶所以今次就揀左佢既宇治抹茶黎試試微甜既甜度啱啱好加埋珍珠味道竟然都出奇地夾😂加一服務費❌

今日同女朋友晚上食飯，天氣咁熱，走去食麵一流啦。於是去咗呢間餐廳，入到去好有懷舊特色。睇一睇餐牌，有主食，小食，同台式特飲，餐廳有散叫同套餐～同女朋友叫左套餐，古早紅燒牛肉湯麵牛肉好香軟，入口即化，夠淋，入味！蘿蔔勁好食，多汁鮮甜，麵質非常煙韌，強烈推介。三牛薈有牛腱/牛筋/牛肚，牛筋非常彈牙，牛腱非常之淋，牛肚好爽口～米粉同一般唔同，半透明，比較幼，好索湯汁，口感好好👍🏻！宜蘭迷你蔥肉餡餅外面好鬆脆，咬落去勁多汁，熱辣辣！肉質非常之鮮嫩！滷水大腸滷水非常之香，大腸非常之彈牙入味，煙靭可口！檸檬蘆薈紅茶，仙草冬瓜茶茶非常之好飲，檸檬紅茶非常之香濃，而且果肉粒粒，冬瓜茶亦都非常之清甜，仙草份量一樣多！

#ftf_深水埗抵食台灣風味 秘製牛𦟌牛筋古早半筋半肉麻辣醬乾拌麵 $66⭐️⭐️⭐️⭐️秘製牛𦟌同牛筋炆得好入味，但唔會死鹹，口感軟淋唔會靭、牛𦟌淋得黎唔易散、有咬口，麻辣醬唔算太辣，香濃惹味，乾拌麵口感滑身、唔會太淋有咬口，但唔係煙靭嗰隻彈牙，好掛汁！甘梅地瓜條 跟餐+$16⭐️⭐️⭐️⭐️地瓜條份量十足，脆炸金黃香口，火喉控制好好，乾身唔會油冧冧，食到停唔到口～輕芝士奶蓋烏龍茶 跟餐+$17⭐️⭐️⭐️正常發揮，味道不過不失，奶蓋質地較稀、流質不太厚身，唔會太漏太滯，個人覺得芝士味可以再濃啲。回頭率🤡🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

去開深水埗黃金買野今晚想食台灣手抓餅 又吾想係街到食見到古早牛肉麵 又有我想食既手抓餅 一於試下 今晚食小食為主 叫左起司蛋手抓捲餅 為左手抓餅而黎 當然有d期待 等左一陣 即叫即製 黎到熱辣辣 以為只係芝士 加蛋 但佢包左好多椰菜絲落去 一食落去外面勁脆口 因為有好多椰菜絲 食落好fresh 佢冇特別再加醬汁 其實芝士既咸 同 蛋香都好夠味 可以encore滷水大腸麵線黎到好香麻油味 $32 有咁大碗 cp 值爆標啦 味道都吾錯 肉燥燙青菜 份量都幾多 有肉燥係面 下面既菜食落唔會咁dry 睇少左佢小食既份量 一個人完全食唔晒 好抵食呀堂食仲有兩人 、四人分享餐 外賣自取有9折但我認為外賣優惠套餐最抵一個價錢有主食 、小食、同飲品

鹽酥大雞排滷肉乾拌麵成碗麵無論係雞排定麵份量都超多!相信男仔食都會超飽! 大雞排熱辣辣炸起，非常酥脆，加上微微台式辣粉調味，好過癮~就好似係台灣食既街邊小食咁~而拌麵麵質有咬口，加上粒粒滷肉同埋醃蘿蔔，食起來多層口感!肉鬆蛋手抓捲餅餅底係用肉鬆加蛋混合而成，香煎又脆口，上到來熱熱既感覺好新鮮，而內而亦包住滿滿既肉鬆，啖啖都食得好滋味，同幾飽肚蘆薈芋圓仙草凍甜品方面就叫左每次食台灣菜都必試既芋圓仙草。入面三色圓既份量都幾多粒，地瓜圓同紫薯圓就比較煙銀，而芋圓就食到有D芋粒，口感不錯。加上仙草同花奶，超級解暑!!神來之筆係蘆薈粒!配埋蘆薈粒食用，成件事就會更加清新，而且仲有新既味道衝擊，簡直係夏日最佳配搭!

平日夜晚喺荔枝角上完堂真係好難搵嘢食，唯有嚟到附近嘅深水埗覓食。喺黃金附近 都頗多選擇， 嚟遠就見到呢間古早牛肉麵， 一於就試試佢！餐廳裝潢幾有台灣感覺！雖然已臨近九點， 但餐廳幾乎係滿座， 睇嚟呢度幾受歡迎咁。 菜單選擇比想像中多，價錢合理。運動後總是特別餓，一坐低極速選擇咗古早紅燒牛肉麻辣醬乾拌麵，份量非常有誠意，連牛肉都一啲唔吝嗇，厚切得黎又多。 拌麵最重要當然係個醬汁， 食到後尾覺得比我想像中辣，但若可以再麻啲會更好。朋友嘅鹽酥大雞扒滷肉乾拌麵，雞扒不會好厚粉肉鬆蛋手抓餅，見唔見到滿滿嘅肉鬆， 不過如有醬汁配埋會更好。食甜品總係有另一個胃，我哋叫咗蘆薈芋圓仙草凍，不會一味死甜， 夏天食番碗解暑夠曬爽！

自從冇去連鎖店的台灣餐廳食飯，我已經有半年冇真正食過台灣嘢。今次朋友帶我來這間地鋪試吓不是連鎖式的台灣店，試試看有沒有分別。由於我的朋友有選擇困難症，所以佢仲花緊時間諗緊主食食咩嘅時候，我已經急不及待叫定一杯台式飲品等佢慢慢揀。由於我對奶茶敏感，所以我叫了百香果蜂蜜green tea。但是，為咗要有台灣的感覺，我決定另外加珍珠落去。這個配搭真的不錯，雖然我叫了微糖少冰，但是成杯的感覺就好似飲緊日本果汁糖，又有得趙吓，又可以解渴。我的朋友花了很多時間選擇麵食，是因為這裏真的很多款式，除了揀餸菜牛肉麵之外，麵都可以選擇台灣麵，或者台灣米粉，所以這裏真的很多選擇。最後我們決定叫這個半筋半肉台灣麵，很喜歡台灣的牛肉麵是用牛展，厚度十足又層次分明，湯底更加入晒去白蘿蔔入面另外一個肉鬆蛋餅都整得10分地道，蛋餅能夠充分地包着肉身，吃落外脆內軟。

剛剛行完電器鋪，天時暑熱，真的要找個地方唞一唞，食啲甜嘢。趁住未食晚餐，我們一於來到這裏吃一吃小食和甜品。一入到去，真的很有台灣的味道，起碼不會像連鎖店一樣，不會好似一般商場內的台灣店。本身諗住叫鹽酥雞，但是原來這裏沒有，只有鹽酥雞扒，幾特別的是這裏可以選擇味粉我們選擇了海苔味，因為平時不會見到。澱粉方面，我們叫了芋圓仙草，諗住兩個人share嚟食。雞扒上碟的時候比我們想像中的份量還要大，基本上食完一塊一個人都已經好飽，雖然出面炸得鬆脆，但是入面依然保留肉汁，每一件都沾上了海苔麵粉。甜品10分足料，很香花奶味，我呢兩日想食極都仲有芋圓，仙草亦都可以解咗頭先鹽酥雞扒的熱氣感覺入面的蘆薈10分清新，細細粒，一啖可以有好多粒粒感覺三色芋圓入口煙靭，QQ彈彈的感覺

今日黎到深水埗區搵食，同區其實都有幾間台灣牛肉麵餐廳，但有朋友介紹呢間，所以最後就揀左佢做午餐睇餐牌都覺得有好多選擇，揀完餸仲可以揀飯，湯麵或撈麵等等，變化非常多。另外小食款式亦吸引。我同朋友今次就揀左紅燒牛肉配肉燥飯，半筋半肉湯麵，鹽酥大雞扒同埋肉燥青菜半筋半肉湯麵既牛肉同筋口感都非常出色，可惜湯較油膩。紅燒牛肉飯既牛肉亦做到香同腍。肉燥青菜新鮮，但肉燥不多。鹽酥大雞扒非常脆口，雞扒肉厚多汁，唔會好咸整體來講非常滿意

有人放工想同朋友食台灣菜，去到深水埗見到古早牛肉麵裝修唔錯餐牌吸引，我哋兩個人叫咗一個牛筋牛肉撈麵 ，撈麵麻麻辣辣凍冰冰好野味開胃，牛肉牛筋份量夠多，牛筋好彈牙口感一流！再叫咗屙仔煎份量夠大入邊夠多蠔，質地唔會太濕，啱返香港人口味！再叫咗芝士蛋餅，外面夠晒脆，入面cheese分量剛剛好，幾香口美味！飲品方面芝士岩鹽奶蓋紅茶，唔會太甜入口香濃非常高質好味！位置幾好坐，服務唔錯，下次可以再戰，試吓其他食物！