南門馬車 (已結業)

啲嘢幾好食不過個炒豬肉勁多油，泡菜湯飯辣度剛剛好🙆🏿‍♂️頭盤有4碟小菜任添，最正喺新開張期間cass啤酒買一送一🍻，HKD $15/1，入去淨喺飲🍺加食小菜都回本，姐喺咁講😂另外，晚市幫襯仲會有soju martini 買一送一，姐喺最平HKD $17.5/1，仲有7彩刨冰送🌈…查看更多

一個人的午餐, 又唔想去茶餐廳迫, 又唔想趕喉趕命,呢度會係唔錯既選擇呢度有幾多款式的午餐選擇, 我食韓國菜, 通常都係先試炆牛肋骨 或者 鐵板豬肉呢個係個人喜歡, 與廚藝無關的, 所以只要個廚呢兩味菜攪好, 就可以取悅到我既基本口味,店家供應左每枱一支凍水, 食辣野起來就更加爽到震, 夠貼心今午叫左鐵板豬肉, 都係合味道之預期之內,隨每一枱客都會送上四小碟, 此乃一般韓菜都會奉送的, 出奇地, 個蓮藕做得夠出色, 比泡菜及其餘兩款更好味, 更入味午餐, $65.....其實附近好多茶記都已經賣緊 $5X 左右, 俾多十元, 多重享受, 值得呀…查看更多

突然很想食韓燒,其他有好多分店既韓燒舖要排隊,所以同男友是但入左間有得韓燒既舖頭,叫左兩樣野1. 牛拼盤2. 魚糕鍋人都未坐底,已經即刻有小食都係泡菜,波菜,芽菜,個薯蛋幾特別同好味!無錯,佢有個小菜係薯蛋!😝 小菜有得refill😬😬😬牛拼盤一黎我都嘩左一聲,d 牛既紋路都幾靚,而且幾大塊.食完牛拼盤加小食都好飽,但係仲有個魚糕鍋.等左好耐都未滾,入面有好多丸e.g. 龍蝦丸,蟹子丸,咖哩魚蛋,個湯同感覺似關東煮,無乜特別。…查看更多

朋友推介既韓食店，行過尖沙咀一於黎試下!入到去真係有韓國feel，因為 waitress 9成都係唔識講中文既韓國人前菜都係荳芽，泡菜，但特別在於有薯仔同翠玉瓜，我都係第一次見!翠玉瓜夠甜夠爽口，薯仔好特別，凍食但煮到好入味。生菜旁有清甜爽口既紅蘿蔔同青瓜條，好fresh好健康食到咁上下肉拎一條黎咬下，等個人無咁濟同膩，好貼心既配料同朋友要左一份牛肉雜錦同半份炸雞，10分鐘已經上齊。四塊牛柳肉，四塊牛舌，一大塊牛扒!!!真係有成隻手掌咁大架!所有牛肉無醃過，但可能本身貨源靚，燒出黎好多肉汁，夠嫩滑。牛舌反而薄左啲，好快乾身送既辣泡菜凍湯，酸酸甜甜。可以等你食完油膩野沖走口腔既油膩感!!炸雞一定要配啤酒!!買一送一既1664生啤，有少少果香好好飲!!炸雞唔太特別，因為佢無醃，食到中間好淡，要不停點甜醬，比我想像中既炸雞有出入。但旁邊既薯條好好食!!又腍又香，配上華鹽鹹淡適中非常香口!!餐廳既服務非常好，會主動幫你燒肉。食材配搭都好貼心，有爽口紅蘿蔔，青瓜條，辣泡菜凍湯，等你可以去油膩感，keep住開胃。但可能兩個人食會貴，埋單成700蚊，多人食既話好抵食!!…查看更多

今晚想食韓烤同炸雞，去到尖沙咀金馬倫道新開張的南門馬車。一行三人點了牛扒 ribeye, 牛仔肉同五花腩韓燒，韓式炸雞及Soju Martini。- 牛豬肉質不錯，採用厚切，而非一般韓式焼肉餐廳所用的薄切，配以新鮮生菜葉及 kimchi，很有口感！- 炸雞味道感覺比較一般，可能因為不是韓式炸雞店專門店，所以選擇較少，令我忽然很懷念韓國吃到的檸檬蜜糖杏仁炸雞。- Soju Martini 有不同果汁味，我的點了荔枝及士多啤梨。酒味不太重，對不太嗜酒的人，可以一試。- 餐廳工作人員多次主動為我們添加Kimchi等配菜，並送上冷 kimchi 給我們一試，服務滿意度十分！結帳時才發現有新張優惠。大家都覺得很扺，值得向大家推薦一下！…查看更多

跟朋友在金巴利道尋找韓國菜，見這間不用等位所以就試試這間它是位於一樓，不是燒類的叫了魚糕湯 及 芝士炸雞魚糕湯只有一片魚糕，其他全都是不同種類的丸，打邊爐一樣，但全部丸也是硬的，即使煲多久是也硬的。芝士炸雞，芝士跟雞是分開上的，芝士是凝固的，雞是'唉'口的，既大塊又多骨。幸好薯條是正常的。啤酒抵，買一送一。但最令人感到失望及恐懼的，是出現了'米奇'，太恐怖了見地下鋪很多人幫襯，應該燒類好吃很多吧...…查看更多

这里味道一般，服务还特别不好，几个女孩子就聚集在前台那里聊天，我们桌上的铁板都快烧糊了也没人过来，后来我自己烤的，一个女服务员过来看了看就走了，这附近很多家韩国店，强烈不推荐来这家！:(…查看更多

打電話去訂枱時, 職員講左兩次話佢地係二樓, 去到既時候, 發現, 原來佢地係有間地舖, 係做燒烤既, 二樓係食韓菜 (燒烤外既其他食物), 但我又見佢地又有俾燒烤餐牌我地, 我唸如果你想食燒烤都一樣可以!我覺得選擇唔太多, 總括都係得三版紙到, 大路既韓菜款式都有...因為韓國菜好多都係肉, 同比較溜, 所以我地叫左個"田園沙律", 啲菜都新鮮, 但係好奇怪啲檸檬雪到係冰既, 好難整到汁出黎, 同埋沙律汁唔夠, 有少少麻油味, 覺得沙律有麻油味, 感覺怪怪!原本唸住叫"芝士豬肋骨拼香脆芝士炸雞", 因為想食辣雞, 唔想食芝士炸雞, 所以我地決定分開叫最後叫左"甜辣醬炸雞", 唸住叫10隻雞亦那款, 但佢竟然話冇雞亦叫, 只可叫 HALF / WHOLE, 我地又貪心, 結果叫左WHOLE, 啲醬汁帶少少微辣, 啲雞唔會話炸都好乾, 就算食雞胸都唔會話太"鞋"口, 啲薯條炸得唔錯...."芝士豬肋骨", 用GAS 爐將啲芝士煮溶, 然後將啲芝士包住豬肋骨黎食, 佢初時冇俾到啲鉗我地, 攪到我地好麻煩地咁捲捲捲, 捲左幾條之後, 佢先記得要俾個鉗我地! 啲豬肋骨已經炆到好淋, 離晒骨, 個醬汁我覺得偏甜左少少, 啲年糕唔夠淋, 可以再煮耐少少先放上去會較好..."泡菜豬肉煎餅" 好似食緊一堆麵粉咁, 極少料, 冇泡菜味, 又食唔到豬肉, 唔好食! 每人食左半件都冇要囉!…查看更多

尖沙咀金巴利道75號東南大樓1樓以前我好喜歡食日本菜, 但近一兩年已比韓國菜超前了位置,皆因很多韓國菜都會帶點FUSION好新潮的原素。在公司附近新開了的南門馬車, 又忍不住來試手勢了,四款前菜, 魚片好紮實, 雖然見到紅辣料但是BB辣呀,而個口感因沒有放湯好紮實,比放湯的更好味。青瓜同白蘿蔔用醋醃,有點點酸很開胃, 泡菜也是BB辣很易入口,最後是牛肉煮雞脾菇,似日式的家常前菜, 利用甜醬油煮很好吃。SALAD一份有生菜絲, 烤過的南瓜中心綿腍而最外爽,用上大量的甜黑醋做DRESSING, 加了生洋蔥及蒜頭,因有醋所以辛味都消失了, 更有油沉橄欖同蕃茄。同行多韓國菜店子, 食品都是太同少異, 當中出名及服歡迎的菜式要數是炸雞莫屬,我問那個味受歡迎, 推薦酸甜及照燒, 見我猶豫店員主動說可以把兩款汁也給我一試,服務超好及友善。半份雞只是$80元比附近的街舖平, 炸到個皮好酥香卻完全不油膩,就算唔加醬汁雞肉都因為醃過有點鹹味, 伴以炸薯條, 不過未夠香口,小用心是灑上了芝士粉, 炸年糕刻意界開了唔似一整條炸咁死硬, 非常煙勒有嚼勁。加了份豆腐, 竟是原磚豆腐大, 用了板豆腐食落更紮實,個甜豉油醬汁先是精髓, 絲絲的柴魚香很日式的料理。各行各業都有自己難唸的經, 做前線的生意不好, 看著數字追不上公司SET的天文數字目標,影響收入也覺得很頹廢, 還是回銀行做高底薪SALES,反正做的都是一樣。一份炸雞解千愁, 酥脆又充滿氣泡的炸漿外層, 炸符金黃又上碟前迫出了多餘油份,吃下不會太油膩, 肉也保留了適當的水份不乾柴, 香口怪不得韓國人一定要加配啤酒, 胃氣連悶氣一併吐出真暢快,不過經理說酒牌未發, 就改喝汽水都一樣開心。吃上一頓豐富又美味的晚餐, 工作上的壓力辛酸都可以暫時忘記,有力量同調節好心情, 回家睡個好覺迎接新一天。來到金巴利道, 林林總總的韓國食店中不知怎選擇,有緣看到這文的推介無人頭索同愛炸雞的人來。…查看更多

朋友是韓劇迷也是勁愛食韓國菜,於是相約我及幾位朋友去新開店~南門馬車來食韓式晚飯. 店內裝潢簡潔乾淨.首先送來韓式前菜有開胃泡菜､清脆青瓜､有咬口牛肉及彈牙魚片.** *【生牛肉配芥末柑橘醬油】$180 一片片的牛肉,能清楚可見油花均勻分佈,可惜入口有D冰冰地,應是未完全解凍晒,所以悄後再食,而牛肉味一般,已淋上甜甜芥末柑橘醬油,令味道豐營.* * *【泡菜豬肉煎餅】$95焦焦的紅黃色煎餅,外不是太酥,只有外圍邊比較脆D,有內軟的口感,有豬肉片､泡菜等配料,味道不錯.* * *【芝士豬肋骨及芝士香脆炸雞】$300鐵板盆放滿肋骨及炸雞,而另一邊放了粟米芝士.當開爐後,芝士被溶那時候,可以夾起豬肋骨或炸雞來蘸芝士醬,有拉絲效果,賣相極邪惡.豬肋骨入口鬆化, 而原味炸雞略為厚粉,兩者蘸芝士醬,更滋味,芝士迷不能錯過.* * *【韓式豬手】 $250大大份豬手,份量十足,已切成一片片去骨豬手,啖啖肉,口感嫩滑多汁,夾著生菜及配料來食,可減少油膩感,另沾點豆辨醬,十分滋味.最後,當然食甜品才完滿.因店新開期間光自顧,贈送【彩虹刨冰】.彩虹刨冰帶多甜少酸味道,甜甜入心扉,而冰十分之細幼,帶來冰冰涼涼透心感.…查看更多

韓劇的潮流令媽媽選擇今天晚餐要食韓餐，揾左d資料這間在金巴利道盡頭的韓食店新成員。不同款式的前菜（醃辣魚餅，泡菜，醃青瓜）韓式罐裝飲品分別有梨子，葡萄，米首先出場係韓式豬手分為3款普通，冷盤同香煎，原本家人想點香煎，但我的誤會點了普通，肥肉太多，好在有生菜包起一齊食可減輕油膩感覺，加上滷得夠入味，所以不算失望醬醃牛肉芝士泡菜煎餅單單望名都被吸引，泡菜餅煎得外脆內軟加上芝士同醬醃牛肉好野味芝士豬肌骨及香脆芝士炸雞媽媽是為佢而來，媽媽的第一次覺得好難忘，有得玩有得食有得影相芝士豬排釀墨魚妙問妙答至A:唔好意思，經理想問下，係咪黎錯，豬排入面好似無墨魚？B:係呀，無錯入面係無墨魚，只係餐牌印錯。A:(心唸 咁都仲唔係錯？？？）最後送上免費彩虹冰沙，咕唔到爸爸比我更鍾意食真係要比多d時間陪下佢地，雙親節快樂…查看更多

母親節媽媽揀左食韓國野，我地揀左新開既南門馬車~去到至發現，原來係同街既南大門韓燒既分店，但南門馬車就無燒肉食的~首先係韓國餐必備的無限添加前菜，有我最愛既薯仔韓式豬手 $250炆得夠腍又入味，加埋蒜頭同醬汁用生菜包住食減輕油膩感芝士炸豬扒釀墨魚 $110上台後點睇都唔見有墨魚，媽媽仲食左一件都食唔出有墨魚，說好墨魚呢？店員神回答:"這是沒有墨魚的。只是menu印錯了。"為什麼我order時唔話我知...所以呢個只係普通芝士炸豬扒，大家到時留意喇！芝士豬肋骨及香脆芝士炸雞 $300豬肋骨醬汁惹味帶點蜜甜，肉質鬆化，炸雞炸得非常香肥，沾上芝士吃又香又滋味！牛肉沙律米紙卷 $75味道清新怡人，米紙顆硬身醬醃牛肉芝士泡菜煎餅 $130微辣口味，外脆內綿，牛肉很多很足料~辣海鮮鍋 $320有蜆，青口，蟹，蝦，豆腐，配料很多，可是都是急凍貨，沒甚鮮味吃到半鍋時發現驚喜，鮑魚一只飲品選了一人一罐韓國果汁新店開將優惠，每兩位送一杯巨型刨冰清清味蕾也不錯呀！…查看更多

網上看到這間專吃韓菜的新店子，聽個名完全估唔到係食韓國菜。韓式豬手（$250）是店內的招牌，是原隻呈上，肉質彈牙嫩滑，包住生菜食清新之餘又唔會好膩，加埋蒜蓉食又夠重口味。伴冷麵（$120）味道酸酸甜甜，味道清新開胃，伴上海鮮如蝦仁、魷魚，還不錯呢！醬醃牛肉芝士泡菜煎餅（$130）面頭蓋上濃厚的芝士，煎餅內包住醬醃牛肉，香脆帶軟綿感。辣海鮮鍋（$320）盛住不同海鮮，如蟹、青口、蝦等等，湯頭鮮甜微辣，海鮮份量挺多，但新鮮度不足，建議可改善一下。芝士豬肋骨及香脆芝士炸雞（$300）份量超大的，建議可以四人share。鍋子分了三邊，一邊盛住香脆可口的炸雞、一邊是鮮嫩多汁的豬肋骨、最後一邊是香濃邪惡的芝士，把肉捲上芝士，真的很美味呢！新開張仲有三色泡冰送，食完飯同店員講聲佢地就會安排比你。超靚的三色冰分別是三種唔同口味，冰冰份量挺多，味道也不錯的！…查看更多

「來自星星的你」韓國劇集大熱後，又到「太陽的後裔」，煲韓劇已經成為了不少港人的習慣，可見韓風依然繼續吹襲本港，近年尖沙咀都多了條韓國街，差不多整條街都是韓國餐廳，平時我與友人多數都是食韓燒，但有時侯都想食下韓國料理，同友人逛街後，我們一行4人去了一間位於一樓「南門馬車」食晚飯，較早前一天都經過「南門」看過下餐牌，食物看來都好吸引所以今晚決定來一試。 環境比較簡約，不過都好舒適，座位與座位之間不會太迫。 :) 用餐前店員會上韓式前菜四小碟(魚蛋，泡菜，青瓜等……)，晤夠可以refill，泡菜鹹辣得宣，魚蛋都幾彈牙，再食點青瓜清下口腔。 我們幾個都選擇飲果汁，有梨汁、米汁及提子汁，我選擇了提子汁，好夠冰涼香甜，好清爽。 :) 頭盤我們點了份黑醋烤雞沙律($120)，烤雞都好大件，是雞胸部份，沾上了沙律醬及黑椒碎也吃得特別滋味香惹，可讚是沙律菜有橄欖、蕃茄、青椒、及青瓜，都十分新鮮，爽脆又鮮甜。 一共有4件雞沙律米紙卷($65)最適合我們4人分享，雞肉味道都清涼淡，夾雜了青瓜絲、甘筍絲及彩椒絲，更有咬口又爽脆，米紙卷帶點彈性，整體水準都不錯。 :) 平時我都好喜歡食煎餅，友人幫我點了一份泡菜豬肉煎餅($95)，一個圓形的泡菜煎餅呈橙色，真是好鮮艷，內有洋蔥及煙肉作餡料，吃起來有泡菜的酸香，煎餅的外圍較香脆， :) 煎餅的中心就晤夠脆，辣味就比較少。 韓國菜總離不開食炸雞，我想食得惹味一些，選擇了芥末香蒜炸雞(half)$85，大約有4件，炸雞配上了炸薯條及炸年糕，炸得金黃香脆，炸雞有蒜香但芥末味較輕，帶點香甜，炸粉厚了少許，但可讚雞肉真是好嫩滑，雞味都好濃郁，不過不失啦! 芝士總是是邪惡的東西，溶芝士總是十分誘惑，友人點了一份芝士豬肋骨及芝士香脆炸雞($300)，用了一個熱爐保持溫度，芝士跟隨熱力慢慢溶化，把香甜的豬肋骨沾上有粟米粒半溶芝士中，有拉芝士效果真是好邪惡，豬肋骨容易骨肉分離，加上鹹香的溶芝士，果然芝味濃郁，啖啖都好芝香美味。香脆炸雞是原味，同樣地蘸上溶芝士之中，卜卜脆又有豐富的芝士香，真是倍添滋味。 最後送上了甜品的彩虹刨冰，刨冰質感好綿蜜，一啖放入口已經即化，加上不同顏色的糖漿真是好吸引，賣札相已經教人心動，香甜美味。 店員都好nice 有笑容，感覺都好親民，整體上食物水準都不錯，時候不早都要回家，今晚好開心與友人一起享用韓國菜晚餐。…查看更多

其實炸雞熱潮一向沒有影響到我，因為我根本沒有看過什麼「不停介紹炸雞」的節目，只是早一輪看到這條街附近有不少韓式食店，才知道吃炸雞才是最時髦的事，但目前這個熱潮好像又退減了些。薄煎荵餅，味道有點兒像中式的「薄罉」，薄薄的蛋餅，內裏夾雜着不少的荵。圓型大碟放著荵餅剛好，但是二人分享可能較為飽膩，多人分享一人一小件再吃其他食品，更加少食多滋味。韓式叉雞炸雞配校豬骨芝士拼盤豬骨配襯一點甜酸醬，酸酸甜甜還有有點辣， 但又不至於嗆口；炸雞嘅肯德基的炸雞有點兒不同，這兒的炸雞外皮比較軟林，沒有那麼油膩，而且外皮鬆脆。:)芝士剛剛端來的時候一粒粒的，後來經過底下的火爐熱力燒著烘著，粒粒芝士慢慢變成了融漿，客人便可以將豬骨或是炸雞用夾子夾著，然後沾到芝士醬內打滾、沐浴，夾著再拉起豬骨，看見芝士形成絲，藕斷絲連，連綿不絕，令人賞心悅目。在沾芝士前，將炸雞先沾點豬骨的甜辣醬可能更香口😏。那算甜酸辣醬在業我想在熱鍋上沸騰，點在比較乾的雞皮上面真的不錯😍坐在樓上的感覺不錯，有點兒格調，像是高級西餐廳，而非韓國餐廳，還有酒吧位置。店內亦提供多款韓劇或西式酒水，讓食客愉快暢飲。…查看更多