影片
哈啰大家！今日我嚟到一间平民食堂，绝对系著家衫都可以嚟插插鋓嘅地方。我一落座，头盘就嗌咗份椒盐猪扒饭，饮品就系包咗一罐冻沙士，饮食界嘅双重享受啊！啱晒返工一族或者街坊。话唔多讲，个猪扒先系真正嘅主角，外皮炸到喺度叫你咬落去嘅时候啪啪声，猪扒肉质松软得黎又唔干，啖啖肉香，椒盐味做到啱啱好，唔会太咸食落啱晒我口味。之后我叫咗茄子班腩饭，呢个应该叫做平民美食界嘅鲜味炸弹啦！茄子软熟配上班腩流晒油嘅口感，夹埋饭一齐入口，真系舒服到不得了👍🏼。扒两啖茄子班腩饭之后，我再试埋干炒牛河，简直太正喇！河粉滑溜溜嘅，牛肉幼嫩弹牙，而且炒得啱啱好，有镬气但又唔会太油，系咁食我一碗又一碗🍚。实话实说，今日嘅食程真系让我满足晒。脑海中已经挥之唔去𠮶阵椒盐香味同埋牛河嘅镬气扑鼻嘅感觉。如果你想觅得一顿性价比高、好味到令人回味嘅美食，一于过嚟试下啦！会令你满足到夜晚都仲想再过嚟一次咁vibes！👌🏼😋
继续阅读
西九龙中心8楼foodcourt 一直都好多小店，肯食咩基本上都系个度拣到，同事介绍呢间即叫即炒既小炒，话好有镬气！所以今日就买左外卖返office 食😎虽然作为一个肉食主义者，但系见到有虾酱通菜炒鸡柳饭（$42）好吸引～自己系屋企好少煮虾酱，因为屋企人怕个阵味😂所以就决定要呢个，外卖加+$1，仲会包杯饮品。攞到返office都仲热辣辣，打开劲香既虾酱味，真系好有镬气，而且啲通菜炒得啱啱好，仲系脆口架～真心推荐👍🏻👍🏻✨
继续阅读
粮尾之选！唔使$40就可以食大大碟茶餐厅镬气小炒连饮品，非常满足！难怪每次经过西九Food Court都见到店外有好多人企喺度等外卖。呢度嘅外卖盒比起平时嘅大，里面仲要系放满晒粉面，一啲空位都冇！一餐饭可以当两餐食！我今次用电话落单，大概十几分钟就有得拎外卖，非常便捷！干炒五香肉丁米粉$39- 米粉比我想像中湿润，本身预期系干炒米粉，油腻咗少少，不过都好惹味，五香肉丁嘅份量非常多！沙嗲肥牛炆米$39- 沙嗲味唔太重，淡淡地几好味，肥牛同配菜嘅口感味道都好夹，推介！
继续阅读
口福小厨，我之前已经帮衬过好几次，一直保持水准，我今次就试咗椒盐鸡翼饭，我由落单到取饭，等咗差唔多有20分钟，但呢度嘅出品真系可以令到你(妳)心甘情愿去等，因为真系好食，而且份量非常之多，椒盐鸡翼饭＋冻饮都系$40蚊，抵到烂！椒盐鸡翼饭真系相当香口，有大量红甜椒圈、洋葱丝、炸蒜头等，鸡中翼炸得非常香脆，肉质好嫩滑有肉汁，饭粒分明而又份量多，杯冻柠茶够哂茶味，柠檬片落得足够，酸度啱啱好我，又够冻，非常醒神解渴，真系相当满足嘅一餐！备注：嚟呢度帮衬有几样嘢需要注意，先比钱，后取食物，要自己揾位用餐，等候取食品嘅时间随时超过20分钟，下午两点后直至五点几应该系落场时间，店舖会关门，星期六、日有可能系休息日，假日尽量避免前往该舖(因为有可能摸门钉，需要注意)。
继续阅读
呢间小厨开咗好耐，我一直都系佢嘅粉丝，基本上每个礼拜最少会有一日系食😋😋😋😋佢翠肉瓜杂菌炒鸡柳，翠玉瓜超级新鲜，鸡柳都好嫩滑😋😋😋但系菇菇就系罐头菇嚟嘅，呢个就有少少失望，但系成碟菜都超级好食， 炒出来超级有镬气，$45有菜有肉有饭有嘢饮同埋一碗汤，超级抵咕噜鸡球，呢个菜系我最钟意食嘅菜，佢嘅鸡球炸得好脆，就算比啲咕噜汁浸住都唔会林晒，而且份量都好多， $45嘅价钱竟然可以食到出面餐厅$100嘅水准，正😚😚😚😚
继续阅读