友聯發燒臘飯店

食完烧鸡，又食埋甜品，尾站斩料今晚做𩠌。点解专登嚟呢度斩料？因为前排睇谷导嘅「消失的味道」，其中有一集讲金钱鸡（回想最后食呢味嘢已经系廿几年喺旺角食过，但间烧腊舖亦已经执咗N年了）。另外节目中亦介绍另一款怀旧菜：鸭脚札，于是记低有机会揾日去买嚟回忆一吓。既然去开红磡，当然顺道去买啦。金钱鸡（$98/斤），买咗一份；鸭脚札（$98/斤），买咗两札，接近两斤，总共$190。金钱鸡，有冰肉（2件）、叉烧（2件）、鹅肝（1个）。冰肉，即系肥膏，爽口，但只可浅尝一小口。叉烧，瘦叉，干身。鹅肝，一大个，粉嫩软滑。鸭脚札，比想像中大旧，份量比一个成年男子嘅拳头还要大。材料有数条鹅肠札住鸭脚（1只）、叉烧（4件）、烧排骨/烧腩肉（1件）、烧鸭（2件）、烧鸡（2件）、鹅肝（1个）、火腿（1件）、芋头（2旧）。老实讲，味道全部都系一种味，就系蜜汁叉烧嘅味，里面啲材料嘅质素都极之普通，系个鹅肝OK啲，同金钱鸡𠮶件一样，粉嫩软滑。食完今次，之后会唔会再（想）食？机会应该低啲嘞。因为呢类食品，味道及口感真系唔算好食，况且年纪再大啲的话，接受呢味嘢（胆固醇）嘅能力又再低啲。儿时回忆的味道，有时候保留在记忆中不失为一个好嘅选择。…查看更多

网上听人讲好好味，专登出红磡斩料加𩠌，点知伏伏伏到爆！又咸又酸馊… 咁都可以做生意！？真系掉钱落咸水海 🤢🤢🤢价钱又唔平，食落去又唔健康，慎买！一路食 一大半都系掉落垃圾桶，酸臭味屋企几个人都食到，唔系一个人个口坏啦，希望今晚唔会肚屙啦⋯⋯…查看更多

话说本编寻找迷失香港惜日的味道.上集讲到嚟咗红磡区横街窄巷去寻找失去的美食.上次去了（新川美食）食红薯粉.食完薯粉.继续我的寻找惜日的旅程.足知在同一条街.但要行前一个街口在红宝石戏院那一边发现一间烧腊舖.舖头门前挂住几个大大发亮嘅大灯泡.门口并不显眼.但我就比佢挂著一串一串嘅美食吸引住.首先系（烧鹅肝）好大串.红当当.上面流著啲蜜糖浆向下流.再望真啲隔离又系挂咗两串.夹杂啲烧味唔同部位.当中有啲系叉烧肥膏部位.边皮有少少烧焦.一层一层咁串起.又系红当当.啲蜜糖汁慢慢向下流.下面有个叉烧盆承托接住.后来先发现个牌写住（金钱鸡）.原来隔离又挂咗一大串好巨型嘅用鹅肠包紥嘅物体.好似酒楼𠮶啲鸡紥咁嘅款.不过佢系烧烤.用料唔同.一只成只手掌咁大.好夸张.𠮶个牌写住（烧鸭脚紥）.原来我今日要揾嘅嘢就系佢哋就系烧味烧味三宝（昔日穷等人家嘅美食.系用啲烧味头头尾尾串烧或包紥成嘅美食）依家已经变成世间美食.三宝之一.一啲都唔平㗎.已经卖到$118元 1斤.喺上菜.唔系周围都可以食到.所以出嚟寻找昔日香港人嘅味道.就系咁解！🚶🏻‍♂️👉📌友联发烧腊饭店 (红磡)红磡宝其利街2号地舖…查看更多

黄埔开咗两三间什么烧鹅专门店，但我暗病太多唔敢食烧鹅，只系想食碟肥叉油鸡饭.大家乐大快活D葱蓉又唔多掂，于是行咗去友联.第一次去友联堂食，听闻质素一般，家人帮衬过话唔多掂，于是平常心去帮衬.一行入餐厅，眼见最少三张枱面未清场，好明显人手不足.点咗肥叉油鸡饭走翼，多色.首先葱蓉偏咸，已经大大扣分，另外，我系话过要多色。但真系过多啰，多到好似放汤！系，系我问题…...油鸡皮滑肉嫩，而且份量足无偷工减料，满意！肥叉唔知点讲，首先名付其实绝对系肥叉，而且超肥添，应该烧得唔够耐，令肥肉部位唔够香，虽然同样系肥叉，但唔系我中意嘅口感。单睇门面，以为系一间高质烧味店，可惜失望而回。…查看更多

第一次食呢个怀旧菜鸭脚紥同金钱鸡好兴奋，去到门口见到一串串嘅烧味已经好开心，店员话卖完就冇，所以即刻叫左先，跟住见到乳猪超靓又叫左个例牌，再叫左一两个小菜，质素不错。最紧要系今时今日啲食店间间都唔够人做嘢，莫讲话服务，对住你仲黑口黑面。但呢间嘅店员很亲切，主动同你介绍菜式及份量。令我地食得好开心及满意。我地4个人本来想叫一份鸭脚紥＄118 同一份金钱鸡＄118，但店员提提醒我地份量大，我地接受左佢嘅意见双并＄148，4人啱啱好。…查看更多