影片
招牌菜
已经去过呢间食左好几次晚饭，每一次既食物都系咁有水准！今次五个人去食，叫左两碟炒饭（一个鸡肉一个羊肉）、一个芝士薄饼、乳酪同埋鸡串沙律。炒饭真系好香，羊肉同埋鸡肉两款都好食，我钟意羊肉多D，觉得羊肉味同黄咖哩只味好夹。芝士薄饼芝士味够浓，下次会再叫。乳酪够奶味，落少少系炒饭度原来又几好。鸡串沙律朋友话好食，不过我唔钟意食入面D豆，所以食得好少。服务都几好，我地一行五个人，店员拉多左张枱俾我地，坐得舒服好多。埋单一人都系三十几蚊，真系超抵食！
继续阅读
呢家是新接手的,之前的已帮衬过几次,薄饼跟旺角的新疆回族薄饼差不多,今午去试下新的手势!去到见佢地食饭时间都无客,觉得奇怪,原来大热天时吾开冷气,咁咪等于打边炉无冷气,真系揾鬼堂食,所以叫了外卖~咖哩羊肉套餐..再加薄饼二件!套餐跟饭同餐茶$30,价钱算OK!开始进餐,可能我是他们的第一个客,打开个饭盒,想咖哩捞饭,点知睇见D饭一粒粒,又有D一旧旧,又吾热,已心知不妙,试后真系冷饭(格夜),估吾到今时今日仲有人咁做,真系当D客傻既!心想算啦,仲有薄饼,...点知!食落件饼竟然硬掘掘,又系吾新鲜既!如果新鲜D饼是松软..带小小脆家嘛!真是岂有此理!至于咖哩羊..羊肉算"林",但咖哩就死辣,而且油太多,并无香味可言!唯一可赞的是杯拉茶,香..滑..OK!其他都不值一提!如果大家要试,最好下午后才去,等D格夜食品沽清,咁...你就有新鲜的啊!
继续阅读