友聯發燒臘飯店

食完燒雞，又食埋甜品，尾站斬料今晚做餸。點解專登嚟呢度斬料？因為前排睇谷導嘅「消失的味道」，其中有一集講金錢雞（回想最後食呢味嘢已經係廿幾年喺旺角食過，但間燒臘舖亦已經執咗N年了）。另外節目中亦介紹另一款懷舊菜：鴨腳札，於是記低有機會搵日去買嚟回憶一吓。既然去開紅磡，當然順道去買啦。金錢雞（$98/斤），買咗一份；鴨腳札（$98/斤），買咗兩札，接近兩斤，總共$190。金錢雞，有冰肉（2件）、叉燒（2件）、鵝肝（1個）。冰肉，即係肥膏，爽口，但只可淺嚐一小口。叉燒，瘦叉，乾身。鵝肝，一大個，粉嫩軟滑。鴨腳札，比想像中大舊，份量比一個成年男子嘅拳頭還要大。材料有數條鵝腸札住鴨腳（1隻）、叉燒（4件）、燒排骨/燒腩肉（1件）、燒鴨（2件）、燒雞（2件）、鵝肝（1個）、火腿（1件）、芋頭（2舊）。老實講，味道全部都係一種味，就係蜜汁叉燒嘅味，裡面啲材料嘅質素都極之普通，係個鵝肝OK啲，同金錢雞嗰件一樣，粉嫩軟滑。食完今次，之後會唔會再（想）食？機會應該低啲嘞。因為呢類食品，味道及口感真係唔算好食，況且年紀再大啲的話，接受呢味嘢（膽固醇）嘅能力又再低啲。兒時回憶的味道，有時候保留在記憶中不失為一個好嘅選擇。…查看更多

網上聽人講好好味，專登出紅磡斬料加餸，點知伏伏伏到爆！又咸又酸餿… 咁都可以做生意！？真係掉錢落鹹水海 🤢🤢🤢價錢又唔平，食落去又唔健康，慎買！一路食 一大半都係掉落垃圾桶，酸臭味屋企幾個人都食到，唔係一個人個口壞啦，希望今晚唔會肚屙啦⋯⋯…查看更多

話說本編尋找迷失香港惜日的味道.上集講到嚟咗紅磡區橫街窄巷去尋找失去的美食.上次去了（新川美食）食紅薯粉.食完薯粉.繼續我的尋找惜日的旅程.足知在同一條街.但要行前一個街口在紅寶石戲院那一邊發現一間燒臘舖.舖頭門前掛住幾個大大發亮嘅大燈泡.門口並不顯眼.但我就比佢掛著一串一串嘅美食吸引住.首先係（燒鵝肝）好大串.紅噹噹.上面流著啲蜜糖漿向下流.再望真啲隔離又係掛咗兩串.夾雜啲燒味唔同部位.當中有啲係叉燒肥膏部位.邊皮有少少燒焦.一層一層咁串起.又係紅噹噹.啲蜜糖汁慢慢向下流.下面有個叉燒盆承托接住.後來先發現個牌寫住（金錢雞）.原來隔離又掛咗一大串好巨型嘅用鵝腸包紥嘅物體.好似酒樓嗰啲雞紥咁嘅款.不過佢係燒烤.用料唔同.一隻成隻手掌咁大.好誇張.嗰個牌寫住（燒鴨腳紥）.原來我今日要搵嘅嘢就係佢哋就係燒味燒味三寶（昔日窮等人家嘅美食.係用啲燒味頭頭尾尾串燒或包紥成嘅美食）依家已經變成世間美食.三寶之一.一啲都唔平㗎.已經賣到$118元 1斤.喺上菜.唔係周圍都可以食到.所以出嚟尋找昔日香港人嘅味道.就係咁解！🚶🏻‍♂️👉📌友聯發燒臘飯店 (紅磡)紅磡寶其利街2號地舖…查看更多

黃埔開咗兩三間什麼燒鵝專門店，但我暗病太多唔敢食燒鵝，只係想食碟肥叉油雞飯.大家樂大快活D蔥蓉又唔多掂，於是行咗去友聯.第一次去友聯堂食，聽聞質素一般，家人幫襯過話唔多掂，於是平常心去幫襯.一行入餐廳，眼見最少三張枱面未清場，好明顯人手不足.點咗肥叉油雞飯走翼，多色.首先蔥蓉偏鹹，已經大大扣分，另外，我係話過要多色。但真係過多囉，多到好似放湯！係，係我問題…...油雞皮滑肉嫩，而且份量足無偷工減料，滿意！肥叉唔知點講，首先名付其實絕對係肥叉，而且超肥添，應該燒得唔夠耐，令肥肉部位唔夠香，雖然同樣係肥叉，但唔係我中意嘅口感。單睇門面，以為係一間高質燒味店，可惜失望而回。…查看更多

第一次食呢個懷舊菜鴨腳紥同金錢雞好興奮，去到門口見到一串串嘅燒味已經好開心，店員話賣完就冇，所以即刻叫左先，跟住見到乳豬超靚又叫左個例牌，再叫左一兩個小菜，質素不錯。最緊要係今時今日啲食店間間都唔夠人做嘢，莫講話服務，對住你仲黑口黑面。但呢間嘅店員很親切，主動同你介紹菜式及份量。令我地食得好開心及滿意。我地4個人本來想叫一份鴨腳紥＄118 同一份金錢雞＄118，但店員提提醒我地份量大，我地接受左佢嘅意見雙併＄148，4人啱啱好。…查看更多

上次阿媽經過，話有金錢雞，我要找日試下金錢雞一斤＄118我買了＄60金錢雞一份叉燒，一份肥膏，份雞潤懷舊菜真肥美！叉燒燶燶地，好正呢間燒味舖仲有一串鴨腳扎賣，我下次試下…查看更多

現在真係好難得仲有燒臘舖有燒鵝肝, 金錢雞同鴨腳扎賣. 仲要係好食... 今次我都係搭朋友幫我買, 可惜到我手時啲蜜汁都倒左一半. 大家如果去買不如自己帶個合去裝就更好了. 佢個燒鵝肝我覺得好抵食. $60有半斤, 呢個圖其實我已經食左4舊, 所以其實好足料, 買番屋企再焗番熱去食, 加罐啤酒. 你話係唔係人間美食.金錢雞現在都好似得番好小酒樓肯做, 仲要話預定同最少要4件, 每件收好似$28.  如果仲想試下呢啲又好食既懷舊野. 建議大家可以幫襯友聯發, 佢日日燒好出來, 保証新鮮又好味!有時我都會專登楂車出去買黎食! 令願買多少少, 放雪櫃, 要食可以焗番去. 真係好好味嫁....…查看更多

好了，現在宣佈 "我家故我在 --- 香港小故事" 創作比賽的亞軍 ...係 ...HKGM 1994 的《快樂的懸念》🎉🎉台下立時掌聲雷動，以為自己仲係發夢的我上台領了獎 ...*** ***三日後朋友們著我分享得獎心得，和創作歷程我靦腆地向他們說，我這個故事真的從來沒想過會擊敗全港過千參賽者而得獎其實，我本來連故事主題也擬了很久也想不出來 ... 話說那一天，我對創作比賽的故事主題仍然無甚頭緒之際，阿媽提點我這晚要準時參予公公的壽宴" 公公係你細個既時候好錫你架，要早ｄ到場呀，唔好好似上年咁，遲晒大到呀，公公成日想見你地多ｄ架 ... "唉 ... 其實，同老人家果輩有幾多野傾吖，年年都係例行公事 " 祝你長命千歲，身體健康呀乜乜" 啫，仲要食黎食去都係果ｄ野 ...今次我又係遲左小小 😂壽宴途中，長輩們依舊高談闊論，我依舊玩我的手機 game，但又聽到三舅父說著吃燒味的話題，還說甚麼 ... 金錢雞" 你家附近咪有間燒臘檔，日日賣著這燒味囉，乜你唔知咩？！"" 啊 ... 真係唔 ... "我這些後輩牽強地笑了笑，繼續低頭迷迷糊糊的又玩手機，又吃著枱上食物不知怎的這晚以後腦袋裡卻記下了他說的金錢雞咁啱之後有一天，我路經家中附近的紅磡寶石戲院，隔鄰小燒臘店友聯發的門口，正高高吊著兩串金錢雞咦？！三舅父說的，是這間嗎？為何我從來沒有印象有這東西賣的 ...不知怎的雖然知道這裡衛生麻麻，地濕枱又細但我竟仍然走入這間主要做外賣的小店還坐係度叫了碟金錢雞飯 ...很快，師傅已將金錢雞切開數片，奉於飯面上了嘩好似好豐富，我是第一次吃的啊 🤣🤣最初，真的不知甚麼是金錢雞，只知吃著吃著，發現了全碟燒味可分為三種食材叉燒、肥豬肉、雞肝 ( 圖中左至右 )瘦肉有燶邊，還有唔錯既蜜糖味，只略嫌肉質較軟腍，肉香不太濃雞肝甘潤，也有燶邊，外層有燒香，不算燒得很硬身這中層肥肉就是最精彩的，晶瑩剔透，未用筷子夾起時，以為必會是軟扒扒的，肥膏嘛 ...竟然，一夾起，是硬身的一口咬下，是爽脆帶點煙韌的 😱😱😱後來上網搜料，原來這層 "冰肉"，製作工序繁複，至少要花上一星期，才可將肥膏變爽肉"冰肉" 入口化開，油的甘香與蜜糖融合，好味店子奉送的冬瓜燒味湯，算多料了，解一下膩，不錯捧著肚子的我，之後幾天也想著這有趣菜式 ...阿媽突然對我說，三舅父在家跣親入了醫院，著我抽空探望他幸好舅父沒大礙這晚，我和他傾了一會兒創作故事的靈感，就由這番對話開始了 ..." 醫生又話要戒下口，話發現我三高喎 ...仲諗住去友聯發買返少少燒鳳肝加料架嘛，點知地滑跣到我 ..."" 年紀大啦，真係無鬼用 ... 唉 ... "我嘗試扯開越來越負面的話題 :" 唏，我前幾日先去過食佢地既金錢雞之嘛 ... "" 咦，細侄仔幾時變左個老鬼，走去食呢ｄ野呀，哈哈其實，以前既細路仔都鍾意食燒味架，仲要一路睇戲一路食以前你舅父係寶石戲院做帶位既，周不時見到，ｄ大人買包金錢雞，帶入戲院跟住就拆開紙袋分食，逐塊咁食，不知幾滋味 "" 咁你呢，有無乘職員之便，同家人一齊入場食金錢雞？" 我貪得意問點知，舅父沉默了一下，有點勉強的細聲地回應 " 有 "原本繼續侃侃而談的他，收起了那股興致，深呼吸了一下，抬起頭望了望天花板" 自從那次入場食燒味以後，不久太太說準備好移民了，兩個兒子跟阿媽去了加拿大 "" 你沒跟去？" 我問" 香港既生意點捨得話放棄就放棄吖，無！"" 掛住他們？" 我想知舅父的心情" 有乜掛唔掛吖，留低就要有代價架啦，況且依家仔大女大啦 ... "舅父眼睛有點紅了，原本想扯開負面話題既我，現在竟然勾起了他的傷心事 ...突然腦袋靈機一閃" 舅父，有時候可能男人之間，唔識點主動開口講感受啫不如依家 send 幅相比你兩個仔，我估佢地會好開心，挑起佢地既思鄉之情 ... "" 咁 ... 乜相黎架？我 ... 唔識用手機送相喎 ... "於是，我拿著他的手機，幫他將呢幅相 send 左去加拿大叮一聲，相片已傳到千里以外幸運地，不多久手機收到 message，舅父緊張的拿著手機看完又看我當然沒有看那些 messages 是甚麼內容，但看著舅父咀上的笑容，已說給我知，我的計仔有效了！一串燒味把兩代人的心串連起來了*** ***小孩子在紙袋内，拿出一塊又一塊叉燒肉，咀巴和手指沾滿了豬油蜜糖爸爸的手和啡色紙袋，全都是油原來每次爸爸帶著家人來戲院看戲，都是家中大事，為了隆重其事，會到戲院隔鄰的燒臘檔買包金錢雞慶祝父親看著妻兒滿口油潤，那不是污糟，是今天用語 " 小確幸" 的象徵，是作為父親為家庭貢獻的一份成就做爸爸的自然會明白我這晚回家途中，在網上 search 了寶其利街的一點資訊，寶石戲院的門前，昔日熱鬧非常，入夜後無牌小販擠滿一街，今天紅透的紅磡雞蛋仔，那時也是其中的一架炭爐車仔由此，我的創作，就由戲院旁有金錢雞作主題，當晚便寫成了友聯發這外賣為主的小店，竟然有賣香港很少見的金錢雞燒味，雖然沒有傳統的 "薑片" 層 ( 即此燒味共有４層 )，但我想，這個 version 正是徹頭徹尾的草根粗獷，內裡還蘊藏著父親對家人含蓄的愛原來今天看上去這串金錢雞每天孤獨地面對著寶其利街其實那份天倫之樂的痕跡正在給懸掛著讓途人懷緬快樂的懸念…查看更多

上網睇到有食家報料話友聯發有燒鵝肝提供！吓？一般燒味店好少有燒鵝肝喎，今次啱啱經過，行去睇吓咩料先！企係門口望兩望，𠵱，真係有喎！成118蚊斤..... 貴係貴咗d.... 唉.... 只不過又唔係成日食，一次半次無所謂啦....鵝肝放入口，味道充滿口腔，再加上少少叉燒蜜汁，一流！始終鵝肝比較漏口，所以唔敢食太多。點完燒肝鵝先留意到原來旁邊有一大串金錢雞出售！早知雙併啦！…查看更多

友聯錢到盡頭便是窮，人窮都要食飯㗎嘛！有乜計仔先？又唔想自己煮！呢間燒臘店就實實在在幫到你啦⋯⋯🎉🎉🎉🎉一碟雙拼燒臘連例湯都係$30咋，不分午晚，一樣係$30蚊⋯⋯算好平，啲燒臘仲要燒得有水準㗎⋯⋯加罐汽水都係$3蚊⋯⋯⋯Wooo推介指數：7/10切雞，小小肥，當然係雪藏雞㗎啦，皮肉是分開的。燒肉，大大舊，不太咸，有BBQ香味。油雞，小小咸，但入味㗎。义燒，可選肥瘦，汁比較甜。例湯，免費，不咸不太味精。:):):)…查看更多