影片
今日经过火炭区做嘢，感恩顺利地提早做晒啲嘢，一于食个奖励吓自己😆行过见到呢一间 「友饭食」 写住下午茶都有做折扣，咁就想去帮衬吓先！ 第一次嚟到，见到个环境都好大好企理好舒服，唔似一般茶记咁，第一印象已经好好👍我哋两个人叫咗两份茶餐，吉列猪扒拼沙律，西多士跟冻柠茶。 好大份㖞！ 🌟吉列猪扒拼杂果沙律个吉列猪扒好大份，炸得好脆，完全唔会太厚粉，沙津系我儿时最钟意食𠮶啲杂果沙律，满满嘅回忆出晒嚟，猪扒配埋沙律酱，完美满分嘅配搭👍🌟西多士跟冻柠茶呢个系香港人解压3点3，必备嘅item。 个西多士好大份，大过我手掌，上面配埋一嚿牛油再加埋糖浆，正！ 你再配埋冻柠茶，好香柠檬味😆整体嚟讲呢间餐厅嘅质素都唔错，全部都好正常发挥，最有惊喜嘅系份量好大，价钱又有折扣！ 抵食👍
继续阅读
听朋友讲呢一间茶记都好正，啱晒踩完单车入嚟揾好嘢食。 见到个餐牌都好丰富，我哋唔算太肚饿，所以叫咗个沙嗲牛肉包同埋卡邦尼意粉！ 又有惊喜㖞，个沙嗲牛肉包好吸引，沙嗲牛肉好多，铺满晒成个包，争啲唔够位装咁滞😂 上枱亦都系好热辣辣，个汁系好加分，成个包我哋share食，好Yummy！ 个卡邦尼意粉都系好出色，烟肉个份量好多，挂晒汁，好好味，咁样嘅价钱都系几十蚊，真心比好多西餐个质素高几皮👍另外试咗佢哋嘅樽仔奶茶，好得意，细细个嘅樽，但系原来唔系剩系得奶茶拣，可以拣咖啡都得，个奶茶都系好出色，茶味好香，茶同奶嘅比例好好，又唔会偏甜👍整体嚟讲，呢间茶记都系好出色！ 👍
继续阅读
几十蚊就食到花胶？同事同我讲都唔信，佢话公司附近最近开咗间超级抵食嘅茶记，用料系矜贵𠮶只，话几十蚊就有交易，食到鸡煲食到成只鸡，我本身都唔信，但系试完之后，原来香港都仲有正嘢㗎😆😆😆我哋一行三个人见到个Menu都难以置信，午餐嘅选择好多，唔系普通嘅碟头饭，但系系几十蚊嘅价钱！ 😂我自己就拣咗呢个花胶鸡煲，花胶好大块，重点系啲鸡好多，又够嫩滑！ 个汤都好一流，全部都系精华，呢个50几蚊有交易😆同事就嗌咗个蚝仔粥，见到啲蚝都系铺满晒喺面，再配埋啲汤，又系淡淡精华，食完个人成个暖晒！ 好补身，性价比极高👍另一个就邪恶啲，佢叫咗个炸子鸡跟薯条，系足足半只嘅炸子鸡，啲鸡皮好脆，share咗少少鸡俾我哋食，啲鸡肉真系好嫩滑！ 呢个价钱搞唔掂，真系超抵！ 呢一间应该系沙漠中嘅绿洲，香港超级罕有🥹 一定要支持佢哋呀！ 太抵了！
继续阅读
最近睇网上面嘅评论，有好多都推介呢一间茶记嘅沙嗲牛，今日放假，又撞正难得好天气，一于帮衬吓呢个早餐先！环境好大，位同位之间好阔落，服务都好主动，仲要系有笑容咁样问你㗎！ 呢个服务今时今日嚟讲好有质素职员好细心，佢推介我哋可以拣米通，第一次食，好得意㖞，烟烟韧韧咁样，好特别啊！ 佢哋仲可以自由配搭，我拣咗沙嗲牛配红肠再加只煎蛋，个沙嗲牛真系好入味好浓，仲可以跟埋热奶茶配埋脆猪，真系抵到烂！ 最重要系呢个质素已经系好高质，但系佢哋而家做紧折扣，早餐同下午茶都仲有八折，抵到爆！ 伙计仲同我哋讲佢哋晏昼𠮶啲午餐都好好味，我见到有羊腩煲㖞，几十蚊就有交易，下次一于试埋佢😋
继续阅读
好正呀！！！ 几十蚊就食到羊腩煲，真系难以置信🤣 我同事系咁推介佢发掘到一间正嘢，呢间餐厅虽然系茶记，但系日头都有羊腩煲食，仲要系几十蚊就有交易，仲要跟汤同饭同埋嘢饮，真系抵到烂！ 我谂紧咁平会唔会系伏嚟㗎，但系真系好味！ 有图有真相，份量好大，个汁好够味，羊肉亦都好多，枝竹亦都炆得好腍！ 埋单都系$72咋 🥹🥹🥹真系唔到你唔信，佢仲配埋个腐乳酱，讲真，今时今日出街食一个煲都成几旧水埋单，仲要系个煲大，份量亦都唔系足料，但系呢个煲啲羊肉数量一啲都唔少，大大份！ 真系好抵食，又好味！ 不过佢哋个午餐系不定期提供价，所以唔系期期都一定有羊腩煲，但系佢哋系逢星期一就会update，不过我个同事就话佢其他嘢食都系有质素保证，下次一于试埋其他😁抵食：5星味道：5星份量：5星
继续阅读