叁嵐 (已結業)

行左幾間舖，見佢做套餐連飲品$48，甘就試一試，雖然等候需時，不過都明白晚飯時間多人食飯。食左幾口白飯，無咩特別，但當夾一件吉豬放入口，我好懷疑自己佢係咪俾左吉魚我，因為佢實在太軟滑，首先塊豬扒軟淋淋，而且佢唔鞋口，但又不失豬扒既味道同質感，吉列既脆口同豬扒既軟滑形成好大反差，呢d咪叫外脆內軟lor，廚師將塊豬扒切開細細件，我唔需要甘快食哂成件豬扒，成件事變成品嚐而唔係填肚。成個飯淋左少少醬汁，我嚐試撈飯食，但感覺唔夾，因為個汁酸酸地，但放係豬扒就唔同，中和油膩，食都最尾都唔覺滯，呢間既吉豬丼出色。

去新墟食飯經過雅都商場，原來已經裝修好，變左Gogo mall， 咁岩搞緊開幕活動😂請左呀Bob嚟😂 D人湧曬去睇佢，所以買野食都唔洗點排隊 想試多d唔同嘅食物，我同男朋友一人揀一間買外賣走。今日都係想食日本野，買完叄嵐再買埋青森燒物選擇比較多，搵日再試叫左一個灼燒鰻魚丼，加錢要埋荔枝梳打。睇住老細用火槍燒鰻魚😍已經聞到陣香味，都要忍住拎返屋企先食鰻魚同個飯盒咁長，都算大塊，燒過之後充滿焦香，有微微痴牙嘅感覺，好高質鰻魚汁夠曬多撈飯杯荔枝梳打夠曬消暑飲完感覺好爽！