影片
食家推介
食饱饭揾甜品舖，成日经过都无食过，所以就去试下。去到门口有好多人等紧位，好彩都好快有得入去，可能两个人唔洗等咁多张枱。环境卫生一般，一坐低发现枱仲有椰汁，而餐牌已经放左系上面，沾左好多汁。因为多人所以坐得好迫，要搭枱，大动作少少都会撞到人，会尴尬。两个人叫左两个绵绵冰，卖相唔好睇，一堆野咁，豆腐味上面有d好随心唧既朱古力酱同彩针，对比色强烈，朱古力味就无咁大对比。两个味道都还好，比较钟意豆腐味，清甜dd，但两个都无惊喜。
继续阅读
系荃湾食完牛扒，天气咁热紧系同朋友食埋糖水先归家啦，顺便倾多阵计嘛。星期六既关系，到处都劲多人，间间都爆晒，企到出门口！等左好耐，仲比人打左几次尖先有位坐底⋯⋯坐底就即刻叫左个芒果水晶冻粉$38芒果唔酸，但亦唔系太甜，水晶粉都够冻，整体都算唔错！透心凉得黎，又唔会冻到牙震震！朋友叫左个蛋白炖鲜奶 $32好普通，又唔会难食，只系无乜特别。食落暖暖地，唔会太热！另外仲叫左2个夏日恋人$40/个〔1个朱古力雪糕，1个云呢拿雪糕〕卖相几特别，用椰皇装住益力多沙冰，再放上芒果同雪糕，沙冰入面仲有其他配料例如：珍珠，令到口感丰富，不过沙冰太冻，好快食到牙震头痛😂整体都系一般，普通啦！
继续阅读
夜既1点几去到荃湾路得围谂住食个糖水小食，去到得返呢间糖水铺有开 ，入到去叫左个西瓜黑珍珠，同埋炒肠粉！唔知西瓜系咪唔系当造 所有偏酸啦！所以成碗野只可以用难食黎形容🤦🏻♀️又酸加椰汁奶既甜！个程酸甜感觉好顶瘾🙄食左4旧西瓜🍉就真系食唔到！因为佢啲椰奶系gem 架！咁都唔紧要就好期待个肠粉，我见隔离左右全部都系叫小食多！咁就试下肠粉 ！黎到佢就连芽菜一齐上，芽菜我本身唔食，所以比唔到评语，肠粉就热辣辣，但就唔系好入味，只系觉得好油，好似油肠粉咁
继续阅读
星期六晚在荃湾大会堂看完朋友的表演，一行三人来到路德围揾甜品食。这边一连几间甜品店，好多都要排队，非常旺场！眼看已经快10时半，住得远的两位朋友打算快快吃完回家，看到友记有位，就钻了进来。甜品的选择好多，填满厚厚一本menu，更有几款小食供应，实行大包围，梗有一款对你胃口。落单几方便，在已过胶的menu上用箱头笔做记号再递给店员就可，几环保，这点可以赞下。我的蛋白炖鲜奶，卖相不太靓仔，食落中等程度滑，甜度可以接受。台式珍珠加木瓜，朋友没说什么，我想也是正常味道。合桃糊加汤圆，朋友说有点难吃，沟太多粉，没能完成……
继续阅读
白色世界$36同普通甜品铺大同小异，有西米，椰汁糕，芒果。芒果都算新鲜可口，而其他配料就不过不失。黄金方块$36同上，不过加咗凉粉嘅配搭入口有清凉嘅感觉，都算唔错。
继续阅读