影片
营业时间
今日营业
11:00 - 22:00
星期一至日
11:00 - 22:00
公众假期
11:00 - 22:00
以上资料只供参考，请与餐厅确认详情
老公一向都想试呢一间，驰名咖喱牛腩。星期六下午一点入座，七成满席。食物方面我点咗个双拼面，橡筋细加面爽啲，要秘制辣汁（中辣），𩠌方面要咗咖喱牛筋同水饺，一杯冻柠茶走甜。碗面上枱，目测汤如白水，入口完全冇味道，要加上𠮶一碗嘅秘制辣汁，秘制辣汁好稀，名副其实嘅辣汁一碗，一啲咖喱味都冇，只见一层好厚嘅辣油。入口抢辣，完全食唔到味道。唯一觉得个橡筋幼真系面爽不弹牙。𩠌方面，咖喱牛筋，完全冇咖喱味嘅急冻牛筋， 如𡁻橡胶。水饺只可以讲佢有猪肉同虾，云耳欠奉，味道唔似一般水饺。老公一心嚟想试吓佢嘅驰名咖喱牛腩，所以二话不说就点咗个咖喱牛腩饭。个咖喱牛腩一上枱，目测肉质非常之干，入口干柴有渣，完全冇咖喱味，皆因个咖喱牛腩系冇咖喱汁，要额外向侍应要求一碗咖喱汁，而𠮶碗咖喱汁就系秘制辣汁。而薯仔方面，都非常淋同粉，最难得嘅系咖喱薯仔冇咖喱味。总括嚟讲，成餐我哋两个都觉得唔知食咗啲乜嘢，只系食到个刺辣感，完完全全唔觉得自己食紧咖喱食品。
继续阅读
闻名已久，又话澳门过江龙，咁咪试下啰，点知道一试失望，咖哩汁似水咁浠，一点渣都没有，更加无香味，得个辣字，牛腩柴，薯仔熟唔透又无走油，碟嘢咁细碟都食剩，无下次。
继续阅读
早几日出开旺角整啲嘢，搞掂完就食埋lunch先去返工时间唔多见呢间唔使排队，就随意入咗去👅猪软骨，波霸鱼蛋，芥兰，瑞士汁捞橡筋粗猪软骨完全无酱汁，无论味道定质感都好似煲汤瘦肉，好唔掂🫣波霸鱼蛋似长洲大鱼蛋，弹牙，唔错👍芥兰唔鞋，爽脆无渣佢嘅橡筋粗比起平时出面食嘅粗面再弹牙啲啲，都出色既听到隔篱个男人话呢间嘅咖喱好辣，餐厅亦都写明系澳门传统配方所以有一定辣度，爱辣之人可以嚟试吓希望餐厅可以改善下自家整既配料既质素🫣个猪软骨真系⋯⋯😅😅😅呢度嘅员工对于长者食客特别细心，服务唔错👍
继续阅读
行过旺角 见到招牌 写咖哩牛腩出名入到去先知澳门老字号 历史悠久🫨1947年到现在 以祖传秘制手法烹调咖喱牛腩咖喱牛腩 牛根 鱿鱼 猪皮 超入味🥰件件都香咖喱味仲有萝卜超甜😍写明咖喱面会另外配一碗咖喱汁佢同平时食开嘅马来西亚咖喱唔同会比较汤啲 但咖喱咖喱味都偏浓同辣整体似咖喱版嘅车仔面 几好食😋仲有少见既怀旧玻璃樽可乐#叠记咖喱 #旺角#tg31eat旺角.....#852 #hkig #hkfoodie #foodie #hkblogger #foodporn #likeforlikes #like4likes #hk #hkfood #yummy #yummyfood #手机食先 #相机食先 #旺角
继续阅读
lunch 去到花园街见到呢间咖哩好似好吸引，入到去闻到好香咖哩味，环境就同普通面档差唔多。 menu 都好多吸引嘅选项，最终因为想食面筋同鱼蛋，就叫咗个咖哩五宝面，两个朋友就食咖哩鸡中翼薯仔饭。 面类有得拣橡筋粗同幼，店员姐姐话系比一般粗幼面硬，平时食幼面我都会胃痛，所以今次就拣河粉。 河粉较粗，唔系幼身同滑身𠮶只。个汤底有咖哩味，比我想像中稀少少，但味道系足够，辣度都适中。最惊喜系个牛心定，原来系连住牛心嘅血管，爽爽地几特别。猪皮好入味，鸡翼都不错。反而本身最期待嘅鱼蛋同面筋就普通。 两个朋友一致都话佢哋个饭好辣，薯仔唔够入味同唔够淋，即使佢个汁同𩠌已经分开上，佢哋都话好辣，食到鼻水都流埋。姐姐都有温馨提示过佢哋个咖哩汁非同小可，唔食得辣可能要留意下。 最后提提大家冻饮要加9蚊，不过食得咖哩又好难唔加🤣
继续阅读