影片
相关文章
荃湾区美食林立, 好多人都只会去d出名小店, 又或是熟悉既地方揾食,而今次介绍既呢间食店, 位于一个唔起眼既商场,相信好多人同我一样, 可能经过无数次, 但都唔会有上去逛逛既意欲而我今次食既呢间小店位于1楼美食广场入面最入面果一间~~先黎一个小食拼盘 , 包括有吉列炸虾, 唐扬鸡球, 炸薯角,$38咁大碟已经觉得好抵食,仲要d鸡球同虾炸得岩岩好, 保留到滑嫩既肉质主食就叫多左个饭, 唔好睇佢其貌不扬, 一试有惊喜!除左有得拣要咖喱/茄汁外, 佢仲有少少薯角同配菜蛋--应该有用牛油去炒, 食落滑滑香香猪排--份量大得吓人, 咬落唔会死实茄汁--唔系平时食既一支支茄酱, 而系有落蕃茄去煮既自家茄汁, 味道唔会过酸/太浓, 岩岩好有少少茄味捞饭食加钱要左罐汽水, 咁样食都系$86,虽然唔可以讲得上好好食, 但feel到呢间食店对食物既用心,香港有好多努力既小店等待大家支持
继续阅读
今日收工过去荃湾交收，交收完就喺附近求其食个快饭~~ ~ 其实地皇广场都出名少人去行，一条友废事同人逼所以选择去呢到睇下有冇嘢啱食，顺便帮衬下小店咁😂😂~~~咁啱喺food court见到呢间「口福堂3兄弟」！Order咗呢个日式鸡扒炒乌冬，份量好多，炒乌冬嘅颜色睇落都正常，但鸡扒嘅调味比较清淡，同埋食得出有啲雪味，食材处理方面可以再做返好啲！总结嚟讲，其实$48包饮品价钱尚算可以，但味道真心普通，如果未食过建议可以唔使嚟试~~~
继续阅读
最近都在留意晚上十点依然营业的餐厅。荃湾地皇广场，屡见死场之名，这一两年引入美食广场，看来多了生气。为了点评公平，先后来了两次同样十点左右，点的是蛋包饭。第一次配的是吉列猪扒，自知饭量不多声明少饭，咖哩汁。五分钟左右可取餐。首先，卖相很有吸引力，几十元饭餐有汤，大碟，有少许杂豆薯角，的确一般地舖是没可能的了。然而以温度来说，只是微暖而已。猪扒的炸衣都快脱落了，上粉方面做得不好，调味也不见心思，就有点咸味，肉质厚薄尚可。咖哩汁当然是超市买到那种砖块调开而成，但不知道为什么味道很淡。蛋是足量的，但同样地调味不够。白饭稍干硬，应该是中午到现在吧？有混合寿司姜碎，算是有点心机。最后要说，没有帮我少饭吧？大概是饭模所限？第二次来，同样的时间，点的是鸡扒。今次也只5分钟可取餐了，只是没叫号码，取餐也没有人对号。基本上都和上次一样的本子，饭依旧没有少饭，气馁。温度依旧微暖，炒蛋和鸡扒调味同样平淡，饭也见同样问题。整体而言，不足之处有很多，然而同样食物，在一般茶记可能会贵两成，就是这样。题外话补充一下，现场有不少食客剩下好多此店的食物，店主也应该了解一下吧。
继续阅读
边度嘅餐牌嘢食嘅款式都几多净系睇图片其实都几吸引再加上闻到d嘢食嘅香味忍唔住整返一个鳗鱼炒饭 之后再点一个佢哋嘅招牌煎饺子估唔到佢哋鳗鱼炒饭都俾咗好多鳗鱼肉下次可以试吓佢哋嘅原条鳗鱼煎饺子好香脆配埋个喼汁
继续阅读
系地皇广场有间隐世foodcourt 虽然面积唔大但都有几间唔错的食店入到foodcourt 地面非常滑，多油。枱櫈都还算多 有成10几张枱，应该可以容纳40人到。当中较为抢眼嘅就系依家日本快餐。本人系馒鱼腔，之前食过佢既原条馒鱼蛋包饭觉得唔错，特登番黎再试。今次照旧都系原条馒鱼蛋包饭。依家馒鱼加左价。好小会有原条馒鱼食。$68蚊有一条食，个人觉得几抵。馒鱼应该都系包装运送黎既即食馒鱼，因为间间餐厅都系哥个味。炒蛋好香好滑，蛋有牛油香，半生熟。唔错饭既粉量就ok，偏少。饭仲拌有樱花虾。几香。温泉蛋冷面沙律冷面沙律都不错，夏天无咩胃口，依个冷面降降温。沙律就加左芝麻酱酸酸甜甜带点芝麻香，加埋玉子蛋捞埋几开胃，又有饱足感。冷面既q度都几弹牙。总结我会推介馒鱼饭，冷面沙律都ok，其他野就无去试过。*提示：个foodcourt 地下非常滑，要小心跣亲。
继续阅读