影片
电话号码
25761673
附加资料
只招待会员
营业时间
今日营业
12:00 - 14:30
17:00 - 22:30
星期一至日
12:00 - 14:30
17:00 - 22:30
*最后落单时间: 关门前半小时
以上资料只供参考，请与餐厅确认详情
美味印度风味香港很多印度菜为迎合港人已经改为少辛和带甜味！卬游会非常正宗！环境舒适！草地绿悠悠！幽雅在铜锣湾半山！菜式美味试了前菜豆沙律，芝士菠菜，炸鸡，烤鱼，咖喱鶢，羊，虾！炸饼和原味火烤饼！卬度恙啤根立！味度正宗！交通方便！价位合理！
继续阅读
每一次嚟都系食印度餐，既然叫得印度游乐会，明白呢度嘅印度餐应该都系数一数二，不过我朋友强烈推介呢度嘅中菜都系一流。不过今日冇乜胃口食咁多嘢，所以就叫咗碗牛腩面。估唔到有超大惊喜惊喜呀。碗面上到嚟，啲牛肉多到夸张，而且完全唔求其，系水准之作。果然系私人会所。而且个价钱完全唔贵。食面当然首先要试一试个汤底，好香花椒八角味，再试一试啲牛腩，估唔到除咗连普通牛腩之外，碗面入边有牛腩，亦都有牛筋，牛筋完全入味，咬落去香淋软糯，非常好食，唔知道有冇得就咁叫牛筋面，最惊喜系依碗面只系$45，果然系好大惊喜，朋友冇介绍错。
继续阅读
7244 浏览
小肥家中有位叔叔，自从退休后，每日都会花多个钟头打网球，以及睇不同类型o既球赛，其热诚程度足以令家人封佢为「波痴」 。为咗方便打网球，波痴叔叔早几年成为咗印度游乐会（简称「印游会」）o既会员，每个礼拜都会去𠮶度打几日波。有一次家庭聚餐，正当大家谈论紧边度o既炸子鸡最好食时，叔叔就话印游会个中厨所煮制o既脆皮炸子鸡必定名列前茅！因为肥肥家族当中只有大肥爸爸一个听过「印游会」依个会所，小肥随即打蛇随棍上，叫叔叔择日带我地去验证 。印游会位于香港大球场隔离，由铜锣湾地鐡站步行约十分钟左右，如果有私家车就最方便，因为门口有多个标位，标位满哂又可以泊架车喺附近个露天停车场，收费为$7半个钟。整个印游会地方唔算大，不过都有好多设施，包括四个网球场、草地滚球场、羽毛球场、健身室、麻雀室等。据波痴叔叔所讲，印游会会员每月交咗会费，就可以白天免费享用网球场设施，全为双打，除非没有人等，打完一局（1 set）或到6:6便要离场等候下一个时段，夜晚去打都只系收灯钱，听落都好公道。会所o既餐厅分四部份：第一部份系只可以点小食同饮品o既酒吧及lounge area；第二部份系室内座位，一眼望哂，只有七张四人枱，同两张八人圆枱；第三部份o既室外座位则有五张四人枱；而第四部份就系草地及帐篷内之座位。大家要留意，假日黎用膳必定要预先订座，尤其系𠮶两张八人圆枱。餐厅并无装潢o既装修，地板、餐桌、餐具都较旧，最唔舒服就系冷气唔多够，小肥食到滴哂汗，加上楼面低，所以都几嘈吓。印游会餐厅内o既员工只有四位，其中几个女仔都不懂中文，所以我地全程以英语沟通。唔知系咪唔忧做呢，佢地o既服务态度都可算系几恶劣，除咗全程黑面之外，写饮品又落错咗几次单，当客人催促食物时更加系敷衍对答，小肥真系感觉非常意外 ！据知，会所有两个大厨，因会员大多食印菜为主，所以负责印度菜𠮶位印度厨师有几个助手，而负责中菜𠮶位师傅就冇人帮 ，要独力支撑。印游会系波痴叔叔o既地头，食物方面当然系佢话哂事啦！叔叔知道我地当中只有靓仔哥哥同舅父食得辣，所以都只系叫咗两味咖哩及几款传统印度小食，其余就系佢极力推介o既炸子鸡同菜。涷柠蜜（$14）：杯柠蜜唔系好够蜜糖，感觉稀而无味 ，饮罐$10可乐好过。 Vegetable Samosa印度咖哩角（$20/四件）：咖哩角属小辣，香脆野味得黎又唔系好油，$20四件真系几抵食。 Bhindi Masala香辣秋葵（$45）：舅父大赞秋葵爽脆味浓，可惜小肥唔系好食得辣，所以都只系食咗一两口。 Garlic Naan蒜蓉薄饼（$18）：新鲜热辣o既蒜蓉薄饼好松软，如果蒜蓉味可以再浓多少少就更perfect啦！ Butter Naan牛油薄饼（$18）：牛油薄饼同蒜蓉薄饼一样够哂热辣辣，牛油味道亦好香，不过个人比较钟意食浓味啲o既蒜蓉薄饼。 Chicken Vindaloo红辣咖哩鸡（$65）：红辣咖哩鸡系劲辣，小肥试咗一羮仔都已经流哂鼻水！ Hydrabadi Keema Curry香辣免治羊肉（$80）：叔叔话，如果佢一个人食饭，好多时都会叫碗白饭送依味香辣免治羊肉。可能系香辣o既咖哩味盖过咗o既原固，免治羊肉咖哩一啲苏味都冇 ，唔讲真系唔知自己食紧羊肉，配上白饭食真系好正！ Stir-Fried Lettuce腐乳炒唐生菜（$55）：少辣o既腐乳唐生菜好香脆，而且好够镬气，就连平日唔食菜o既XO仔都食咗大半碟，绝对唔讲得笑 ！ Fried Crispy Chicken脆皮炸子鸡（$160）：餐牌例明，炸子鸡必需最少二十四小时前预订。可能中厨冇助手o既关系，波痴叔叔推介o既主菜两点钟先起，好在都冇令肥肥家族失望！炸子鸡皮脆、肉嫩、少肥、兼够热，就连鸡胸肉都完全唔干唔嚡，我地六个人十分钟内食哂成只鸡 ，可想而知有多么美味，唔怪得知大厨要压轴上枱啦！叔叔话，佢当年入会，只脆皮炸子鸡只系卖$100，估唔到而家加到$160 。Masala Tea印度奶茶（$12）：杯印度奶茶只系有阵香草味，茶味却唔够浓郁，奶茶亦唔够滑溜 。午餐食物连酒水，普通会员埋单合共$551，即每人约$90，其实都已经好抵，但因叔叔刚刚成为六十五岁o既长者会员，可享用于会中头二千元消费之八折优惠，结果埋单只需$440.8，即每人$75有找，大家仲觉得超值啰 ！总结，印游会内之餐厅虽然地方唔大，亦唔系话好靓，但胜在食物美味，用餐时可同时进食中菜及印度菜，价廉物美，同长者会员去更可享有优惠，大家都大赞好抵好抵！嘻嘻，得知会所并无加一服务费，为咗美食，小肥绝对可以容忍服务生颇为恶劣之态度，叫波痴叔叔再带我地去食印度薄饼、香辣免治羊肉、及脆皮炸子鸡等美食 ！
继续阅读
早前，我们跟朋友来到了印度游乐会，参加一年一度的德国啤酒节内里气氛实在沸腾，大家载歌载舞，也玩得很开心平日不是太好动的我俩，也受到现场环境的带领下，跳起传统的德国民族舞蹈最想不到的，竟然他们也会跳近期大热的江南Style玩乐好一会，也有点渴有点饿现场也有饮品食品档位供人补给当中的青豆蓉汤，入口清香，还吃到啖啖的青豆蓉主打还是这里的啤酒和各类饮品大家也喝得很高兴下年，大家有兴趣的话，也要来趁趁热闹!!!
继续阅读