影片
以上资料只供参考，请与餐厅确认详情
今时今日咁嘅服务态度真系要雇员再培训抑厨魔之名而来，真系都抱好大期望！首先入到去系画纸仔拎飞，员工有张A4 size写低几号no 几多位入座（午市繁忙时间搭枱就是常识啦）我哋拎咗75号飞，2人入座。见张纸前张纸要等4张枱咁多，企旁边1对情侣都提示我哋入座management 超差，果刻我心谂划埋飞都会差！原来员工系会叫咗入座会冇删除，又会叫叫下都会跳咗号码+叫错，都唔俾返啱号码入座！冇啦啦去传菜咗5-6分钟（餐厅有位都挂住传菜），成间餐厅冇人安排客人入座，冇位冇得坐！-最funny系用qr code落单，落好单，又话我哋冇落单，人手过嚟点餐，点完1次又复述多一次！咁做咩一早唔人手落单，好混乱！ d utensils 真系眼见咁污糟😅 疏乎厘西多士，好明显个底系冇劲好啲油，成个底都系油，一口油，真系就咁食个西多士仲好！-眼见对面落咗单𠮶位哥哥叫焗猪扒饭，奶茶多奶少甜！我哋都差唔多食晒嘢啦，个员工就话冇晒焗猪扒饭，跟住上咗个冻啡俾人哋，砖头员工就话个奶已经到咗，哥哥哥哥懵然不知，就收咗人哋喺个口饮紧个杯冻啡就俾返一杯多奶！ gosh!😅 系咩体验！ 跟住我哋叫咗个咸牛肉蛋芝士三文治，烘底面包系的确几好，但系面包就略嫌佢冇搽到牛油上去，蛋就比较老，咸牛肉就唔太多，唔可以话好好食，唔系难食，中规中矩，但系比我想像之中系差好多！跟餐可以加$9叫红豆冰，红豆的而且确系够林够甜，soso la!其实食物方面系中规中矩，千万毕业袍太大期望！但最败笔就系啲员工嘅态度，因为眼见有几张枱系冇招呼客人入座，我哋都有善意提点𠮶度有位㖞系咪可以安排入座，员工都系只会挂住传菜同埋同你讲一阵，果一阵真系好一阵！😅😅😅
继续阅读
食物有水准，而且性价比高。午餐和下午茶，好好，不过晚市暂时好似唔够多选择。不知是否位置关系，星期日下午不太多人。焗猪扒饭：多𩠌，汁不太咸，猪扒好食，炒饭底都好味。鸡扒捞面：多汁，小朋友钟意沙嗲汁，大人食黑椒汁少少辣。鸡扒滑，汁惹味。疏乎厘西多士：朋友比较钟意细多士条，我坚持叫这个，出乎意料地好味，好松软。咸牛肉芝士蛋治：有时想食少啲会食呢个，蛋炒得好食，加芝士冇得顶。菠萝冰：小朋友好钟意，次次都叫。红豆冰：我自己唔饮，但家人话高水准的红豆冰。
继续阅读
呢间茶餐厅完全冇诚意, 选择少之有少. 饭类唔系得鸡扒就系猪扒. 面就多一个牛肉可以选择唯有试佢嘅白汁蘑菇鸡扒饭同焗猪扒饭.焗猪扒饭冇乜特别， 不过不失. 白汁蘑菇鸡扒饭, 个汁同金宝罐头嘅白汁蘑菇冇乜分别, 个鸡就炸到劲口粉，肉系鞋既。问侍应攞热水竟然话热水炉坏咗。新开张就话热水炉坏咗， 悭电费都唔系咁呀！！！饮品定价奇奇怪怪， 任何饮品系加九蚊魔厨茶室的名字难道想是黑暗料理吗？？留返啲钱做好间餐厅好过不断做广告啦！
继续阅读
一入到间餐厅见到冇乜客人都知赖嘢，但估唔到真系咁差，好少写评语，但今次真系难食到要个差评佢，未食过咁难食嘅猪扒饭，块猪扒干噌噌，煎到黑色，咬都咬唔开，卖咁贵，又细细份仲要难食到咁，真系请我我都唔会去。一开始系比厨魔个名吸引咗，但同真正嘅厨魔冇得挥。啲侍应又懵吓懵吓，埋单都搞咗劲耐，又好似唔识落单咁，完全冇培训过，真系停执笠大家千祈唔好去，俾钱买难受，未试过食猪扒饭最后块猪扒我掂都冇掂过就系食个炒饭，个饭都唔系好食，但至少冇个猪扒咁差。
继续阅读
网上见到有人介绍，感觉厨师有d来头于是慕名一试（午餐）餐厅环境算舒适，台与台之间距离都唔算好近食物选择不算多离不开鸡扒/猪扒配饭/焗饭/汤面/捞面仲有少量小食，例如西多条 虾多条 ......最后叫左白汁鸡扒饭及沙爹猪扒捞面，冻奶茶及红豆冰心想：专注做某几款食物，应该质素有保证结果......食物得一个字：咸鸡扒及猪扒本身已经咸，加埋d汁真系超级咸幸好饮品算好饮作为餐厅，食物味道应该排于首位否则纵使价钱合理，亦难以令人回头
继续阅读