厚興瑜記手撕雞 (皇后大道中)

我今日試咗厚瑜記的手撕雞冷麵，價錢只係$40包埋飲品，好抵食嘅外賣選擇。厚瑜記有好多分店，但唔知佢哋出品同水準係咪一樣。不過，呢份招牌手撕雞冷麵真係唔錯。裡面有大概6-8片嫩滑的雞肉和兩塊骨頭，我覺得以呢個價錢嚟講已經算係物有所值。如果想再加多啲滋味，可以加幾蚊配其他滷水。我揀咗少少辣，辣椒汁唔算特別，但可以蓋返雪藏雞嘅味道，令味道更豐富。麻醬係港式芝麻醬，滑身同香，唔似日式嗰種麻醬咁稀。麵質有彈牙口感同蛋香，完全唔似包裝嘅即食拉麵。如果你想減少攝取麵食嘅話，可以像我咁少少麵。不過要留意，相比圖片入面嘅份量，實際上可能少咗1/3至一半。如果可以加多少少錢搭配菜或者紅蘿蔔絲作點綴，應該會更加錦上添花。…查看更多

第一次幫襯是沒抱有任何期望來試的，因為手撕雞一定不會難食，可是結果是意料之外的好食這次是第二次來幫襯，我發現店鋪在OpenRice的餐牌已經是六年多前了，現在價錢都調高了少許，所以特地影了最新餐牌價目更新一下，和大家分享最新資訊我點了半隻骨香雞加小食雞腎，$85我不知道骨香雞的味道和手撕雞的味道是否一樣，我下次會再來試下。今次加了小辣，我覺得不加也很惹味，雞肉和上次一樣爽口彈牙，醃得好入味，好好食，因為她沒有再下調味料再撈的，所以不會覺得鹹和香料蓋過原有的肉味，我還覺得有點煙薰雞的味道，真的好香！雞腎是爽腎，亦都入味，整體來說非常滿意，會再來的…查看更多

諗唔到食咩可以試吓依間連鎖嘅手撕雞店 價錢合理 味道亦都唔錯!就係依間啦!選擇唔會話特別多 但勝在價錢公道香麻辣手撕雞冷麵($40)隨餐會送埋一包紙包飲品 手撕雞同麵係分開放 咁就唔會影響咗互相嘅口味 雞肉份量我覺得比較少 而且都幾多骨 香麻嘅味道唔重 如果再重手啲會更好食! 至於冷麵部份份量好多亦都好啱我口味 芝麻醬非常香 好啱夏天食☀️…查看更多

諗住平平哋買份外賣返公司食啦，結果行吓行吓就見到呢間鋪頭。咁又見到＄37 1個飯盒連湯都算經濟唔算貴咁就試吓啦一拎到返公司食食吓都原本冇咩問題。見到送兩條菜心都算有少少驚喜，手撕雞同海蜇加少少辣都普普通通唔差。點知食到後尾有個膠袋仔咁就食龍肉都冇味啦！ ！ ！…查看更多

抵食幾好味 但係服務態度真心差 個員工擰轉半個身後就做口型話我麻鬼煩 但前提係我都係買3個飯啫 而且都仲未夠鐘收鋪 又俾面色客人睇 真係俾錢買難受 間舖係唔係以「服務好」做賣點 …查看更多

前一晚先食過半隻$168既口水雞,但係覺得質素非常一般,又硬係唔知差啲乜.今日經過厚興,雖然佢地只有麻辣雞.但都立刻買返去比較一下.雖然買完外賣返公司既路程只有10分鐘,但返到去打開飯盒,飯已經涼涼地,最弊既係啲飯痴到一舊舊,要用筷子逐舊篤散先食到.雖然本身唔介意食隔夜飯,但點都應該有啲誠意吖.白烚菜芯算唔錯既,可能新鮮啦,而且烚果陣夠油,食起來仲有啲爽,唔會咬落韌韌地咁.雞有雞味,唔係講笑,肉係實淨既,而且雞脾都算滑,又無過肥.有隻雞腳混咗係入面,難得做到唔韌又入到味.當然一切都無得同走地雞比啦,但係完全過關,質素唔錯.雞本身唔辣,麻辣味係靠汁料,辣椒粒只係少少麻少少辣,而且好少汁,要撈飯有難度.…查看更多

平日夜晚加餸，或者做完運動想買外賣食，我同寶寶自然會選擇買厚興瑜記手撕雞。我同寶寶都鐘意食辣，厚興的手撕雞加左辣油混合調味，真係特別好食，半份$52, 有雞肉又有雞翼尖，真正用切件既雞去整，價錢不過不失啦，兩個人分黎食，特別滋味，你爭下我爭下，每次都想食多一d. 不過如果食唔辣，我覺得就普通左d, 帶唔出個香味。另外$32 可以有一份小食，今次揀左食辣豬耳，味道ok. 不過手撕雞抵食一d.不過呢間店雖然話9點收鋪，8點半去，佢地雖然仲會賣雞，但如果要辣味，姐姐都唔會幫你撈，只會比辣油你返屋企自己撈架ja. …查看更多

在上環返工的我，午餐很多時會買外賣飯盒回公司吃，其中一家常去的外賣店，就是位於皇后大道中的厚興瑜記，主打重慶手撕雞。這店只做外賣，不設堂食，午飯時間有時會出現人龍，我喜歡排除等候時望望內裡店員整理飯盒的情況, 但就不會讓你在外面看到手撕雞的製作過程。飯盒由$30起，吸引我來的原因，除了手撕雞外，還因為有菜飯吃。單點手撕雞菜飯就賣$30，如果拼雞賢等食物則$35，送一碗雞湯。另外亦可選骨香手撕雞，價錢也是$35起，但我個人就較喜愛標準的手撕雞菜，肉骨其實跟標準的分別不大。手撕雞的份量看似好少，但因為沒有骨，所以其實大約有一隻雞脾肉的份量。雞肉落了些鹽和薑，味道偏咸，但這種咸仍是可接受的，雞味也頗為濃郁，而雞皮也是重點，很嫩滑，又因切成細條，不會太油膩的，如果唔食雞皮的話，我勸你索性唔好買這手撕雞了。菜飯則是飯多菜少，有點失望，如果飯用上雞油飯就更好了。$30一盒飯，對於上班族來說，算是平靚正之選。…查看更多

手撕雞味道，口感均不俗。而骨感手撕雞色澤較深，味道較濃。配以冷麵的話，比較推介普通手撕雞。冷麵有多款醬料可以選擇，老闆娘推介芝麻味，味道比較簡單和清新，夏天食好適合。另外試左芥末味，都ok.唔建議加其他料，細份，味道麻麻，加5蚊唔值:(…查看更多

今日中午喺街行咗一陣都未諗到食咩好，行到中源廣場門口見到有人排隊買飯盒，睇到菜牌全部係手撕雞或骨香雞菜飯，見價錢合理，$30起，就排下啦。買咗盒原味手撕雞海哲菜飯配例湯，$35蚊。雞肉尚算滑，但偏咸。海哲好薄身，算爽口，但又係偏咸。菜飯啲菜煮得未夠耐，有菜青味。有少少雞油嘅飯都係偏咸。…查看更多

此店聽得多，但從未食過。今次上友人家飲酒談天，他加餸送酒；就可以一試喇！手撕雞加上醬汁及芝麻十分香口，用來送酒一流。雞腎及翼尖，翼尖是給愛吃骨的朋友的選擇；雞腎就真的很爽很好味。以後外賣加餸又有多一個選擇了，不過最好不要我排隊…查看更多

上環現有兩間雞專門店，一間是法式烤雞外賣店 <La Rotisserie> 及上星期四開張的手撕雞專門店 <厚興瑜記手撕雞>！上環分店更是全中國連香港第 76 間分店！店內的女店員們馬不停蹄地撕開雞肉！ 她們也戴上口罩，相當衛生！:) 只是對正馬路，環境認真麻麻地！:(比較兩間雞專門店的價錢！ 手撕雞 (半隻$43 / 一隻$85) 法國雞 (1/4 隻$50 / 半隻$90) 手撕雞 (半隻$43 )打開飯盒，半隻都幾足料！ 只是雞翼尖及雞腳連皮連骨、雞脾骨連一點肉；基本上，其他雞肉已拆骨！:) 完全方便我這類食得論盡的女人！雞肉鮮美嫩滑！雞皮則爽口惹味！ 混合菜籽油更油潤亮澤；灑上白芝麻，增添香口滋味！ 我個人覺得齋食手撕雞較為乏味，特意走到麵包店買麥方包，夾手撕雞來食，簡單而美味！:) 麥包吸收雞汁與油份，又可減低油膩感！ 一條接一條....確實幾令人食上癮！ 不過，家吓食雞都唔平！…查看更多