影片
必试小店收工嚟到天后揾食平时都有系附近揾开食，因为多选择放工行过嚟又近，行到青风街天桥，有间叫卷卷既寿司刺身既外卖店，之前新开张都有留意到，今日终于可以一试，除咗寿司刺身其实仲有啲炸物等等......见到咁多选择真系花多眼乱，开始出现选择困难症，样样都想试，最后店员就推介刺身SET都好㖞，咁我就拣咗个Set B有三文鱼，Tuns鱼 ，油甘，剑鱼腩，珍宝赤虾，带子，北寄贝，真鲷,另外男朋友想食啲热野加咗个炸蚝，手卷系我必食之选，咁就试埋个Tuna海胆手卷。等咗约10分钟就有野食喇，对正门口出面有张櫈正呀，最钟意坐outdoor ，咁啱又停咗雨，索性食埋先走哗哗哗，确实系性价比高，刺身唔系好似出面咁得个雪咪，真系鱼有鱼味虾有虾味，好似讲紧费话咁，但依家要食到鱼有鱼味虾有虾味真系唔系咁易，另外男朋友赞赞赞个手卷同炸蚝，真系食到佢竖起只手指公，个笑容真系非常满足一定会再嚟，支持年青人店员非常有礼貌+靓仔加油
继续阅读
天后外卖寿司，平时会去中村屋，呢晚太夜，中村屋已关，行前几步原来有间新顶手开左唔系好耐既外卖寿司丼饭，标榜即叫即整谂住价钱平、咁实惠都无乜期望，点知有惊喜！叫左个北海道鱼生饭，size正常，卖相唔错👍材料新鲜，带子同虾都鲜甜，海胆鲜～系个饭稍为硬实咗少少，但海胆鱼生饭一百蚊有找㖞，对得住个价钱同真系买少见少！希望keep到啦～店员态度劲nice，对于我呢d有选择困难既好帮到手👍@leetaitai_foodie
继续阅读
话说今日去天后清风街修理我嘅爱车，搞咗一个早上，谂住今日10.1红日，修完车就买D外卖返去同屋企人聚吓，打吓麻雀咁，咁啱整车嘅斜对面有间唔太起眼嘅寿司外卖店（叫卷卷），咁就行埋去睇睇咩情况，初时见铺头细细未必好得去边，但3缺1赶住返去，架车又差唔多整好，个店员又算好礼貌，咁我就决定当比次机会试试啦，就算唔好食都当支持本地小店，我架车仲有45分钟左右就整好，见个店员话师父即叫即做，咁我就问我买2个派对刺身set B +加10个寿司拼盘（特）+30件散叫，问店员要几耐，听到话40分钟左右就可以做好，时间啱啱好咁我就ok啦～ 买完返到屋企，饿咗成朝咁就紧系食嘢先啦，未食唔知道，一食有惊喜，价钱2千松蚊，我哋8大人2细路，食到好饱，味道又好食，平均一人2旧水左右，食物水准完全超出呢个价钱，D刺身好鲜，寿司都好味，寿司有配料，唔系就咁鱼铺饭面𠮶种，食完个个屋企人都赞好，以后我同屋企人会经常开车去买黎食！推介：刺身：全部都好 （够鲜）军舰寿司：海胆 蟹肉蟹膏 三文鱼子（好味）寿司：油甘鱼腩 赤虾 （寿司饭如果再重醋味D仲正）火炙左口鱼边寿司：（又系好味）今次只试咗唔多款式，下次再试其他嘢，之后再推介！
继续阅读
天后附近有好多日本店，但系都冇一间系可以又平又正而满足我哋呢啲唔需要堂食嘅人。E间寿司绝对系惊喜自选，价钱便宜，寿司鱼生好食，性价比高。下次一定会嚟再试佢其他刺身，set dinner sushi 平盘好抵，每一旧除返开，都系10几蚊一旧。又有油甘鱼，又有海胆。好食！
继续阅读
话说屋企新居入伙宴请朋友到来，就见到openrice既食评。叫咗寿司套餐到会a同b。朋友个个都话好食又其是个炸虾卷！寿司同刺身非常新鲜同好味，嚟紧下个星期会再嗌。其实系呢间店前身同再之前都系外卖寿司店，但系呢间真系非常好。非常推介！因为我哋𠮶日都有嗌pizza，基本上啲寿司清晒pizza𠮶边仲有一半未食。朋友个个都赞好，店员有礼貌有交带。如果港岛区或者天后区附近嘅朋友想嗌外卖返屋企可以试一试呢一间。
继续阅读