叁嵐 (已結業)

今次幫襯改善咗好多，唔見左戴藍色眼鏡嘅男仔，今次係個肥仔店員。落單態度好好，好過藍色眼鏡嘅男仔，好有禮貌。我今次叫左雞腎，雞肉，雞翼，雞皮，一串冬菇啦。肥肥地嘅女仔燒嘢，啲野食好食好多，起碼個樣唔似個男仔黑口黑面。下次我會繼續幫襯

快啲去幫襯呢間小店啦，系位於屯門既小店黎架❗小編都已經食左第3～4次啦～個人都幾喜歡食串燒或者韓燒個類，第一張圖個啲全部都系小編最鍾意食既😋無論食串燒定放題必定會叫就系紫薯粒，一定會叫幾串，吾食既話個心硬系囉囉攣🤣最鍾意呢間小店既就系九菜花煙肉同牛舌，未食呢間小店之前喺未食過九菜花，食完真系愛上左，平時喺吾鍾意食煙肉，一定會浪費哂，但喺有九菜花系入面就會連埋煙肉食，完全吾會介意食到煙肉😆而牛舌真系好厚，但係可能吾喺每個人都會鍾意食牛舌，第一次食一口牛既時候都覺得吾錯，但喺依家冇之前咁好食😢，明明之前好好食架，另外吾單止得串燒，仲有野飲添，有吾同味道既梳打汽水，小編就最推薦熱情果梳打🍹味道系最濃同好味道👍呢間小店喺好似Food Court既地方，喺個area入面有好多吾同款既食店，任君選擇👍👍價錢亦都合理

叫外賣 叫左3個餐之後送到我屋企，只得2個餐 送漏左1個餐佢D 串燒 燒到濃L 曬，D 燒肉串燒到好似柴皮咁乾 又硬又勁難食 試過一次後，希望大家唔好中伏 ,我仲要係食左成$200 蚊

樣樣都炸完先燒....都仲要唔熟叫左條燒茄子, 竟然係全條拎去油炸左先燒,油到反胃...雞翼燒唔熟...中間仲係紅同咬唔到...唉...連雞腿串都係燒唔熟...粉嫩到呢, 救命真係如果唔係外賣番左屋企, 真係即場拎去嘈..會出事架大佬! 比啲心去做啦!已經知唔係啲高品質食材, 連基本煮食都出問題,點樣令人翻泥幫襯?! 點敢叫人一齊幫襯?!唔好令想支持你既人失望啦個圈再甘樣落去會好快玩殘架~比啲心出泥研究下改善下...要比出好質素, 先對得住個價, 對得住支持既人

叫外賣見到串燒好似好好食就再叫多個飯，點知鰻魚飯嘅鰻魚層皮仲厚過肉，肥油多到用黎炒菜都得，個飯太多汁好咸，相反串燒就好好食，冬菇串好juicy，牛柳粒串燒都好食

今日諗住幫襯下小店，試左個海膽三文魚魚子飯，海膽好腥、份量勁少、三文魚得4件、勁簿、唔多新鮮。d飯又硬，咁求其不如唔好做喇，81蚊食個晏諗住食好少少、雖然唔係話好貴，但係你做外賣又唔係堂食，唔該你對得返起個價錢喇！垃圾！我不如食爭鮮仲好，我唔會再幫襯，係到提醒大家小心中伏！！！！！！！

以前都幫襯過幾次，食物嘅質素係唔錯但係今次再幫襯嘅時候，就遇上一個唔好嘅經歷今次去到，見到唔係平時嗰個肥仔店員（唔好介意😂），今次係個戴藍色眼鏡嘅男仔。咁我就落單，我叫咗雞腎，雞肉，雞軟骨，雞皮同一串菇（其他唔記得），個男店員收錢時態度極差（呼呼喝喝成個收數佬咁），好似前世欠咗佢咁。個男仔一路燒，個樣好似死老豆咁，果陣都心知不妙，當我拎完嘢食返到屋企打開個蓋嘅時候（相都廢事影），就發現啲雞腎係生嘅，即刻冇食到，啲雞肉，雞軟骨同串菇好似白烚咁，一啲味都冇，串雞皮仲離譜，一咬落去成浸雪味出晒黎，lur都lur唔切。最後成盒冇食過就丟咗😪。麻煩貴店老闆跟進一下該男店員嘅服務態度及食物質素，希望下次再幫襯時有所改善。

女店員服務差，收銀時已不太禮貌2個飯等了半小時知道燒物需時所以都耐心等候但後尾發現原來整好pack好但無放入袋女店員亦無意想幫手入袋野食唔錯但都未必會再幫襯😖😖😖

叫左個雜錦飯食，見佢係個飯煲拎d飯出來整都心知不妙，點知返到屋企一食d飯真係仲熱，仲要太多水整到一pat pat，飯完全無醋味，好似食緊普通飯咁，冷既魚生再加熱既飯係會隨時食壞人🤢。算啦，當d飯唔食剩食雜綿，d青瓜仲多過d魚生，d魚生食幾啖就無晒，魚生無味似食緊膠咁，呢個價位係屯門來講真係完全唔值，我去超市買魚生食仲好食。企左係鋪面等左半粒鐘得d咁既野真係好嬲，希望鋪頭可以反省下d食物衛生同質素。如果問我幾多分我會想比1分，呢1分係比罐可樂而另外總分係100分呀

灼燒鰻魚丼🐋睇落個樣是唔錯的，$58鰻魚飯真係唔可以抱期望.... 佢唔係爽口鰻魚，又唔係爛到入唔到口，用筷子匙羹扯極都扯唔開，要用口咬先可以分做一舊舊🤷🏻‍♀️ 但d飯食落點解呀？點解d飯會咁硬呀？點解呀😂 點解可以煮到咁😂 睇番其他人食評都見到一年前有人講過飯硬😂 點解仲係煮唔熟呀😫 雖然平，但好唯一好處只係可以飽肚😣 可一不可再😖

今日中午時分，自己一個來到屯門gogo mall lunch, 午餐時間都有好多人，Gogo mall 其實是food court, 有好多各式各樣的選擇，間間都有自己的特色，地方乾淨舒服，暫時未諗到食咩，於是行了一圈，最後決定食個日式快餐，自家製牛肉丼套餐$48，套餐包括飲品同甜品，食落牛肉唔鞋口，有牛味好食，可惜唔夠多汁，以$48來講算超值。其實食店主打是串燒，睇落串燒種類都頗多選擇，心諗下次可以晚上試下。

今日又去左gogo mall食晚餐由於有好多選擇，所以慢慢簡，今日就試下「叁嵐」晚餐時間都係$48，仲包罐飲品相當之抵食！飯好足至於吉列豬扒香口，而且不會好熱氣！會再Encore

今日放假諗住叫外賣食, 點知就中伏叫左外賣， 一個吉豬飯，一個牛丼飯啲吉列豬扒好鞋飯真係硬到好似冇煮過咁點解可以煮到咁.......................

叁嵐是其中一間在Gogo Mall滿有人氣的小店，基本上每次來Gogo Mall吃東西，附近總有人在吃叁嵐的串燒。今天中午我也嚐嚐叁嵐的串燒和灼燒鰻魚丼，探究一下為何叁嵐如此受歡迎。這裡燒物頗便宜，8元起有交易，我點了雞腿肉，燒牛舌，燒雞脾菇串加餸，主食當然是灼燒鰻魚丼。由於是即點即燒的關係，所以要等待十至十五分鐘，我倒是沒所謂，最緊要東西好吃。在取餐的時候，我瘋狂地把七味粉灑在串燒上，因為我太愛七味粉的香辣感。打開膠蓋，灼燒鰻魚均勻的醬色好不誘人，且散發出陣陣焦香，令人垂涎三尺。鰻魚烤得皮脆肉嫩，完全無骨刺，然後一口鰻魚一口飯，滿足感破表。燒物方面整體真的不錯，先說燒雞脾菇串，雞脾菇富含水份，彈性十足，鮮甜味美。雞腿肉火候掌握恰到好處，雞腿肉表層微微金黃，內裡肉質幼嫩，毫不油膩。燒牛舌讓我喜出望外，看似乾巴巴的牛舌，一咬下去意想不到的彈牙，肉汁豐腴，牛味濃厚，直叫我念念不忘燒牛舌的好滋味呢。

🔺叁嵐GoGoMall 覓食round4🤘🏻.日式串燒店即叫即燒夠新鮮👌🏻試左燒雞脾菇、雞皮、雞腎、牛舌🙌🏻雞皮燒得好脆 值得一試👻仲有多款調味粉自己配搭👌🏻記得燒完要趁熱食 凍左之後味道差好遠😳