厵茶 (已結業)

一句說話總結【厵茶之紫薯雲頂】前排見到某電視網購網站有厵茶的優惠卷買於是手多多買咗一張諗住路經葵涌廣場又突然口渴時就買杯嚟試下點知一試發覺返唔到轉頭但並唔係指好飲到返唔到轉頭而係難飲到以後唔會再去買咁解雖則厵茶標榜無砂糖零添加絕對係百份百真果真茶但茶湯就真係毫無特別之處完全飲唔出茶味紫薯唔差飲得出係由真紫薯製成但又係淡而無味奶蓋同茶湯竟然沒有任何加乘效果真係極之天然的一杯茶或者適合減肥客慢慢欣賞。

🔹山楂厵茶 $22 有助消滯#係健康嘅味道 有小小山楂味 但唔會酸 都幾解渴加糖係用蜜糖 比起一般嘅健康建議溫度係45度 但我都係揀凍飲🙈不過係無冰嘅-掃街食得太多野 飲返杯茶都唔錯-分數: 7/10

收工去葵廣行街見到呢間野個名好特別坦白講，我連個名都仲未識讀🤦🏻‍♀️🤦🏻‍♀️同朋友一人叫左一杯野飲試下左面係招牌榴槤雲頂右面係百白果茶先講一講榴槤雲頂！上層既cream好滑好重榴槤味唔係好假個重榴槤味，飲完都唔會令你口臭！無諗過榴槤出奇地同d茶好夾，驚喜之作😍之後係百香果茶，唔好甜既人會鐘意，因為酸酸地唔會太甜，好多百香果種子係入面，不過我同朋友都覺到味道略為普通🙈🙈兩杯都係廿幾蚊，但大大杯都幾抵

葵芳新都會廣場作為潮流集中地, 小食店同野飲店開到周圍都係, 貨如輪轉。小店淨係玩gimmick最多一年貨仔就會執粒, 要留得住客人唔係咁容易。飲品鋪更加係最大競爭。今次試左呢間3tea, 試左佢芒果雲頂, 雲頂即係奶蓋。佢嘅奶蓋同平時其他鋪頭嘅奶蓋好唔同...唔算好好飲, 有啲奶粉味, 如果想單純飲到奶好creamy ge感覺呢杯就俾唔倒你。不過勝在茶底幾香, 飲得出唔係求其搵包茶包沖嘅茶, 算係加返分。26蚊算中等價, 不過再幫襯就未必。

食物質素固然重要，服務更重要！響賣野飲既鋪頭，見到一個有禮貌既員工，見到我企響度諗緊飲咩時，主動同我介紹有邊款多人飲，又問下我想飲邊類型，清熱解暑還是雲頂奶蓋類！ 有服務笑容，仲唔介意我問黎問去（因有幾款都想飲）絕對係難得呢間響葵涌廣場2樓C87號鋪，之前行葵廣都見過，因個鋪名好特別「厵」，我大概估計是讀「源」吧！鋪頭不是在當眼位置，跟住鋪號搵都易搵到！甜是用蜂蜜，謝絕果糖、白砂糖也有熱飲！西瓜厵茶、百香果厵茶：基於我怕飲太甜既野飲，西瓜又怕飲落太涼，呢款係令我刮目相看，鮮果味+上茶味，估唔到自己飲完一啖再一啖，的確解渴，飲完仲要回甘既味道！最重要的是常溫，好岩我養生飲榴連愛好者...可惜我不是可選膠樽實在方便，密封起碼可以放到幾日，又可以再用！

💜叫咗紫薯奶蓋$26 💜主打所有雲頂同茶都唔加砂糖 雲頂用果乾磨粉打入cream 全部真材實料無味精👏個奶蓋真係好厚好濃紫薯香 但又唔會杰笠笠 仲有不少紫薯粒😚茶底的確不甜 挺香又不太澀 不錯仲有其他口味嘅奶蓋 會想再試😍😍仲試咗百香果茶 雖然冇奶蓋茶咁精彩 但媽媽表示酸酸甜甜 好解渴👍

去葵廣多數都係掃街，食埋啲煎炸嘢芝士乜乜乜，有時真係好油膩咖😚想揀啲解渴又消滯嘅飲品？大家下次不妨嚟呢到試下😚👍🏻愛團購嘅男小編早排又買咗嘢😂今次買咗2杯飲品🍵店員好善談，仲好細心介紹呢到嘅飲品😝呢度除咗飲品仲有蛋撻同曲奇添😆btw個“厵”字點讀😦？我都係叫佢原原原🤣#榴槤雲頂 ($28)#香芋雲頂 ($26)😋好味指數：(7/10)兩者嘅分別只係在於上面嘅cream唔同味😚飲嘅時候打開蓋上一個❤嘅塞，咁就可以首先飲到奶蓋，然後再用飲筒飲茶😚(飲飲下搞到最後得返啲奶蓋🤷🏻‍♀)首先講下佢哋杯茶先，店員介紹呢杯嘅茶係用生普洱沖， 而且呢度嘅茶葉仲係佢地自己嘅茶園出產嘅😆茶味夠香濃，而且有回甘，又冇加糖🤤唔似平時係台式飲品店飲到好甜嘅茶😚雲頂係用果乾打磨然後加奶再打泡整成咖😚奶蓋飲落口都幾滑幾creamy😍#榴槤奶蓋榴槤味道都幾香，但唔算太重🤔平時喺出面飲嘅茶通常都係偏甜，不過呢到就唔同，所以同呢杯茶一齊飲就啱啱好😝#香芋奶蓋飲落去都飲到有啲香芋味，但又唔會好甜😆👍🏼另外個雲頂飲落去都飲到少少一粒粒既野，果啲一粒粒原來係磨碎咗既香芋😍.⭐溫馨小提示📌 穿著校服及65歲以上長者享有$5折扣，

厵葵涌廣場係售賣小食嘅天地，各式各樣林林總總，特別係食完炸嘢同埋肥膩食物嘅時候，總係想飲一杯茶消瀉。眾多售賣飲品的地方之中，已售賣茶作招徠的，便會立即想起這間茶店。除了葵涌廣場，還有銅鑼灣的分店。適逢聖誕期間，第二杯能夠獲得半價，立即二話不說和朋友一人一杯，享受此優惠。店員熱心地為我們介紹每一杯飲品的功效，還端出正在泡的熱茶給我們品嚐一下，小店標榜所有的茶並不像一般台式飲品店，茶味更加香濃，因為每一杯也是經過茶葉泡沖而成的，所以茶味特別香濃。良瓜厵茶$26將苦瓜融入茶葉之中，冇苦瓜嘅苦味，只有甘味，帶點清香。此款茶具有清熱、解疲勞功效，不過一般體質屬於涼底的人便不太適合了。由於是常溫的關係，店員特別給予我一個樽裝的器皿， 十分欣賞這個安排，因為這個瓶子可以循環再用，下一次更可帶回店子重用呢。

看食評知道這家3Tea重茶味啦，愛飲茶的我當然要來試試看⋯第一次經過時已經12點還沒開門，心道不妙，幸好再晃一圈回來就營業了，馬上進去試奶蓋茶香芋奶蓋不俗！平時飲奶蓋最怕濃郁甜膩像吃純忌廉，但這杯茶完全不會，還能感受到沙沙的芋頭粒。今次老闆幫我選了紅茶茶底，茶味濃，一點也不甜，真是好好飲一杯茶的感覺。學生有優惠，抵呀！果然如食評所言老闆請我試飲茶，一小杯，平時常喝綠茶的我都覺得好苦，但過一回就有回甘，原來是石斛。還有看見珍珠奶茶用的是方型珍珠，好特別總的來說，個人覺得比「貢X」之流水準上了一大台階，店面雖然小小但茶味不俗，下次專程過來安可都值得❤️

之前經過呢間野 本身覺得平平無奇 又少人買 應該都唔太好飲 但唔知飲咩好所以都買左杯試下 飲左芝麻雲頂 茶係唔甜 但回甘 雲頂都唔漏又唔會過甜 好香芝麻味整體就係好清新 ！！！飲完個口仲好清爽 唔會好似其他台式飲品咁 飲完得甜/酸味 老闆有時都會在場 都會好熱心咁推薦飲品 又會教我地點飲 就算我地有少少要求 店員同老闆態度都好好 ！係香港咁用心既店真係少見希望可以長做長有同唔好變質啦

之前睇過呢一間茶點嘅介紹，啲茶葉全部都係老闆係雲南茶園親自栽種的，最特別係呢間鋪頭有好多水果茶嘅選擇，將果味融入茶葉之中，令茶葉沖出嚟散發住淡淡嘅果香。今日試咗榴槤雲頂。榴槤雲頂$26之前已經試過紫薯雲頂，佢哋嘅雲頂係用一啲果乾加埋鮮奶打成，都幾天然，淡淡果粒香氣混合茶香，超涼甜蜜，醇厚回甘，因為聞落去都有陣陣榴槤香，味道都唔似一般假嘅榴槤味，但有一種清甜嘅味道，唔似係用榴槤粉開成的，好好味。個茶係綠茶，幾清甜，飲落去都舒服，值得推介。

同老公二人打算去葵涌廣場掃街行下，一開始老公已經話好口渴，好想飲野但又唔想飲甜嘅野，又要飲茶，佢話聽講呢度有間賣茶嘅出名，陪佢搵左陣，終於搵到了，佢可能始終唔係賣台式奶茶所以冇咩人排隊。老公叫我揀一隻茶飲，我一見有芋頭就立即雙眼發光，佢係好似奶蓋咁上面有層白色嘅奶泡，佢嘅芋香就係奶泡度。店員貼心咁講，要先用杯蓋飲左少少奶蓋先，再用飲筒飲下面嘅茶，先甜後甘嘅感覺幾得意，佢嘅茶係好香茶香味，仲有回甘，好似真係嘆梗功夫茶咁，好得意。如果想飲d冇咁甜嘅野呢個真係一個好選擇。

位於葵廣2樓的3 tea服務生很熱情, 一直邀大家試飲試過紅茶(普洱), 原茶, 苦瓜茶, 榴槤奶蓋, 香芋奶蓋試到一半老闆出來介紹, 說都是原創, 香芋奶蓋最難被模仿, 因為奶蓋中的確有芋粒 特地挑了紅茶+榴槤奶蓋, 個人偏好濃茶, 紅茶味較濃榴槤香飄飄XDD然後是風青雲柚就是西柚茶, 跟一般的果茶不一樣這是帶淡香, 不帶一點甜味通常愛喝茶的人, 都不偏愛有一丁點甜味的茶這完全做到不帶一點甜點, 但又留保西柚的清香喝到一半, 老闆還幫我們加點蜂蜜, 嚐嚐不一樣的味道當然是沒大加峰蜜的好喝老闆很長氣說出他的發長大計還說自己也有自己的工作, 才能在開業時養活店鋪老闆是用心的推廣茶, 而且茶的味道都調得不錯新開期間第二杯半價, 喜歡喝茶的可以去試試, 支持

葵涌廣場而家多小店就唔駛多講喇! 多到你唔知點揀好。飲品店都多不勝數，有好多新奇野，但因為我又唔算非常鐘意飲甜ge~又唔可以飲太多奶類產品，經過見到哩間茶店，試左喇!我揀左苦瓜茶。因為激力推介比我地，話一d都唔苦喎。一試之下，真係唔苦ga!!!!佢地真係好有心，因為都唔會落糖，如果真係想要少少甜，可以同佢地講加少少蜂蜜都得。係外面都可以飲得健康，好正啊! 朋友就揀左柚子茶，佢一般人所理解 ge 柚子茶係唔同ga~佢地講係將蔬果ge 味道加入左d 茶葉度喎~ 所以你係杯茶度係唔會見到柚子，但就會飲到淡淡的柚子味。都幾有趣。值得推介~  

係葵廣經過呢間飲品店，同商場內其他飲品店唔同嘅係，呢間係主打買茶類飲品，無乜花巧嘢。見門面冇乜人等，就停低望下有乜飲，店主叔叔好主動介紹佢哋嘅茶，邊隻濃啲、邊隻帶甘等等，仲有得試飲添，絕對係非場內其他飲品店可以做到嘅👍🏼👍🏼經過一輪介紹之後，我就揀咗紫薯雲頂茶。驚喜嘅係紫薯原來係奶蓋😍😍未琴蓋之前店主叔叔仲叫我飲一啖奶蓋，試吓係咪真紫薯添😂😂同其他台式飲品店唔同，呢度嘅茶無加冰，所以係室溫，唔會破壞茶本身嘅味道，而紫薯奶蓋就係凍凍地，幾特別👍🏼👍🏼行得葵廣嘅多數都係年青人，或者會覺得呢間飲品唔夠冰凍，不過其實茶都好解渴，間中飲少啲凍嘢，都健康啲👍🏼