影片
上堂前先吃个晚餐下午五点半到逹，发现原来一幸舍在10月28日要结业了猪骨拉面：猪骨汤低味道浓郁且稠身，到了有点糊口的阶段，另外有少少过咸的味道食几口面又要饮一次茶洗口……面条虽然选择适中但还是偏软，泡汤一阵间已经开始淋溏心蛋唔突出……义烧味道好淡饺子：皮薄馅少，没有突出的地方
继续阅读
听朋友L讲话呢间野好食, 就特登系考CRE之前黎食一食门面算系整洁, 而且日本人好热情咁 LOL有六种唔同既面可以拣, 钟意食辣既我就拣左最辣既 GOD FIRE面。面有好多Options可以再细分, 例如分面既硬度, 汤既咸度 etc...讲返个面, 其实辣就唔系辣 -_-不过个面底本身好好食, 面身几爽而且一d都唔被汤浸"林"。只溏心蛋好好食, 而且唔会比个面抢左个味成个环境都几好, 坐唔迫, 食lunch时间都唔会太多人, 惟一美中不足系坐d櫈有d硬 -_- 绝对唔会坐到多过半个钟
继续阅读
同场试的另一间已另写食评, 前因后果在此就不多提及了!!而我本身主要就系食呢间博多一幸舍....正宗猪骨拉面, 叫咗套餐有埋饺子!同样地试咗啖汤先...第一个反应系, 劲重味, 重点有点"滞"的感觉, 而且o个层猪骨汤ge 胶质极之糊口, 唔太钟意......食完我仲滞到胃痛添-_-糖心蛋虽滑, 但蛋香味不足.......面条叫咗普通, 但都系徧硬身饺子系几香的, 皮够薄, 换嚟代价系..无乜料XXDDD虽然个汤底真系好浓, 但食完后真系有 点滞, 仲搞到我胃痛咗一段时间...............而对我嚟讲整体味道都只系不过不失而以!! 唯有期望下次试其他会有更好表现~~
继续阅读
首次到访Ramen Champion先前从友人fb得知此地方，于是放工后和爱人一起去尝尝门外的环境，电梯旁放置了数个易拉架进来的时候，会每人发一张卡以作记录，购买和结账时都要用到如有损坏及遗失，多谢$500大元因为第一次到来，所以先逛了一圈六间拉面店的服务员都在推销自家的拉面，很热闹有的师傅用日文，有些店员则用广东话为你介绍餐牌我们今次选了两间拉面店去试，分别是博多一幸舍和东京忍者点好餐后，便可以拿著电子提示器找位子和等候当可以取餐时，电子提示器会一边闪灯，震动和响闹，很方便呢。肥肥点的博多一幸舍的半熟蛋叉烧拉面，售价$98，另外加了一客半价的日式饺子，$15还点了麒麟啤$50，放轻松一下配料有半熟蛋一只 (已切半)，数片薄薄的叉烧，少许木耳丝和葱粒。汤㡳很稠，而且像充满骨胶原般~赞!幼细的面条，烟韧弹牙，拉面和浓郁的猪骨汤同吃，满有幸福感。整体不错，唯不足的是半熟蛋不够流心。很喜欢这个香浓的猪骨汤底，不过吃多几啖有点腻半价的日式饺子$15 (5只)皮很薄，馅料不多，用上菜和猪肉，饺子味道一般般而我则点了东京忍者的朱雀拉面（辣味猪骨汤）$78因为我耆辣嘛如果不想花费点饮料，在饮料角有免费茶水提供，客人可自行斟载 （够哂贴心！）总括来说，在这儿吃到的拉面都不错，下次会再来试试别的店：）
继续阅读
收工之后, 约左Mummy去食吓嘢~~~好耐冇同Mummy「撑枱脚」啦~~~!!估唔到Mummy比我还要识食, 佢带左我去Ramen Champion度食拉面!!!我同Mummy都系第一次黎呢度, 呢度就好似一个food court咁, 入面有六间唔同嘅拉面店。一入门口, 就会有人俾张咭你, 原来张咭系用黎食完之后埋单计数架, 一人一张。我哋行晕哂六间拉面店, 佢哋俾我嘅感觉系, 佢哋每间拉面店入面都梗有一个或以上嘅职员系日本人, 不论系煮面嘅, 招呼客人嘅, 因为佢哋每个同我讲广东话, 我都差啲听唔到佢讲咩.......由于唔知边间好食, 我哋就拣左招待最热情嘅一间啦~~睇吓有咩食先.....招呼我哋嘅系日本哥哥, 坦白讲, 佢嘅广东话真系一啲都唔好。但我听得出, 兼夹睇得出, 佢好努力咁用哂佢所有嘅身体语言, 驶尽佢嘅混身解数, 话俾我知佢哋呢间铺喺日本有几出名, 仲要遍布东南亚地区。叫左面之后, 佢俾左部机我, 根据日本哥哥嘅描述, 当部机「beep beep」响𠮶阵, 行埋去攞就得架啦~~~佢推介左我食佢哋店最出名嘅「半熟蛋叉烧拉面」, 乜嘢都有第一次, 就试吓啦~!四块手板咁大嘅叉烧铺左喺碗面上面, 见到都已经肚仔饿啦~!搯起啲汤, 哗, 好「结」啊~~~!!系似汁多过汤架~~!!饮吓先...个人觉得咸左啲....碗面呢....面夹埋啲汤就啱啱好啦~~~!!啲面煮得唔太「谂」, 刚好。试埋只半熟蛋先.....我试完觉得只半熟蛋至系精粹!!!只蛋真系好流心, 蛋黄流左落啲面度, 夹埋一齐食, 好丰富嘅口感~!最重要系因为佢系半熟, 有少少蛋白黏住黏住, 好滑啊~~~整体成碗面系好味嘅~~!!(至少, 呢碗系我目前为止觉得最好味嘅一碗拉面~~)可以改善嘅地方系....如果可以加多两块紫菜就好了。(脆卜卜嘅紫菜浸落碗面度, 就perfect啦~~)Mummy钟意食辣, 佢叫左.....「GOD FIRE」~~~~!!!顾名思义, 「神级」咁辣架啦~~!!由于我真系怕对Mummy黎讲会太辣,所以我叫左师父少辣, 唔该~!Mummy呢碗虽说冇咁多块叉烧, 但系就有紫菜啦....我饮过啲汤, 佢呢碗嘅汤冇我𠮶碗咁「结」, 系真系汤嘅感觉。同埋一啲都唔咸, 唔太辣, 相信食唔到好辣嘅人叫佢「少辣」都食得到...Mummy觉得几好食, 佢话啲面都真系几弹牙(哈哈, 其实我都而家都唔系好知弹牙嘅感觉系点...)不过就唔系几够辣啦.....(梗系啦, Mummy唔知我帮佢叫左「少辣」架~~~)日本哥哥仲推介我哋食多样嘢, 加$15就食到, 就系...饺子啦~~~可能本人对日式饺子兴趣一般, 我嘅感觉系: 其实好一般, 同出面食到嘅日式饺子, 甚至自己可以喺超市买到嘅「急冻系列」, 没有多大分别...Mummy嘅感觉系: 好味, 皮薄, 夹起唔会散, 煎得好香~~~基本上, 呢间拉面铺都不错, 我会番转头帮衬, 同埋会喺Ramen Champion网站度投佢一票~!p.s. 临走前, 我想再影下呢间拉面铺, 日本哥哥突然冲入镜头, 话要take a photo㖞~~!!
继续阅读