影片
相关文章
之前喺网上面见到有人介绍旺角有间隐世嘅斑兰糕店，几经辛苦终于俾我揾到，之前去过几次都系冇开，结果今次就早啲嚟，终于俾我等到😌，佢系一间印尼嘅找换店，喺找换店隔离超细嘅档口见到有各式各样嘅印尼糕点，超钟意食千层糕嘅我梗系要买来试吓啦😌，我就买咗几款，分别系斑兰千层糕同埋传统嘅千层糕，仲有佢哋嘅黄金糕，最后就有印尼牛油蛋糕，价钱系$8至$12不等💚斑兰千层糕 $8 :基本上呢一款千层糕就系绿白色横间，经常会见到嘅一款，而佢哋出咗朱古力味同埋咖啡味，原味嘅就系斑兰椰汁，唔知系咪佢哋当地人自家制嘅关系，食落去嘅味道系有啲唔同，唔会甜之余斑兰味道较重👍🏻，拎上手就feel到超有动感，有Q弹嘅感觉食落似啫喱不过比较实，价钱都算抵😋🤎传统千层糕 $12 :另外呢一款啡白间条嘅就系最传统嘅千层糕,如果系自家制嘅话整呢一款糕点相当费时，要一层一层咁样倒落去再煎，闲闲地都有十几廿层，呢一款糕嘅口感系比较似蛋糕，佢系腍身啲，食落去牛油味较重，另外仲有佢哋独特嘅味道，甜甜地，我就最钟意食呢一款🤤💚 斑兰黄金糕 $8 :另外呢款黄金糕睇落去好似蜂巢咁，有少少似蜂巢蛋糕，食落都系比较爽嘅一类，个人就觉得呢款麻麻地，不过佢食落都相当入味，同埋都唔觉油腻感👍🏻💚印尼牛油蛋糕 (斑兰) $8 :最后呢一款就类似系戚风蛋糕嘅口感，不过佢哋系比较实，唔算太松软嘅𠮶款，可能印尼糕点嘅又有啲唔同，不过系几特别嘅，事关系斑兰味既我都钟意食😂
继续阅读
之前喺social media见到介绍呢间卖印尼糕点 所以特登去买嚟试下 买咗七件一共$56 比$106佢找 冇为意佢用一张绿色嘅十蚊纸扮50蚊找比我 谂住依家市面冇绿色嘅十蚊纸 返到屋企先发现🤬 之后我又要特登由屋企搭车出去揾返𠮶个印尼阿姐 同佢讲完佢拎住张绿色嘅十蚊纸喺度笑 然后好顺摊咁畀返40蚊我 完全冇觉得愕然咁 所以大家以后买嘢找钱 都要认真啲睇清楚 唔好一厢情愿以为绿色嘅就一定系50蚊 ig d 介绍亦都唔可以尽信！
继续阅读
我喺𠮶度买咗5件斑斓糕，其中有一件系$7，有四件系$8，竟然最后收我$47。我走咗先发现钱好似唔啱，点计都系$39。直接收多$7。当时俾钱时，个姐姐仲用计数机计过一次。如果要去买，记得小心😡
继续阅读