影片
以上资料只供参考，请与餐厅确认详情
被揾食肥华誉为，凤凰村最强，车仔面店嘅金宝小食店，在七月一日，光荣结业后，肥华顿失咗，在此村内食车仔面嘅主场，所以肥华决定在短时间内，同靓妈试匀凤凰村内嘅，车仔面店，揾出一间可以令肥华视为，新食车仔面主场，希望车死车还在，继续延续到我肥华，食车仔面做早餐嘅习惯，坐言起行7月2O日，肥华，靓妈就先到此间友记(姑姐)车仔面店踩场，所得结论，车仔面个粗面较硬身，𩠌方面萝卜极佳，更胜金宝，但牛腩，猪皮，猪红就不及前者，至于凤爪就最劣，唔入味又炆得唔够淋，加上此店环境确比金宝差，亦无卡位供客使用，肥华对此店印像平平，衹能俾个B级评分佢
继续阅读
喺凤凰新邨嘅街坊都知道呢区有两间叫友记嘅车仔面店，睇嚟都系家族生意然后分家出嚟啦！无论如何，两间我都试过哂，但本人对呢间情有独钟。因为佢D食材比较精致，用料靓D，唔似大镬饭般制作，例如: 鱼滑、韮菜饺系即叫即煮，鱼滑好有鱼味，即鱼肉的成份多；韮菜饺菜多过肉，食时不会太腻，很有咬口。牛姜也切得细薄，不会黏牙。猪肠洗得干净，煮得入味，又不失咬口。四𩠌面加支大可乐，只是四十多元，物超所值，一碗菜也只是十二大元。温馨提示: 拣酸斋用碗仔另上，唔会影响本身汤同𩠌嘅原味。价钱很大众化，唔怪得咁多街坊帮衬，经常座无虚席，值得一试！
继续阅读
以前大磡村未拆果时成日去友记车仔面食野，条村拆左之后，佢地就分家，响凤凤新村开左两间友记，分别响两条街。我就钟意食姑姐呢间多啲，星期六朝早十点都开始多人，要食最好最啲去，五点几收感架喇，今次我叫左四个净𩠌。鱼肉 - 好烟韧，唔系粉团，好大条，好好咬口，一啲都唔腥，十级推介，随时好食过街边啲卖生菜鱼肉舖猪红 - 唔腥，成粒都热既，唔会话煮得好老猪肠 - 冇猪屎味，几林，几入味，但间唔中啲肠会有肥膏芥兰 - 冇煮到好老过林，几甜四𩠌三十几蚊，都平。
继续阅读
黄大仙凤凰村一带不知何时开始成为了车仔面重镇，有多家经营方法相似的店，但又各具特色。今次写的是双胞胎之一，有另一同名店在邻街，下次会再评。至于哪一家才是正宗，没有考究，反正我只在乎食物质素。先到面档前拣面拣𩠌付款坐低，有办你睇，方便快捷。今次我拣了素鹅，柚皮，猪肠，加上少许辣汁。先讲辣汁，香得来唔太辣，有少少咖哩味，啱我；素鹅，柚皮较少见作车仔面𩠌，故特意试下：素鹅香脆，柚皮炆得透，一咬爆汁，正猪肠是新鲜货，爽口没膻味。总括而言是一碗高质车仔面，而且还有很多其他𩠌选择，三十几蚊连饮品，抵食！
继续阅读
我同爸都好钟意食面面面面面面，可能因为佢细个个阵有摆摊卖面，佢对面既要求都几高．今次就系因为出左少少粮，就做孝顺女请下爸食面啦．其实呢间友记车仔面，我自己就成日食架啦，惯晒门口会有条短短地既人龙，一开始就同近门口个阿姐讲要咩面，要咩菜而家都要讲埋架啦，跟住就睇下个日有咩𩠌就指住佢叫就得，最后讲埋野饮就比钱，自己再落辣个d啦．成个过程都唔洗五分钟（选择困难症另计啦）．叫完就揾个靓位啦，我就叫左牛肚、生菜、柚皮同猪耳米线，爸就要凤爪、鸡翼、生菜 油面，通常佢都会问你要唔要腩汁，我就次次都要既。其实我觉得最正系柚皮，以前嫲嫲在生会不时整，而家就要系呢度先食到，d柚皮好冧好吸汁，次次食都好有回忆，猪耳细细条几易入口，生菜同牛肚就无咩特别啦。爸就最欣赏凤爪，d皮唔会痴住骨，同埋好入味，岩晒佢吮骨。其实街坊老店就唔会话好干净，最钟意都系个份人情味，而家仲有几多车仔面会咁花心机整柚皮？仲要咁多𩠌样样都咁新鲜咁好食，keep住好既水准咁多年真系好难得，有时小店真系好难生存，街坊价27文三𩠌送野饮，每碗可以赚到几多？平时行多步支持有心既小店其实唔难，真系唔好到小店顶唔顺要执个阵先蜂拥去影相怀念啊。
继续阅读