古早台居

香酥大鸡扒肉燥饭鸡扒大大块，即叫即炸，配搭肉燥卤蛋一齐捞饭食，一台湾牛三宝面 入面有牛肚、牛丸同牛肉，牛肉嫩滑，易咬口；牛丸弹牙，汤底唔算太浓，唔会越食越口干。牛肉偏淋，容易咀嚼。整体食落得碗面似系台湾行街，随意入一间牛肉面店食既状况（纯粹个个有呢个想法😂）芝芝莓莓（跟套餐+$18）无得少冰，因为职员话系沙冰黎，本人觉得还好。较为惊讶是，饮品有好多烟靭嘅馅料，好似卢荟咁，丰富咗成杯嘢饮最后发现一杯野饮后唔够🥸后加多杯黑糖珍珠奶茶 ，几好饮。…查看更多

放工同朋友黎左德福的美食广场食野，是晚想食台湾野就点左古早台居。都几多人排队买，但人龙清得好快，出餐亦快👍⭐红烧牛肉面朋友点了台湾牛肉面，面条有嚼劲，牛展厚切炆得软腍入味，仲有萝卜青菜等配菜，一碗都好饱肚㗎。⭐盐酥鸡肉燥饭自己就点左盐酥鸡饭，估唔到鸡块比左咁多😳满满一碗！炸得香脆几正，肉燥半肥瘦猪肉调味唔错，仲有卤蛋、青菜、小蕃茄等伴碟，颜色几好睇😆⭐炸澎湖花枝丸炸花枝丸弹牙香口，好食！⭐盐酥鱿鱼须鱿鱼须酥脆，都好好食，但份量略少。⭐黑糖珍珠抹茶鲜奶 & ⭐黑糖珍珠厚鲜奶黑糖味好香，珍珠有咬口，好好饮🤤饮埋成杯奶真系饱到上心口呀😂行下商场消消食先。…查看更多

九龙湾德福food count既野食都几多元化，呢间台式嘢算系food court入面数一数二经营得最耐既其中一间餐厅～卤水鸡翼肉燥饭 $68台式便当既味道🫢鸡翼卤得入味，其实都唔细只🤪 简简单单既好味道～香酥大鸡扒面 $70大鸡扒系即叫即炸🔥好厚身好多肉汁！鸡扒个味粉亦都好惹味～而个面系烟烟靭靭嘅刀削面底🍜味道就系红烧牛肉面咁～盐酥鱿鱼须 $29同样系即叫即炸！炸粉唔会厚，食落外酥内嫩～荔枝红茶&青苹果绿茶 (各跟餐加$12)回头指数:🧡🧡🧡🧡/5…查看更多

今日中午去食，叫左卤肉饭同盐酥鸡加杯芋泥鲜奶。首先个卤肉饭其实系肉燥饭加几粒卤肉粒，同我所认知既卤肉饭唔同。不过味道可以接受就算啦。第二盐酥鸡，无九层塔既香味，唔紧要。有d 硬，都唔紧要。味道都系可以接受。因为我系以food court 水准去评价。最不能接受系杯芋泥鲜奶，芋泥变芋粒，又无啦啦有红豆喺入面，所谓既鲜奶好似水沟少少奶精。劲难饮。原价系卖30几蚊杯。心谂无下次就算，所以无影相。其实呢个价钱有更多更好选择，所以写呢个食评想提自己无·下·次。…查看更多

今晚喺德福商场赶时间，试咗「古早台居」嘅晚市套餐，香酥大鸡朳肉燥饭，配埋杯大黑糖珍珠奶茶，性价比唔错！ 👉 香酥鸡朳✨外皮炸得脆身，粉浆算薄唔会一口油腻感，咬落去仲keep到肉汁，系略嫌size比宣传图细咗个码（呃like度打折扣😂）。如果同图片一样大件，视觉同满足感肯定爆灯！ 👉 肉燥饭✨卤汁香浓，肥瘦比例适中，捞饭食几开胃，不过肉燥可以再多啲就完美。 🥤 黑糖珍珠奶茶一定要拣咗小甜！珍珠烟韧挂到黑糖香，杯量够大，饮完饱到上心口～ 总结：赶时间想食台式风味可以一试，尤其推荐小甜珍奶！如果鸡朳「照骗」还原度高啲就更好～ 📍#德福美食 #台式快餐 #性价比之选 #黑糖珍奶控…查看更多