叁寶皇 (已結業)

近北角地铁站渣华道出口，地盘旁边有一间小食店，有油炸食物有熟食制品，座位不多，大部分都是外卖。肠粉$10四条，之前是即买即剪，今早已剪好一份份在胶兜，胶兜应该是奈热吧因是放在蒸锅内的，买时便倒入发泡盒，加豉油酱汁即可拿走。肠粉滑净，加上甜酱、花生酱、芝麻、豉油，吃得舔舔脷。…查看更多

其实我通常都会堂食每一次我食外卖嘅时候我都觉得地球要食埋个外卖盒就觉得有啲唔公平所以我食亲都系鱼蛋不过今日真系好肚饿买咗个豉油王炒面如果佢啱啱新鲜炒起真系好好味个炒面坚系弹牙用了又足而且佢啲葱系切到好细有啲似细个食嘅味道佢嘅三宝真系好好食卖得又平辣椒坚系好辣但系老板话系random食得好开心呢间都系人情味小店睇得出好多街坊帮衬啲嘢系好好食嘅老板态度都系一流睇得出佢 用料唔会悭虽然系堂食都系要用外卖盒下次会带自己嘅食具…查看更多

今日LUNCH时间又系食穷野既时候 日日都要食LUNCH 唔通日日都要食好野咩所以今日要介绍啲绝顶平价颓食比大家登登登 就系北角地铁站一出就会见到既叁宝皇LUNCH一个二十二蚊饭 去边揾㖞 当然啦 隔离街市都揾到啲廿几蚊既但呢间既鸡扒饭我觉得其实个煎鸡扒几好味添仲有蛋同埋火腿同埋午餐肉跟添 只系卖二十二蚊咋 抵到烂但系呢个饭盒有个好严重既问题 就系啲饭系烂既仲要系几烂下个只 系啲𩠌煎得几好食咁架咋鸡扒煎得唔错 连啲皮仲有少少脆口 午餐肉同火腿都煎得岩岩好既 唔会话煎浓咗咁只煎蛋佢会煎太阳蛋比你 仲可以比人你笃串佢等佢留啲蛋黄落啲饭到捞下饭咁但系佢啲黑椒汁就好一般 真系好一般 冇乜味既不过最严重系啲饭 我已经食过几次 都系烂既所以我都只系比二星佢 因为我相信好不少人都接受唔到佢咁烂既饭但二十二蚊的确系抵既 见到佢咁多𩠌就知啦所以我都食过好几次呢间既鸡扒饭 我都有试过猪扒 比较干 所以食过一次冇食LU但呢个鸡扒饭我系觉得几抵既…查看更多

鱼蛋虽然冇乜鱼味，但系超级弹牙又够咬口识简一定要简辣，佢d咖哩汁超正，辣得黎又几过隐，令我就算30几度响条街经过都好，都会去吉串鱼蛋，流住汗食都几有香港味度超级抵食6蚊5粒有一次夜晚8点左右经过冇晒鱼蛋准备收档，佢地既煎酿三宝一盒盒咁卖15蚊一大盒，𥚃面有20几块多到喊岀黎，值得再翻去食…查看更多

熊大同兔兔放工会经过北角，有时口痕会买下小食~呢度虽然叫三宝皇，但实情煎酿三宝($6有4件, $10有8件)味道普普通通，如果晚上七点前来到就比较多款又够热，但好多时太夜收工来到就得返几款冻冻地的。真正令熊大兔兔回味的系咖哩鱼蛋，$6一串有5粒，而且每粒都算大，以现在的物价来说比其他小食店都算平~鱼蛋弹牙有鲜味，虽然唔系话入味到内里都变黄色，但就保留到个口感而不会太淋~咖哩汁好香，少辣带甜，食完之后仍有辣味留在口中，往往叫人有种唔够喉的感觉，所以熊大兔兔经常都去翻食，推介！…查看更多