叠記咖喱麵食

营业中

休息中

老公一向都想試呢一間，馳名咖喱牛腩。星期六下午一點入座，七成滿席。食物方面我點咗個雙拼麵，橡筋細加面爽啲，要秘製辣汁（中辣），餸方面要咗咖喱牛筋同水餃，一杯凍檸茶走甜。碗麵上枱，目測湯如白水，入口完全冇味道，要加上嗰一碗嘅秘製辣汁，秘製辣汁好稀，名副其實嘅辣汁一碗，一啲咖喱味都冇，只見一層好厚嘅辣油。入口搶辣，完全食唔到味道。唯一覺得個橡筋幼真係麵爽不彈牙。餸方面，咖喱牛筋，完全冇咖喱味嘅急凍牛筋， 如𡁻橡膠。水餃只可以講佢有豬肉同蝦，雲耳欠奉，味道唔似一般水餃。老公一心嚟想試吓佢嘅馳名咖喱牛腩，所以二話不說就點咗個咖喱牛腩飯。個咖喱牛腩一上枱，目測肉質非常之乾，入口乾柴有渣，完全冇咖喱味，皆因個咖喱牛腩係冇咖喱汁，要額外向侍應要求一碗咖喱汁，而嗰碗咖喱汁就係秘製辣汁。而薯仔方面，都非常淋同粉，最難得嘅係咖喱薯仔冇咖喱味。總括嚟講，成餐我哋兩個都覺得唔知食咗啲乜嘢，只係食到個刺辣感，完完全全唔覺得自己食緊咖喱食品。

聞名已久，又話澳門過江龍，咁咪試下囉，點知道一試失望，咖哩汁似水咁浠，一點渣都沒有，更加無香味，得個辣字，牛腩柴，薯仔熟唔透又無走油，碟嘢咁細碟都食剩，無下次。

早幾日出開旺角整啲嘢，搞掂完就食埋lunch先去返工時間唔多見呢間唔使排隊，就隨意入咗去👅豬軟骨，波霸魚蛋，芥蘭，瑞士汁撈橡筋粗豬軟骨完全無醬汁，無論味道定質感都好似煲湯瘦肉，好唔掂🫣波霸魚蛋似長洲大魚蛋，彈牙，唔錯👍芥蘭唔鞋，爽脆無渣佢嘅橡筋粗比起平時出面食嘅粗麵再彈牙啲啲，都出色既聽到隔籬個男人話呢間嘅咖喱好辣，餐廳亦都寫明係澳門傳統配方所以有一定辣度，愛辣之人可以嚟試吓希望餐廳可以改善下自家整既配料既質素🫣個豬軟骨真係⋯⋯😅😅😅呢度嘅員工對於長者食客特別細心，服務唔錯👍

行過旺角 見到招牌 寫咖哩牛腩出名入到去先知澳門老字號 歷史悠久🫨1947年到現在 以祖傳秘製手法烹調咖喱牛腩咖喱牛腩 牛根 魷魚 豬皮 超入味🥰件件都香咖喱味仲有蘿蔔超甜😍寫明咖喱麵會另外配一碗咖喱汁佢同平時食開嘅馬來西亞咖喱唔同會比較湯啲 但咖喱咖喱味都偏濃同辣整體似咖喱版嘅車仔麵 幾好食😋仲有少見既懷舊玻璃樽可樂#叠記咖喱 #旺角#tg31eat旺角.....#852 #hkig #hkfoodie #foodie #hkblogger #foodporn #likeforlikes #like4likes #hk #hkfood #yummy #yummyfood #手機食先 #相機食先 #旺角

lunch 去到花園街見到呢間咖哩好似好吸引，入到去聞到好香咖哩味，環境就同普通麵檔差唔多。 menu 都好多吸引嘅選項，最終因為想食麵筋同魚蛋，就叫咗個咖哩五寶麵，兩個朋友就食咖哩雞中翼薯仔飯。 麵類有得揀橡筋粗同幼，店員姐姐話係比一般粗幼面硬，平時食幼麵我都會胃痛，所以今次就揀河粉。 河粉較粗，唔係幼身同滑身嗰隻。個湯底有咖哩味，比我想像中稀少少，但味道係足夠，辣度都適中。最驚喜係個牛心定，原來係連住牛心嘅血管，爽爽地幾特別。豬皮好入味，雞翼都不錯。反而本身最期待嘅魚蛋同麵筋就普通。 兩個朋友一致都話佢哋個飯好辣，薯仔唔夠入味同唔夠淋，即使佢個汁同餸已經分開上，佢哋都話好辣，食到鼻水都流埋。姐姐都有溫馨提示過佢哋個咖哩汁非同小可，唔食得辣可能要留意下。 最後提提大家凍飲要加9蚊，不過食得咖哩又好難唔加🤣

🍜 咖哩五寶麵（$63）佢有麵筋、豬皮、魚蛋，雞中翼同牛心定；成碗麵同餸嘅份量多，咖喱就咁聞落好香，不過食落口就淨係得個辣，而且咖哩係另上嘅，可以因應自己食到嘅辣度調節落幾多，豬皮同麵筋吸收哂咖喱汁，非常入味同好腍；魚蛋好彈牙，雞中翼大大隻仲好嫩滑；牛心定出面比較少見，食落去爽口，口感似象拔蚌；而麵方面我揀咗佢哋嘅招牌橡筋麵，食落口比較硬身彈牙，另外我亦加左$8要左枝玻璃枝裝可樂，好夠氣，順便解解辣

今日出開旺角，想食啲辣辣地嘅嘢，經過見到食咖喱就入去試吓。我叫咗個咖喱五寶麵，平時有食開辣嘅我，加咗中辣嘅辣汁。個麵一嚟到我已經覺得唔對路，聞落一啲都唔香，食落更加係一啲咖喱味都冇…除咗豬皮本身吸咗咖喱汁外，雞翼、魚蛋、連麵筋都勁淡，可以話原汁原味。至於個中辣嘛…連譚仔個10小辣都不如，得啲啲辣，好多枱都問阿姐拎咖喱汁加辣，拎到咁上下，阿姐直頭每碗麵都派多碗咖喱汁…但個咖喱汁好鬼出色！得辣油味，冇咖喱味！仲話喺澳門做咗幾十年…等我仲以為過江龍有幾勁…真係試一次就夠喇…

旺角區 有好多餐廳選擇下午茶時段做到40蚊有找真係唔多仲要 39蚊兩餸麵 加杯飲品豬軟骨 有五舊咁多不過軟骨比較硬 再配個通菜份量都好多 橡筋幼麵 非常彈牙爽口 重點個餐跟埋樽裝可樂 平時出面買一支都兩位數啦咁多樣都只係39蚊

咖喱牛腩面，賣相十足誘人，牛腩切得大小適中，望落去都幾吸引。咖喱嘅香、香料嘅辛、牛肉嘅鮮，完美融合。咖喱汁嘅味道濃郁，香料嘅味道層次分明，辣度都可以選擇，用嚟撈面就啱啱好。牛雜，牛雜嘅處理乾淨，冇乜異味。不過感覺炆煮嘅時間差咗啲火候，醬汁口感唔夠豐富。店員嘅服務態度都好親切，上菜速度快。

澳门这家老字号咖喱面始创于1947年终于开到香港家门口🤩·🏠:叠记咖喱 (旺角山东街)📍:旺角山东街55号🕑:11:30-19:00.💯菜品推荐:1⃣牛三代面味道微辣 很符合我的口味🌶选了面底橡筋幼面🍜很有嚼劲👍咖喱牛腩大块 炖的很入味还🈶牛筋和牛肉🥩味道不错～2⃣饺饺面满满一碗🈶鱼片+鱼蛋+水饺+云吞 简简单单又地道 每天吃都不会腻～鱼蛋Q弹 面条劲道🥢超级香！3⃣瑞士鸡中翼瑞士汁甜甜咸咸的 捞上瑞士汁的鸡翼劲惹味 肉质嫩滑 一咬就脱骨😋

我第一次食牛腩麵見到牛腩係斜切！斜切即係點？就嗰片牛腩頭尾兩邊會比較薄，而本身嗰篇牛腩都已經好薄，0.5cm都冇。佢個菜單上面加$20可以再加牛腩，其實預咗你加餸。因為本身佢係四分三個麵底再加幾片薄過豬頸肉嘅牛腩。唔知其他話性價比高嘅食客係點樣衡量，我食一個普通$45三餸車仔麵要用10分鐘，我食呢個麵只係用咗2分鐘。食完之後我仲係覺得好餓。其實大家當呢間嘢係食車仔麵啦，因為佢個菜單裏便可以加嘅嘢基本上都係車仔麵裏面可以選擇嘅嘢。只係佢有1-5個餸係固定左。

本人一向嗜辣，一般第一次試食只會食中辣。今次試這間亦試中辣。餸的味道不錯的，以車仔麵真係唔錯，除咗蘿蔔未煮夠身唔入味。但最想一提係跟粉麵另上的一碗咖喱汁，咖喱味道可以，但面有一層厚厚的辣油，一試，其實不算很辣，但辣到令人痛，連頭皮都痛，我旁邊位姐叫小辣都辣到食唔到。只用辣油調辣度的死辣，辣到令人唔舒服。如果有興趣一試，就算你可以食非常辣，點小辣或bb辣就好。

經過旺角原來開左間澳門歷史悠久嘅咖喱牛腩麵好少有澳門嘅餐廳會進駐香港😮決定試下佢！牛三代麵 ＄63（橡筋粗面）面嘅質地同口感都好特別！同平時出面食到個普通粗麵/幼麵都唔同，比較硬身少少同彈牙值得一試湯底揀左bb辣啱啱好咖喱牛腩同牛筋都好入味！平時食得辣嘅朋友仔必叫！煮得好淋好易就咬到唔韌好好食！牛肉片都係如珠如寶麵$53（米線）米線煮得啱啱好！唔會太硬而且腩汁做湯底調味都唔錯雲吞好有蝦味幾彈牙👍🏻水餃係木耳豬肉餡，少少似豬肉燒賣咁兩款口感比較紮實唔會一咬就散曬幾好食仲有魚片同魚蛋！芥蘭$18好新鮮，而且有埋腩汁點黎食都唔錯澳門最出名之一嘅豬扒包都有得食！$38（如果下午茶時間食的話包埋飲品豬扒紮實得黎唔會好乾又唔會太薄/太厚而且麵包都好鬆軟仲有搽埋牛油好香😍

 今日係旺角，見到一間食咖哩既粉麵店就入去試下，揀左個卡位座，個時時間早，味有太多客，之後陸陸續續都坐滿咗。我叫左一碗豬軟骨同南乳豬手嘅米線跟左一支zero，牛骨湯底有啲重味，而豬軟骨炆得夠諗、夠入味，豬手都夠諗，同埋處理得乾淨，米線份量都足夠。而另一碗叫左豬頸肉同魷魚既幼麵跟一罐檸檬茶，依碗叫左秘製辣汁，但偏淡味，魷魚係水魷，唔入味，而豬頸肉普通，同埋唔夠爽口。再叫左一份牛三寶，牛三寶有牛腩、牛心頂及牛栢葉，仲有蘿蔔作為配菜，牛腩同牛心頂都唔錯，牛栢葉普通左啲，而佢配上既咖哩汁好濃味，點汁岩岩好，辣度係BB辣🤣

叠記咖喱，以其獨特的風味和豐富的選擇，加上幾代澳門人一代傳一代的人情味，融入了多元化的文化元素。在點餐時，服務員推薦了他們的招牌咖喱五寶麵，這道菜色澤誘人，香氣四溢。豬皮麵筋吸收晒咖喱嘅精華與濃郁的咖喱醬汁完美結合。牛心頂嘅口感彈牙爽脆，唔係度度都可以食到，咖喱的香料搭配得當，既有辣味又不失香甜，令人一口接著一口，欲罷不能。牛三寶性價比極高，牛腩炆得勁腍勁入味，牛柏葉亦都吸收了咖喱嘅日月精華，份量超多。腩汁豬頸肉，一口咬完下去，豬頸肉的口感真的很驚艷。肉質柔嫩，帶有適度的油脂，咀嚼時散發出濃郁的肉香。搭配上特製的腩汁，味道更是層次分明，既有微微的甜味，又有香料的香氣，整體嚟講，性價比高，地理位置方便。