卡維亞的廚房

網上有人推介呢間餐廳，我二話不說就即晚同家人去試吓。睇完餐牌樣樣都想試，於是叫咗兩個特別晩餐同六個pani puri. 一開始個南瓜湯唔係平時黏黏嘅麵粉湯；跟住就嚟頭盤燒雞同咖喱角。咖喱角皮薄饀靚，配薄荷醬一絕;燒鷄點甜酸醬yummy; pani puri 嗰種味道真係令你一食再食；主菜有羊肉、雞肉、芝士、雜菜咖喱配garlic naan, butter naan同飯，多到最後要打包，我個人最鍾意係雜菜咖喱。最後有個甜品（唔記得乜名），仲有杯mango lassi, 食得好開心好滿足，絕對物超所值，希望大家有機會去幫襯下呢間小店。…查看更多

上一篇介紹燉湯皇后，當天拎完外賣見到有位靚女派傳單，傳單上就係呢一篇的主人公：Kavya Kitchen 卡維亞的廚房。「呢間好似幾吸引！」「有冇興趣一齊叫外賣呀？」因為邂逅了該名派傳單的美女，就成立了一人成團團購外賣🤭好感恩同事們均相信小妹的美食觸覺，決定在今天一起嘗試新嘢食💖卡維亞廚房午餐期間推出自助午餐及午市套餐，自助午餐任食為$118；而午市套餐為$70至$95不定，午餐包當天嘅湯、主食（可自選配白飯或印度烤餅）及飲品，其中特飲另加$15。今天共柯打了七份午餐，三份奶油咖哩雞、三份印式燴羊肉及一份咖哩魚，並共配一份白飯和六份烤餅！是日下雨天☔️，到店領取外賣前，必先經過一小段滑溜溜的地板、著咩鞋都變咗去溜冰⛸️，小妹與同事開玩笑地說「冒着生命危險去拎外賣😂」，幸運地無事平安走出餐廳！▫️當天嘅湯估唔到咁好飲，味道似羅宋湯又似南瓜湯，湯的質感密度高，好creamy ▫️芒果拉茶味道似楊枝甘露▫️甜拉茶/鹹拉茶前者太甜/後者則太鹹，😂搞笑是同事們話不能用文字表達▫️印式燴羊肉羊肉好騷，醬汁唔太辣▫️魚咖喱🍛汁醬少少辣，炸魚唔乾身幾出色▫️奶油咖哩雞正常水平，部份雞件嫩肉，咖哩汁相對最辣口▪️午餐配烤餅有三塊咁多，攞外賣時聞到剛出爐勁香噴噴😍重點係每款主菜食極都仲有肉，唔係得啲汁架👏🏻👏🏻👏🏻…查看更多

今次係是第三次幫襯喇，上兩次掛住食唔記得影相，所以都無寫食評。因為覺得呢間餐廳真係幾好，好想推薦下所以今次終記得影相寫評。三次幫襯都係外賣，經OpenRice order重有折，所以更低食，佢哋啲咖喱好多香料同好多料，今次個印式燴羊肉真係食極都有肉，咖喱什菜就多到可以剩低夜晚食，唐杜里雞肉質鮮嫩多汁味道鮮美，最喜歡佢嘅印度蝦肉飯，大概有7，8隻蝦，啲蝦食落好新鮮好爽好有蝦味，炒飯落足香料飯炒得乾身唔油，非常高水準。烤餅試咗4，5種，每種都非常好食，最緊要係唔配其他喇就咁食都非好食，今次就試埋芒果拉茶，無論乳酪同芒果味都非常濃厚，係我至今飲過嘅最好味嘅芒果拉茶，而佢哋算係至今食過最好嘅印度餐廳，希望佢哋可以客似雲來，咁我可以有多個地方開飯😋…查看更多

$108食到飽自助餐有十幾款選擇，咖喱有雞、羊、豆，重有d炸物，烤餅任食，味道唔錯最後包一杯飲品，試左杯jaljeera,完全感受到印度文化衝擊，一杯有齊酸辣咸😅。輕度、中度、重度、印度當之無愧…查看更多

Kavya’s Kitchen 開咗大約三個半月今日嚟試下佢個 Lunch Buffet前菜有乳酪、沙律菜絲同埋 Indian Pickles熱葷有蔬菜可樂餅、印度燒雞、咖喱羊肉、白汁咖喱雞、咖喱蛋、Paneer 芝士咖喱、扁豆咖喱、咖喱雜菜、Biryani 香飯甜品係 Gulam JamunNaan 係 made to order 可以無限添加以 98+10% 嘅價錢嚟講性價比好高菜式選擇多 雖然有時 Refill 唔夠快同老闆傾過佢地想保持食物嘅新鮮味道所以都係即煮 唔會預先煮定一大煲味道正宗 有稍為減辣同減甜餐飲有 Masala Tea 或者 Lemonade 唔駛額外加錢員工好有禮貌 好有耐性介紹 Menu老闆好有 Heart 會嚟同食客傾計問意見衷心推介呢間印度餐廳比大家 🫶🏼…查看更多

三個人食咗 原味PaniPuri — 有唔同口味，由於第一次食依間所以諗住揀原味穩穩陣陣。未放落口就一大陣香料味撲埋嚟，有feel👍🏻Chicken Masala —同樣都好香香料味，味道適合鍾意食開濃味嘢嘅香港人，♥️雞肉唔乾同冇雪味依個位已經完勝香港大部分嘅印度餐廳🫡椰汁咖哩蝦 — 香而不濃仲帶點酸酸地同Naan好夾，個人覺得仲夾過Naan配Chicken masala個汁，蝦肉爽口大隻但略嫌冇乜蝦味，但有6隻大大隻嘅蝦。咖喱角— 皮略厚但一樣好重香料味，包得好足料成隻脹卜卜。跟兩隻汁 一隻薄荷醬 一隻就甜酸醬，我就喜歡個薄荷醬多啲，食落唔膩仲好Fresh添。蒜味Naan ButterNaan — 蒜味naan蒜味淡淡地唔重蒜味，唔喜歡食蒜嘅朋友應該都食到。Butter Naan就正常發揮正路地好食嘢飲就一杯Salted Lassi 同 Masala Tea, 鍾意奶騷嘅人會好鍾意杯Lassi,帶點鹹得嚟有Yogurt嘅酸仲有少少薄荷味。而杯Masala Tea就好正，重香料味得嚟又有茶香，糖就自己落自己控制甜度，飲落完一啲都唔鞋口。埋單$415 有15%折扣 但唔知個優惠做到幾時 所以要食襯早第一次寫食評，仲要係食完先想寫所以冇影相。同埋主要係希望之後都有得keep住食所以先幫依間餐廳寫😂…查看更多

鰂魚涌性價比極高嘅印度自助餐！公司附近新開咗間印度餐廳，任食都係$98 ，梗係要去試吓！地方唔算太大， 有15張枱左右，但感覺乾淨整潔，燈光光猛。野食種類都有10款左右，有炸野菜，有幾款咖喱，例如咖喱雞，咖喱魚，咖喱秋葵，同埋唔辣嘅豆茸。咖喱唔會覺得好辣，但好濃香。我覺得最好味係咖喱雞，配埋薄餅食，熱辣辣，認真一流！全部菜式味道都好正，食咗四五碟， 仲有杯嘢飲送埋，果汁嗰啲都唔會另外收費，$98絕對超值！…查看更多