影片
以上资料只供参考，请与餐厅确认详情
食家推介
招牌菜
位于湾仔不起眼嘅后巷，日式居酒屋小店门面清新，见餐牌几吸引，价钱唔算贵，人又唔多，就入去试下。坐低谂好食咩，等左一阵，至明白系自助点餐，要自己出去俾钱嗌嘢食，指示并唔起眼。鳗鱼饭好快黎到，鳗鱼大大件，几厚身，油脂分布均匀，入口即融，口感弹牙，可惜鱼尾烧到黑晒，而且近尾位较多尖到好似针仔嘅鱼骨；白饭上面铺左适量嘅日本饭素；沙律不过不失。鸡肉鸟冬锅等左半个钟至到，仲要极普通完全冇技巧可言，同自己喺屋企煮嘅水平相若，严重扣分!!!汤底系典型港式伪日本汤，得个咸字，味道肤浅；乌冬表面上系高档扁身手打乌冬，但一咬落去立即现形，淋过超市当当乌冬；配菜煮到淋晒冇晒本身味道；鸡肉白烚；翠玉瓜苦到要吐返出黎!!!跟餐热柚子蜜劲细杯，放左少少柚子蜜糖入杯后就咁加左热水就拎俾个客，搅都懒得搅，又唔提供搅搅棒，杯嘢根本饮唔到味原本高高兴兴支持下小店，食完终于明点解咁少客。收呢个价钱仲要等咁耐又唔好食......唔会再去了
继续阅读
好难得可以喺湾仔呢种闹市嘅地方，揾到一间咁舒服嘅餐厅 ，而食物质素又系唔错 。坐落嚟嘅感觉就好似去咗日本既cafe 咁， 系一种休闲宁静嘅感觉 ，可以慢慢轻松一下，同周围嘅朋友谈心倾计。而且成个地方好日剧feel，隐藏喺街角之中， 更有两只猫猫店长，周围巡视店铺。不过唔摆上嚟啦，想睇下猫猫既可以自己去餐厅食饭。特盛灼烧鳗鱼饭丼哗啦！这特盛鳗鱼饭有成条鳗鱼在饭面上！完全盖过了白饭。鳗鱼十分厚肉，肉质肥美又香甜，带一点口感，唔会太稔，真的足两人分吃，大满足！龙虾尾海胆味炒饭虽然定价唔高，但居然有啖啖肉的龙虾尾，实在真材实料！这龙虾口感爽弹，表面仲有海胆酱在龙虾上，味道鲜味，好吃！而炒饭份量唔少，粒粒分明，十分油润，还有淡淡的海鲜鲜味，份量十足。
继续阅读
返工之前谂住食啲嘢，又唔想食麦记，就行入去呢度试下。午餐价钱唔算贵加$4仲有杯咖啡我叫左个照烧鲭鱼便当我好钟意个摆盘因为以木为主，够简约味道方面，主菜其实就一般般，反而系个饭好食。用珍珠米，同埋煲得够水份，上面舖埋饭素....净系食个饭都好满足不过讲到最吸引我嘅地方，就系店内2只猫相里面系其中一只猫，你去摸佢𠮶阵佢好识做，比你摸完一边，会拧转第二边比你摸lol 咁识做生意，真系唔嚟都唔得。最后我先发现，原来呢间店系自助形式。点餐唔系举手嗌人，而系要自己走去reception；食完要自己攞餐盘去收集区。埋单$62，lunch都坐得舒服。不过唔系好接受到猫味嘅朋友，真系要留意了。因为室内好大阵猫味的。
继续阅读
我哋其实已经系超级肚饿所以不停叫咗好多嘢到最后每人都系二三百蚊埋单真系好抵其实佢个煮蚬真系好惹味烧虾都好好食超级大只其实我自己觉得呢度嘅师傅真系烧嘢烧得好叻烧得啱啱好平时怕肥嘅嘢烧完之后感觉上冇咁多油好似鸡皮同埋bacon咁样烧到脆脆地坚有咬口可惜蔬菜种类唔多就算系沙律入面都好多海鲜仲有好多嘢都卖晒我真系好失望但系都值得我返去 最多要预订啰而家佢做紧 食满七百蚊有支 sake 送坚抵个鳗鱼饭真系好好味呀不过太多饭啦最好味都系佢个烧鱿鱼须service good ar佢系咪都叫我靓女心入面真系好舒畅
继续阅读
以前系呢边番过工，所以安乐里呢一头我都几熟，唔好睇少呢个小巷，入面有几间餐厅，好容易就会错过左门口放有烧炉，望落好整洁，串烧ORDER好之后就会即刻系度烧啦，炉放系门外就唔会烧到成间餐厅都系油烟味黎得呢度主要都系食烧物，MENU上有唔少的选择蓝莓水果茶 ($58)水果茶可以两份饮，落左好多蓝莓，味道较酸可以作开胃之用糯米酿无骨鸡翼 ($68)屋企人出街食饭，系ORDER时都会成日讲一句说话，就系要ORDER D系屋企整唔到或者比较会少煮的菜色，简单黎讲即系制作复杂的菜色，呢道糯米酿无骨鸡翼绝对符合要求，先要将鸡翼去骨，再酿入糯米，鸡翼酿到涨卜卜，烧到外脆内软翠肉瓜 ($18)、烧鱿鱼须 ($48)、茄子 ($38)呢度所有烧物火喉控制得不错，依然保持到食物的水份，翠肉瓜同茄子仍然十分JUICY，但又不失烧物的香蟹籽松叶肩蟹肉饭 ($78)材料好丰富的一道饭，蟹籽同松叶蟹肉份量都俾得几多，拌匀一齐食唔洗酱汁都好美味记得要做个负责任食客，将食完的餐具放到回收处喔
继续阅读