影片
当日约左人响深水埗一带揾食，见有间冰室店门光鲜亮丽，相当吸睛，LED灯甚为光亮，颇有香港霓虹灯招牌的特式，便入内一试。店内空间相当有限，装修简洁，亦挂有不少LED灯营造气氛，但也叫整洁企理，于非繁忙时段入内进餐，还能多坐一回倾一倾计。别说常餐没甚期望，最基本的公仔面不要煮得太淋、或太生硬，他们店都拿挰得很好，说是希望沙嗲可以辣多一点点就更好。个人认为牛肉可以生多一点点口感会比较软，当然这得视乎牛肉的质素及新鲜度。如果店家可以有埋蛋挞就更多一流！
继续阅读
见到门口装修好得意，好有八十年代霓虹光管林立既油尖旺感觉，毅然一试。猪颈肉芝士捞面，个芝士汁好似水咁稀，一d拉丝效果都做唔到！猪颈肉还可以。一个餐跟多士同野饮索价50几蚊，系深水埗算系性价比低。多士有三个口味选择，分别系：咖吔、牛油、花生酱，烤得好脆，唔错。冻柠茶、冻柠蜜无特别，茶底唔系特别香。鸡扒捞丁份量多，鸡扒个皮脆肉嫩。仲有瑞士鸡翼作为加料小食，正正常常。我觉得深水埗已有好多类近冰室，所以无甚特别，真系「下？又系冰室」。
继续阅读
放工唔知食乜好，行过未食过就胆粗粗入去试下，除左墙身某啲餐牌，同个霓虹灯似香港啲，冇乜其他装修例牌野，冇惊喜，点餐用写纸，价钱偏贵，叫左个吉烈鱼，茄豆，炒蛋，牛油多士，面，热奶茶一共$58黎得冰室最紧要试奶茶，唔太掂，同一般茶记差唔多，面上先，有条菜，面质煮到仲有少少硬再黎吉烈鱼，本人唔食茄豆，系点餐纸都打左个大交叉，但仲系比左碟茄豆黎，个吉烈鱼大块，冇乜雪味，不过不失，牛油多士多牛油，但本人唔太食，所以一般，炒蛋正常，未算炒到熟晒
继续阅读