印尼餐廳 (已結業)

先致聲明, 此篇食評的參考價值較低.三年多前, 同一個朋友光顧過"印尼餐廳", 當時我地都唔識點食物, 於是就聽從侍應的安排. 我仲記得當晚我們二人平均消費係超過$200, 至於食D乜, 我印象已開始模糊, 只記得食物質素不俗, 而我就特別喜歡"粟米餅"!我這個朋友後來移民, 至於現時我身邊的朋友, 他們似乎對印尼食品沒有興趣. 至於家人, 和長輩出外吃飯也多選廣東菜吧! 所以我覺得結伴再來的機會已不大了.每當我想食"粟米餅"時, 我都會黎呢度叫外賣, 拎返屋企當係加, 而我屋企人都話幾好食.已經沒有光顧一段日子, 今晚我又開始懷念"粟米餅"......

與加拿大的友人聚舊, 因小孩子關係, 須要搵一些座得舒服的餐廳. 最後間o左呢間印尼餐廳, 老闆安排了一張馬蹄形座位給我們.叫o左好多食物, 包括:煎魷魚-- 雖好細隻(2 只) , 但好”林”同好味!巴東牛肉–牛肉唔油膩, 好“林”而且好入味.咖哩雞–有一點辣, 咖哩幾香, 如果點麵包食就好正. 雞都ok . 炒通菜–屬一般魚喇沙–湯有小小辣同甜甜地, 麵的軟硬適中. 魚有d “鞋”印尼五香卷–是腐皮包住d 餡料炸成, 味道淡, 無咩特別!肉絲炒麵–用油麵, 都ok . 肉絲“鞋”, 只屬一般.酸辣海鮮湯–頗細, 料不算多, 湯有d 辣.串燒(雞及羊) –肉“林”, 個醬汁一般.肉絲炒米–都ok . 飯是由一位侍應抱住個大木桶搯給你，鍾意要幾多就比幾多. 基本上食品不過不失

成日行過行得多, 買既多數係佢D 特式糕點......今次見佢裝修過..... 一於TRY 下個LUNCH 點唔點!係U 型位果度一家人會食得開心D ! 煎魷魚$72 , 雖好細隻,但好好味!其他肉絲貴刁都係一般! 炒菜反而野味D !

日前同一位非常可愛的女仕食飯，她說這間舖曾經裝修但唔係好覺裝左D乜野。我們叫了一碟什麼雞，一碟好像炒四季豆和一碟巴東牛肉，基本上三樣都好夠味同口感好柔軟。尤其是巴東牛肉表面看到D汁成層油，但其實牛肉本身唔油膩兼且好軟好入味，送飯是一流！叫飯是先給你一隻碟，再由一位侍應抱住個大木桶搯給你，自己可以控制份量，絕不浪費。呢個上飯方式很久沒有試過，當時竟突然有種溫馨的感覺添！整體氣氛唔錯，唯價錢略貴，座位稍迫和旁邊有人食煙。

其實這間印尼餐廳我已經去過很多次,很多食物我都嘗過,整體食物的水準都很好,只是都是一般的印尼食物,如印尼沙律,巴東牛肉,沙爹串燒,辣魚,炸蛋等。最近餐廳有重新裝飾過,光線比以前亮很多,也比以前乾淨。服務態度仍然維持以前一般的水平。因為價錢太貴了,所以我不太滿意。如果我出這樣的價錢,我相信我可以在其他的印尼餐廳食到更好的印尼菜。這間餐廳向有改善之處, 例如食物賣相,服務態度,食物種類和價錢。

喺天文台道(諾仕佛臺隔離)斜路，前韓國菜館位置，而家變咗新裝印尼餐廳分店(By editor : added, thx!)

不知為何, 出門後之心情是怪怪悶悶的, 吃了個雞批也不滿足, 練功一小時後也沒多心情繼續下去, 在街上來來回回, 噢, 是記掛著我的傻男，　不知他今晚可有約會嗎　？　也真走運，　給我可電聯到他，　他說想吃加多加多，　我當然也不會另作他想，就算不能吃辣也不作聲.　在附近選了此間印尼餐廳，　我們除點了加多加多（＄５０），　咖哩雞　（＄６０），　豬沙嗲　（＄４５）及珍多冰（＄２７），　加多加多，有牙菜，　棷菜，豆，　豆卜，蝦片，雞蛋半只　當然不能少的開胃甜辣醬(小妹少吃印尼ｏ野，此醬應是有名有姓的），那個咖哩雞，可能巳太耐沒吃辣，　吃了頭２碟後巳吃不出此菜之咖哩味如何，　但俊男說還可以，雞是預計中的，是”鞋雞”，　但近骨之部份也可吃出香味來，相信是他們把香料放入雞肚內，　所以近骨部份較為入味，　點菜時巳很聰明地問咖哩雞是否跟飯的，侍應回答說有　（餐牌沒有列明的），但我們２個人頭，　要另加＄９白飯錢了，因碟飯很大，　除非很大食，　否則２個人吃一份也夠飽，　而沙嗲，　上桌時還有煙的，入口感覺是剛燒好似的，味道及肉質也不錯，　而那個珍多冰，　沒什特別，　＄２７則覺不值，俊男說吃許留山還好味呢　！　

有一次同班朋友去咗呢度食嘢，覺得ｄ食物真係冇乜特別！唔係難食，但就唔係特別好食！不過價錢就太貴，好唔抵食！而service都係麻麻！

每次路過呢度都會忍不住買佢地d糕點食，尤其是佢地既綠豆糕，呢款綠豆糕唔係平日印象中四四方方再加幾粒綠豆個仲，而係用綠豆蓉做餡再搵野包住(我唔知係乜，總之食得的)。我覺得幾好食，起碼d 餡好食過大班冰皮個d綠豆蓉(太甜了)。不過我咁耐都未試過入去食野呀，所以唔太知佢地既service係點，但我每次買野佢地d態度都好好，從來唔會因為我買得個兩三件糕點而口黑面黑，好似都ok lor。

I like the "salad", chicken and the satay so much!The environment is quite comfortable!

成日經過佢門口，見佢面唔夠吸引，所以一直都未入過去。禽日同個friend行街，佢提議去這裡食，初初都不太願意呀，心諗好食有限。點不知上到去，嘩都好多人，差不多full 曬。我都估唔到都幾好食，印尼炒通菜同串燒雞、豬，是一般啦，但係個印尼炒米粉同醬汁蛋豆腐就一定要食啦，好好味。個米粉有好多菜落去炒，唔算太多油，所以我o地兩個女仔都可以食曬一碟；而個蛋豆腐做法幾特別，個汁好野味。<br>如果你o地鍾意食野的話可以去試下，但你要預o左享受冇好好的服務。因為waiter 的服務態度就麻麻。

講真啊...~~ 呢度o既o野食有D 都幾有風味...o既。<br>但係最可惜就係入面D侍應招呼真係幾惡頂。<br>鬼死咁惡招呼客人,叫佢拎餐牌o黎好似比人鬧一樣,我都係入o黎食o野都係比面你間餐廳D o野好食先至入o黎食o者, 個D 侍應板係塊面咁點菜鬧人態度極差.. 其實都唔只係我一個人係度出聲話啦.. 我個個朋友去襯食都係咁.. 搞到鬼死火滾行出o黎, 仲話下次都咪再去..費事搞到比人踢出門口一樣...<br>所以我係度提醒各位食家....準備定抱住比人鬧o既心態先行入去食,唔係怕你食完之後都唔知鬧人要鬧幾多次啊.....<br>小心.. 小心。

味道咸左D,女洗手間太細&窄.. 都唔係咁抵食!

I went to this resturant on 28/8 night. & found that the service is not so good. & the quality of food is also average too. Nothing surprise there except 豬肉沙爹& 巴東牛肉. Very disappointed.

粟米餅,加多加多,正!必試!白飯任裝,抵service 唔錯價錢值可以接受環境普通