影片
以上资料只供参考，请与餐厅确认详情
#大埔#卤至尊太太突然话想食卤水鹅片，大埔有好多卤水店，呢间新开几个月，试新店。呢间卤水鹅系照称 $120/斤，想要例牌鹅片，师傅话要买上庄，称重约一斤4两。顺便要埋卤水豆腐、鹅肝、大肠、鹅肠。鹅片够薄，每片差唔多厚度，师傅刀工几好。肥膏唔多，味道唔错，鹅肝有惊喜，口感绵滑，好似$30左右就有一份，点米醋食更好味。鹅肠爽脆，油脂丰盈，世间美食皆邪恶之物。浅尝三两条后，剪走肥膏才敢继续食。珠玉在前，豆腐和猪大肠没特别，可以略过。加埋清蒸海上鲜，一家四口大快朵颐。
继续阅读
屋企人叫加𩠌，即刻谂起斩料，岩晒屋企人胃口～呢间位于街市的卤味 ，质素不错，所以嘢都够入味，食材处理得好干净。,买左一盒综合卤味。首先讲下鹅肠（每两16元），脆口，唔会有骚味，脂肪都少，食得出清洗得好好；鹅胸有咬口，够鹅味。 而鹅翼（14元）口感烟韧，唔会死实，同埋都有肉。鸭舌 （每两16元）系我入面最钟意食嘅嘢，有啫喱感，爆汁好丰富！俐 （每斤110元）猪俐偏爽，又系啖啖肉，唔会太咸！卤水蛋（5元/只）够入味，连蛋黄都够味。半只够食半碗饭！个辣椒油系铺头自己炒，椒而不麻，真系想拎多几盒。送烧卖食应该唔错。😍😍
继续阅读
热辣辣下午。同阿妈去街市买𩠌。行过富善街街尾。见到间新开卤味店。新开张买满100有九折优惠🤩。精打细算嘅我当然唔会错过任何优惠啦😎。一于斩料加𩠌试一试。去到间卤味店门口。光线企理。真系买得放心👏。望吓个价钱。同区内卤味店差唔多。心大心细咗一阵。决定买卤水鸭、卤水墨鱼、卤水豆腐、卤水蛋。红肠。返到屋企打开个盒。真心有惊喜❣️。发现一只卤水蛋有两个蛋黄🤩。我真系第一次见。🐽猪仔话系幸运嘅征兆🥰。卤水卤得几入味。鸭件食落几滑。墨鱼弹牙。整体都唔错🤪。绝对可以帮衬第二三四次。
继续阅读
放假返去妈妈家食饭，咁多人食饭梗系要加𩠌啦，经过大埔墟富善街呢一间「 卤至尊潮汕卤味专门店 」，是由元朗名牌卤水店厨师主理，餐牌有多款卤味选择，仲有至尊饭类精选及自选拼饭，我哋就拣选左四款卤味𩠌菜，买返屋企人开心share。海南文昌鸡半只半只鸡$70，一只鸡都只系$138，价钱合宜，而且半只鸡都几大只，师傅切件后份量都颇多，仲有我最爱嘅大大只鸡髀部位，最令我欣赏嘅系鸡皮与鸡肉嘅中间冇肥膏，确实好难得，而且鸡肉肉质爽口鲜嫩，确实系非一般嘅文昌鸡，而且附送四款酱汁，想要乜嘢口味由你话事。卤水猪耳猪耳一条条切成幼条状，中间夹杂着猪耳骨，令到食起嚟嘅时候爽爽脆脆，卤水味道卤得好入味。另外还有卤水鹅肝及红肠，都是家人及小朋友最爱吃之选。见到呢度原来都有卤水乳鸽及卤水鸡全翼，下次要再encore试吓先得。==============================🔍 #卤至尊潮汕卤味专门店 (大埔)📍地址 : 大埔富善街62号地舖🔹🔸🔹🔸🔹🔸🔹🔸🔹🔸🔹🔸🔹🔸🔹🔸#大埔卤味 #大埔卤水饭 #大埔墟卤水 #大埔美食 #大埔潮州菜 #大埔卤味专门店 #打卡必到 #蔡真真 #食好西 #肥真为食 #为食Tata #美食家Tata #吃货TaTa #tachoi #hkinfluencer #hkfoodie
继续阅读
卤至尊是驰名元朗卤水鹅的分店，记得上一回在元朗店花了近一小时才排到一只！新店门面干净企理！卫生指数高！相信是卤水的原材料！哗！原只金华火腿！够哂真材实料！价钱相对实惠，益街坊！老板极力推介镇店卤水鹅，隔著玻璃都觉得好味！卤水掌翼亦是老板推介之二，感觉还不错吧！卤水大肠，是老板推介之三，可惜今晚饭脚不多，怕吃不完，只能婉拒老板好意！最后只买了一份卤水鹅片拼盆，每样一些，够多元化！有鸡蛋、卤猪耳、猪颈肉、卤鹅肝、墨鱼、鹅片及鹅件！自家制辣椒酱很出色、香、浓之余不算太辣，超赞！卤水鹅名不虚传，鹅件卤得入味，质地松软，好好食！鹅肝亦相当出色，松化粉嫩，高质数！这份卤水鹅拼盆，绝对是加𩠌首选！
继续阅读