友拉麵

营业中

休息中

🇯🇵🍜友拉麵呢間拉麵店舖面唔大，但裝修上都幾用心，好有日本小店嘅感覺🥰平日夜晚7點去已經坐滿曬人，生意都唔錯。🧄黑蒜油札幌味噌拉麵（$88）份量感覺比一般拉麵店嘅大。一上菜已經聞到好香黑蒜油味，火炙豚肉香得黎仲有兩大塊，加上成粒糖心蛋食完好滿足！🌶️辛肉碎拉麵（$86）呢款辣嘅肉碎拉麵比較少見。肉碎同蔥花都比得好足料🤣雖然餐牌寫住兩隻辣椒仔，但湯底飲落都唔算太辣，啱晒冬天暖下個肚。🥔北海道牛肉薯餅（$32）最有驚喜係呢個薯餅🤤唔好睇佢望落好普通咁，個炸粉好酥脆，內餡嘅調味剛好，配搭埋個沙律醬好perfect。推介！📍 荃灣西樓角路202-216號昌寧大廈1樓53-54號舖

有時發掘喺荃灣嘅小店，估唔到會搵到咁多啲驚喜今次呢一間 #友拉麵 都幾驚喜雖然佢嘅環境細細地，但佢啲嘢又真係幾好食喎，首先佢拉麵有得揀軟硬或者正常，同埋有得簡直定係曲麵。湯底方面，亦都有頗多選擇，我叫咗個蔥山拉麵($86)，真係勁多蔥，味道唔錯，而且佢舊叉燒係好味嘅另外我哋都叫咗一個雞翼($36)，個雞翼係超級好食外皮好脆，唔會太厚粉，而裏面嘅肉亦都嫩滑，加埋個辣粉嚟食，辣辣地非常之惹味超級鍾意食佢嘅雞翼🤣

今日約左朋友去荃灣快食dinner，入左去比較舊式商場昌寧中心，入面竟然有一間裝修好日式風嘅拉麵店，仲有好多貓裝飾，我地入座大概六點半，唔洗等位，但食到七點幾就開始多人！1.蜜糖芝麻雞翼$36一碟有三隻雞全翼，食落口就感受到雞翼即叫即炸，咬落口好juicy，雞皮炸到好脆，蜜糖味合適，唔會甜到蓋過左啲雞翼香味，如果多番少少芝麻就好啦，不過呢個都大大推薦！2. 黑蒜油札幌味噌拉麵 $88呢個拉麵最欣賞佢嘅湯底，黑蒜油好香，仲要勁濃，入面有兩塊火炙豚肉、味玉、蔥、木耳絲、玉米筍、海苔。豚肉嘅靭度岩岩好，肥瘦都岩岩好，同埋玉米筍都係好大條，加上啲麵可以簡直麵或曲麵，麵度又可以簡軟硬度，仲想分享下佢啲麵份量一個人食哂成碗都會飽肚，非常欣賞！3. 魚介拉麵 ＄78入面有魚介粉、火炙豚肉、味玉、蔥、竹荀、海苔，魚介湯係唔腥，仲好鮮甜，同埋啲曲麵好掛汁，令到食落每一啖都有濃湯，豚肉一樣都係咁好味，每碗麵都有一隻糖心蛋，食落口係流心，好好味！

歺廳地點方便， 荃灣地鐵站附近， 舖面雖然唔算大， 座位唔多， 每次經過都見人龍，但勝在環境舒適， 周圍都滿佈貓貓飾物， 鍾意貓貓既朋友， 真係要黎d 到下打， 超多打卡位， 好得意.拉麵選擇唔多， 🉐️5 款， 本人鍾意蔥， 所以揀咗多蔥拉麵（$86），有勁多蔥， 火炙豚肉， 味玉，竹筍， 海苔，麵可選曲麵和直麵， 麵質可選普通， 軟或硬， 迎合各人唔同既口味👍👍拉麵一到， 蔥多到似一座山， 超多， 第一次見咁多蔥既拉麵😎😎， 幾特別， 每食一啖都有蔥香， 豚肉唔鞋， 好冧， 味玉好入味， 值得一試.

每每經過都會有人龍，咁啱今日🤴🏻早咗放工經過居然冇排隊（但裏面依然有食客）😆😆！餐牌唔複雜只有一張紙（雙面），有五種拉麵選擇，背面就係小食飲品😁😁，女店員好窩心會遞上掛鉤方便背囊掛喺張枱側邊☺️☺️🤴🏻叫左 ：～～～櫻花蝦🦐拉麵🍜～～～（直麵）湯底好濃郁，櫻花蝦🦐量有一個小山仔，撈勻後湯底多咗層好香嘅鮮甜蝦🦐味😉😉我叫左 ：～～～黑蒜油札幌味噌拉麵🍜～～～（曲麵）期間限定款式🥰🥰，同櫻花蝦🦐同一個湯底，淋上一大匙黑蒜油，黑蒜油好香，同湯底撈勻後頗夾，口感明顯重咗，但唔會太鹹😝😝！當中嘅粟米筍勁大條，比起普通嘅起碼大兩倍🥰🥰而拉麵共同有嘅配料包括😋😋兩塊紫菜：係脆嘅紫菜，同時有紫菜味👍🏻👍🏻兩塊日式叉燒：厚度適中好大塊，唔會柴口肥瘦適中😚😚一隻溫泉蛋🥚：流心溫泉蛋🥚，蛋🥚香味重🥳🥳～～～蜜糖芝麻雞翼～～～會有三隻連雞翼尖嘅雞翼，蜜糖味清甜😊😊，肉質正常😀😀我同🤴🏻會再嚟試埋其他款式🤩🤩

人氣小店拉麵喺荃灣昌寧商場入面，雖然間鋪細細地，七點都已經坐滿晒人，牆上面張掛滿咗好多貓咪嘅相😍。黑蒜油札幌味噌拉麵 $88係期間限定嘅拉麵，呢碗入邊有一條好大嘅粟米芯😆，黑蒜油幾濃郁，湯底又唔會過鹹，麵條方面有得簡直麵同曲麵，鍾意食硬麵嘅我一定係揀曲，因為係比較爽口同彈牙。辛辣肉碎拉麵 $ 85友人諗住，天氣凍凍地食碗辣嘅拉麵，所以叫咗嚟試吓。有少少辣肉碎喺度，湯底唔會好辣係日式風味嘅辣湯。拉麵當然唔少得叉燒，有兩塊火灸叉燒，佢哋唔係用好肥嘅叉燒，所以會少咗份油膩感，而今日兩碗嘅糖心蛋都做得好好唔會過熟👍🏻👍🏻另外再叫咗蜜糖芝麻雞翼，好Juicy嘅蜜汁🤤，雞翼廉到好香脆。

之前成日嚟荃灣，睇住佢開張，但一次都無食過。反而而家少左嚟荃灣，見佢依然喺度，而且讚評唔少，所以決定試一試。蔥山拉麵 $83 蔥花真係好多，每一啖都有蔥香，而且久久不散，到瞓教口腔裡都仍然有蔥味😂🤣湯底比較清淡，唔會好鹹，但又無乜豬骨或魚介味🤔；質地比較薄身，係一款比傳統健康嘅拉麵，對腎臟唔會有太大負擔。我揀左硬直麵，麵條比較幼身，類似出前一丁拉麵嘅粗幼度。火炙豚肉有兩大片，肥瘦一齊食好有豬香。每碗都跟一粒好大隻嘅溏心蛋，蛋黃凝固同流心比較大概係3:7，流心嘅視覺效果好正🙊，加上好有蛋香，蛋白質地滑溜，係一隻令人想再Encore嘅蛋!😏櫻花拉麵 $88硬曲麵比直麵粗少少，更有咬口，個人比較中意呢款麵多D。湯底本身蝦味唔算濃，所以好靠櫻花蝦提升蝦香；整體比蔥山個湯底濃味少少、鹹少少，但又唔會鹹到令人口渴，亦唔油膩。炸牛肉薯餅 $28/兩件雖然係入貨產品，但志在滿足自己對炸物嘅慾望。蜜糖芝麻雞翼 $36/三隻雞翼偏細隻，不過皮脆肉滑；蜜糖點到即止，所以唔會太甜，不過我自己比較中意食傳統鹹味手羽多D。整體食物唔差，拉麵大大碗、好足料，難怪星期六晚7點都Keep住有人嚟食。

友拉麵位於昌寧中心由荃豐一路直行就到同場都有好多餐廳，而且隔離左右都係米線, 車仔麵等等要突出又吸引食材實在唔易由於鋪位細，得十個八個位，經過幾次都滿座，今次終於lunch time食倒鋪頭好多裝飾, 貓貓相, 畫, 夠光猛可惜重點係碗麵, 偏偏唔係太好食揀咗蔥山拉麵本身已經揀咗要軟身直麵, 但上菜後麵條依然較硬,甚至稱得上有d彈牙+韌, 我唔太鍾意湯底係豬骨湯,唔夠味,大量蔥嘅清新+辛香,滲入湯入面嘗試力挽狂瀾,但畢竟湯底唔係濃厚,無補於事叉燒又係失望,竟然又係韌,咬唔斷,基本野例如紫菜,蛋,荀,屬正常狀態,不作評論朋友食魚介拉麵, 同樣偏淡整體係唔值8～90蚊, 普通到同茶記d一丁差不多......

之前睇YouTube有人介紹過呢間友拉麵，今日終於可以試到，好好味，真係要推一推喺荃灣西樓角，地鐵行天橋你就會搵到入邊好多靚靚貓相，貓奴一定要捧場先來係櫻花蝦拉麵，櫻花蝦香味帶起成碗面，個湯底好濃郁，好好味最正就係塊叉燒，肥瘦好均勻， 燒得夠香口，食落去油脂分布均勻，建議大家鍾意食肉的話可以追加食呢啲正宗日本拉麵一定要有糖心蛋，友拉麵係原隻㗎，當然係流心蛋黃，好香到辛肉碎拉麵，啲麵啖啖掛湯，真係幾香辣，正，會忍唔住飲埋個湯底，配埋可樂，一絕追加左兩個小食，先講炸棒棒餃子，好出色，外皮煎得香脆得來，個皮仲能夠保持煙靭，可見得廚師係好有心機煎，入邊有軟骨，口感幾好炸牛肉薯餅，炸得剛剛好，外面香口，入面薯仔好甜用料上乘總括而言，友拉麵係一間不下於名牌拉麵店，絕對值得再來支持

小店裝修以貓咪做主題，到處都見到貓嘅蹤影，座位唔多以吧枱為主~🔘黑蒜油札幌味噌拉麵 $88期間限定嘅拉麵，開心有大量木耳絲，火炙豚肉夠香口大片，肥瘦適中，仲有一隻溏心蛋，最正都係個黑蒜油湯底，味道香濃，推介!! 🔘魚介拉麵 $78揀咗直麵硬身，麵條真係煮到偏硬身，係我鍾意嘅口感，魚介湯底味道幾香，湯底唔會太濃又唔會太淡剛剛好，啲餸同黑蒜油拉麵差不多，但就冇咗木耳絲變咗做竹筍!! 🔘炸雞塊 $32夠熱夠脆，唔會炸到乾晒，點沙律醬實好食啦!! 兩個拉麵都好食幾滿意，仲要唔收加一，絕對願意再encore~

🕖時段-星期三夜晚7:30去到入面約6成滿 入座後都聽到keep住有人叫外賣 (不過拉麵應該要堂食夠熱先好食!) _▫️魚介拉麵 $78湯底香濃 拉麵揀左直麵偏硬 幼身同口感實啲 (好似好少見拉麵店有得揀直麵同曲麵) 拉麵配2大塊火灸豚肉 肥瘦適中 薄切偏淋好易夾開 咬落食到火炙焦香🤤正! 上面仲有好多魚介味(醬?) 比普通叉燒味多個層次👍🏻溏心蛋(味玉)原隻上🥚煮得啱啱好入面超流心! 醬汁醃入味啲更正😋_▫️黃金丸(地瓜+香芋) $28係我好鐘意既一款小食! 之前去食放題/台式火鍋都有食過但入面個餡勁少同空心無咩分別🥲 嗌之前都諗緊會唔會又中伏 點知一咬入口係滿滿既香芋😍外皮又香脆 推介💡 _🍽環境小店有16個座位 兩排單邊枱 中間兩張2人枱 啱兩三個人或一人獨食🤪多人一排坐既話比較難傾計餐廳有好多貓貓既裝飾🐱🐈 🐈‍⬛ 木筷子都好靚😹整體好滿意 感覺係一間用心小店😺值得一試👍🏻

日式拉麵🍜辛辣肉碎🔥爆蔥山☘️🇯🇵環境似日本小店窩心feel🥰#sdm荃灣 #sdm小店 #sdm日本菜 💎 辛辣肉碎拉麵 $85值得一試✅ （😋：7.8/10）👍🏻：辛辣程度係小辣🌶辣味放咗喺肉碎入面，所以啲肉碎幾好食😬😬湯底就正正常常，唔係濃郁creamy嗰隻，所以食完都唔會太濟🍜有肉碎之餘都有火焰叉燒🔥真係好大塊好厚肉，但食落就有啲少少鞋身，冇日本叉燒嗰隻入口即溶嘅感覺😍😍😍👎🏿：叉燒肉質唔夠嫩💎 魚介拉麵 $78正正常常👌🏻 （😋：7/10）👍🏻：魚介湯底，正常發揮😗唔會太濃犬creamy，食完都唔會太濟🍜同樣都係有大大塊嘅叉燒、原隻糖心蛋🥚👎🏿：糖心蛋味道唔錯，但係可以再生少少🤏🏻煮得熟咗啲啲🫶🏻🫶🏻💎 日式餃子 $58正正常常👌🏻（😋：6.8/10）👍🏻：就係普普通通嘅日式餃子😂😂皮煎得幾香脆嘅🥟餡料正常，份量正常咁👎🏿：我鍾意濃味少少🤏🏻💎 蜜桃🍑/檸檬🍋紅茶 （+$16）紅茶花伝Craftea 嗰樽環境：7.3/10服務：7/10 (冇加一服務費😍)價錢：人均約$100性價比：7/10 📍 友拉麵 (荃灣)荃灣西樓角路202-216號昌寧大廈1樓53-54號舖可以 fo

最近的天氣越來越涼 真的很適合來碗拉麵！.點餐方式為一人寫一張單⁣選擇要吃的口味、麵種、麵條硬度店內提供四種口味的拉麵人氣之選是 #蔥山拉麵 像山一樣高的蔥 最適合無蔥不歡的人；我最愛 #辛肉碎拉麵這款湯頭為豚骨魚介再加秘製辣肉碎辣度真的頗高的哦！ 但是越喝越上癮🤤喜歡吃辣、重口味的朋友可以點#魚介拉麵 也不錯 魚介高湯很香醇甜而不膩 清而不淡拉麵上頭的叉燒肉很好吃口感軟嫩不乾柴並帶點炙燒香氣 鹹度也都很適中👌🏻.他們家的小吃也都不錯！⁣炸牛肉薯餅外脆內軟⁣加點沙律醬可以增加味蕾上的層次感受⁣日式炸年糕也很好吃⁣.整體來說 是荃灣區吃拉麵的好選擇店內有非常多貓的擺設、相片和海報愛貓人士應該會特別覺得紓壓( ´▽｀)下次回訪我想試試#櫻花蝦拉麵 ！

遠睇覺得拉麵店裝飾得好有日本風格，近睇發現入邊全部都係貓貓裝飾🙀唔只牆上面有好多唔同貓貓嘅相同卡通貓貓畫，仲有好多貓扭蛋、裝飾，啲貓甚至融入咗去牆上面嘅拉麵圖🤣隻黑貓唔細心啲都睇唔到🕵🏻魚介拉麵 $78黑蒜油札幌味噌拉麵 $88今次食咗魚介拉麵同黑蒜油札幌味噌拉麵😋黑蒜油拉麵係期間限定㗎‼️拉麵有直麵同曲麵揀，不過我地鍾意食粗麵多啲，所以兩碗都叫咗曲麵，夠彈牙同掛湯😚 兩碗都有炙燒豚肉同糖心蛋，叉燒半肥瘦超大塊🤩糖心蛋係成隻上，仲要時間煮得啱啱好，完美流心💦到最重要嘅湯底，黑蒜油拉麵蒜味濃郁，非常之香但係又唔係死咸👍🏻相反魚介拉麵湯底係比較淡嘅鮮魚味，即是邊食拉麵邊飲都唔會覺得口渴😚btw黑蒜油拉麵嘅配菜竟然有玉米筍，第一次見🤣蜜糖芝麻雞翼 $36⭐️⭐️極度推薦⭐️⭐️雖然係蜜糖雞翼，但唔係外表充滿蜜糖黐立立好甜嗰啲。雞翼外皮炸得非常脆，如果要形容佢個口感，就好似焦糖布甸嘅焦糖咁🤤脆卜卜、甜甜地，加埋芝麻更加香，食到唔停口黃金丸 $28見佢Menu寫住地瓜加芋圓，以為係會三粒地瓜加兩粒芋圓咁，點知食第一粒咬開一半嘅時候發現入邊係黃色加紫色，好夢幻(有諗過影但咬得太核突😂)外脆內軟，仲一粒滿足晒

是日往荃灣，毫無計劃食咩，一心諗住行到見到啱心水就食吧！拉麵店，好呀！我愛湯麵，尤其湯可以飲既麵☺下午茶尾聲，未到晚餐，店無乜客人。店面裝修幾有心思，雖然我不愛貓😅拎起點餐紙，：啊！蔥山拉麵😍我雙眼發光了🤩平時叫湯麵，例叫多蔥，今次竟然唔洗，仲要係蔥山，真係別無他選！🤭嘩。。。開心到呢。。。食落啖啖蔥，可以話蔥多過麵😋豚肉用火槍燒，唔鞋😊溏心蛋入味👍湯唔算好濃，不過都ok👌美中不足，如果湯可以熱啲就好，蔥香會出啲。。。🍜朋友叫左黑蒜油拉麵，對我已經毫無吸引力了🤣拉麵一碗唔洗一百蚊。我會再黎嫁！