南豐餐廳小廚

呢間茶記我諗自從我搬咗嚟將軍澳應該幫襯過超過50次每次諗唔到叫乜外賣就會叫佢但係每次都係叫佢外賣冇試過去佢舖頭坐低食首先佢價錢非常之抵份量充足 夠鑊氣抵食夾大件雖然小菜種類比較少但係每樣都算精緻通常晏晝會叫碟頭飯夜晚就會叫小菜平均$90一個餐包埋運費 我諗將軍澳嚟講都算數一數二最抵今次叫咗星洲炒貴刁好夠鑊氣 份量料都好充足椒鹽豬扒即炸 熱辣辣脆卜卜就算運過嚟需要一段時間都keep到 抵讚總括嚟講會繼續幫襯非常抵食…查看更多

晚上入將軍澳探哥哥後，時間差不多六時三十分點，速吃個晚飯便回屯門屋企。便在富寧花園(南豐餐廳)食晚餐。我們柯打咗兩個小菜，魚香茄子煲和xo醬四季豆炒豬頸肉。魚香茄子煲，新鮮滾熱辣，肉碎粒多又多茄子，即叫即做，好夠味。唔知係咪請過啲新廚師，啲小菜炒得好味過以前。😋😋😋😋😋。xo醬四季豆炒豬頸肉，剛剛炒起好有鑊氣。豬頸肉爽口大件，四季炒得好爽口及清甜😋😋😋😋😋。以前唔好味，宜家好食咗好多，好味道。如果唔想煮飯，食一餐小炒都唔錯嘅選擇。…查看更多

只求就腳就入去試下，隨意叫左個豉油皇肉絲炒面，但估唔到夠晒鑊氣又惹味，平時要加辣椒油既我今次都唔駛加，值得上來一讚！如果要比意見，只有2樣野：1/ 多d肉絲就好 2/加返八達通啦…查看更多

買個外賣。都要當住個客面比說話人聽。真係唔明點解叫個外賣，一定要企係外面等行開左去買個面包姐，。前後都唔夠5分鐘。唔洗受你氣既。員工服務態度認真麻麻。食物質素一般…查看更多

政府規定無晚市堂食，我地唯有同家人買外賣，大约6時去南豐餐廳小廚買外賣晚餐。去到餐廳，好彩人不多，我地要等一陣，先可以到我地。我地商量左一陣，終於叫左2盒餸，有海味雜菜煲和八珍豆腐煲，送湯，返屋企煲埋飯，夠一家人食。2盒餸好大盒，好多汁。海味雜菜煲湯比較多，菜的種類不多，味道麻麻，比較咸。八珍豆腐煲汁比較多，豆腐太淋，味道只是一般。湯還可以，是红青蘿蔔湯，飲落去有红青蘿蔔味，也有少少肉味，不太咸，ok啦。…查看更多

今天要到坑口村附近開工，便在附近選了一間茶餐廳充飢。沒多細想，便選了一個早晨雞扒餐外賣。等了數分鐘，廚房火速完成外賣，效率不錯。雞扒餐所包含的食物跟普通茶記沒兩樣，都是雞扒、炒蛋、多士、茄汁豆、蕃茄，加一杯熱飲。$36，以豐富的蛋白質來說，價錢相當便宜。當中比較突出的是其雞扒及奶茶。雞扒煎至接近皮肉分離，方便我這類不太健康但又想追求健康的人。這裏的奶茶茶底味濃，十分醒神，適合喜歡多茶少奶的奶茶愛好者。…查看更多

雖然我自問已經嘗試過很多港式茶餐廳飲品，包括「檸檬茶」、「檸檬水」、「咖啡」、「奶茶」、「鴛鴦」、「好立克」、「阿華田」，最近甚至已經嘗試過「凍檸蜜」、「凍菜蜜」等等。但是我就是真的從未嘗試一款港式茶餐廳飲品，飲品的名稱叫做「凍檸啡」。我最初還以為「凍檸啡」只是在一般「凍咖啡」飲品裡面，直接加入切片檸檬就算數。結果後來我在將軍澳坑口居屋屋邨商場「富寧花園」裡面，第一次光顧港式茶餐廳「南豐餐廳小廚」的時候，才知道原來一般含有淡奶成份的「凍咖啡」，是不能夠加入切片酸味檸檬。這一件事還是我在光顧「南豐餐廳小廚」的時候，點餐時詢問「南豐餐廳小廚」侍應，侍應回答我有淡奶的「凍咖啡」，原來不能與檸檬直接融合在一起，因為「檸檬」裡面有「弱酸性果酸」。一旦「弱酸性果酸」跟「牛奶」裡面的「蛋白質」合體，就會產生化學作用，令蛋白質份子結構被破壞，被破壞的蛋白質會凝結成塊狀乳酸結合物，進入消化系統裡面後會難以被吸收，會產生排斥，嚴重者會有肚痛的反應。所以我在「南豐餐廳小廚」裡面點了「凍檸啡」飲品，「南豐餐廳小廚」水吧師傅製作出來的「凍檸啡」實際製成品，是以沒有加入「牛奶」的「黑咖啡」，再加入切片檸檬製作而成。其實所謂的「黑咖啡」，亦即是我們平日會聽得比較多的「齋啡」，亦即是我們光顧韓國咖啡店的時候，韓國咖啡店價目表裡面經常會顯示出來的「美式咖啡」飲品。由於「黑咖啡」沒有加入淡奶調味，所以當「黑咖啡」被加入酸味切片檸檬，製成「凍檸啡」的時候，我們戳檸檬時候的手勢，相對可能需要比較重一點，力度也需要再加大一點了。不過我試飲過戳完檸檬的「凍檸啡」之後，發現加入酸味檸檬汁之後的「黑咖啡」，「黑咖啡」最初的味道仍然偏向比較苦，但是後來檸檬汁裡面的酸味，就會把「黑咖啡」裡面的苦澀味稍為掩蓋。所以是否能夠把「凍檸啡」裡面的檸檬戳得多，成為「凍檸啡」最後的味道是苦，還是酸的重要因素之一。偏偏「南豐餐廳小廚」製作出來的「凍檸啡」，顏色偏偏跟「黑咖啡」一樣都是黑漆漆一片。所以拿着匙羹為「凍檸啡」戳檸檬，平日本來很容易，很輕而易舉的事，但是在享用「凍檸啡」的時候，要在漆黑一片的黑咖啡裡面戳檸檬，反而變成一種壓力非常之大的事情。而且即使真的為「凍檸啡」完成戳檸檬工作，但是「凍檸啡」裡面在所難免地會有來自黑咖啡，完全沒有淡奶甜味的苦澀感覺，只能細心感受才能飲到「凍檸啡」裡面的酸味感覺。所以「凍檸啡」對我來說，始終不是最適合我在晚上享用的飲品。不過，恰巧我在下午大約六點左右來到「富寧花園」，在六點半左右光顧「南豐餐廳小廚」，所以飲「凍檸啡」時間還是未到晚上七點。「凍檸啡」裡面的黑咖啡勉強幫到我支撐精神，去到深夜三點半左右才睡覺。現在我的睡眠質素只是一般程度而已，每天只能夠睡四小時。我剛剛好在深夜三四點才睡覺，早上八點左右，就剛剛好能夠醒覺過來了。至於「南豐餐廳小廚」「凍檸啡」的實際咖啡味道，雖然有檸檬酸味塔救，但是黑咖啡裡面的苦味，始終深深植根於飲食底層，即使有檸檬酸味干擾一下黑咖啡苦味，但是苦味始終存在，沒有因為檸檬酸味而消失。所以我需要用盡力氣，完全戳穿「凍檸啡」裡面的切片檸檬，勉強讓黑咖啡裡面的苦澀味道，不會完全佔據「凍檸啡」製成品的整體味道感覺。完全戳穿切片檸檬之後的冰凍「凍檸啡」，只要不是嘗試用舌根位置去感受飲品味道的話，就不會感覺到「凍檸啡」飲品裡面的黑咖啡苦味，反而可以飲到「凍檸啡」裡面的檸檬酸味。至於「南豐餐廳小廚」裡面的「咖喱牛腩飯」食品跟「咖喱汁」，亦是「南豐餐廳小廚」裡面值得介紹的食品之一。因為「南豐餐廳小廚」製作出來的咖喱汁，是我食過的餐廳裡面，味道相對比較甜的咖喱汁之一。「南豐餐廳小廚」裡面的咖喱汁，咖喱汁裡面實際味道頗甜，甜得讓我暫時能夠忘記一下，之前喝過「凍檸啡」飲品裡面的原有苦澀味道感覺。而且「南豐餐廳小廚」製作出來的咖喱汁，咖喱汁除了實際味道偏甜之外，原來咖喱汁的實際質地，質地也都頗為竭身的。甜味咖喱汁加上稠密質地口感之後，原來頗為適合拌白飯一起享用。而且牛腩跟馬鈴薯在甜味而竭身的「南豐餐廳小廚」咖喱汁裡面，牛腩跟馬鈴薯的實際口感，也都被「南豐餐廳小廚」廚房煮到非常軟腍，馬鈴薯一入口裡面，軟腍的馬鈴薯製成品，能夠被舌頭直接壓爛。而且「南豐餐廳小廚」廚房製作出來的「咖喱牛腩」，「咖喱牛腩」的實際份量感覺非常多，相反「南豐餐廳小廚」為「咖喱牛腩飯」而配備的白飯實際份量只是一般程度，剛剛好用來伴甜味咖喱汁一起享用而已。我個人還是偏好甜味的咖喱汁多一點，所以「南豐餐廳小廚」廚房製作出來，甜味感覺大於辣味的咖喱汁，反而最符合我個人對咖喱汁的要求。而且「南豐餐廳小廚」製作出來的甜味「咖喱牛腩飯」，「咖喱牛腩」實際上個份量感覺非常多，多到我少有地嫌「南豐餐廳小廚」配備的白飯份量僧多粥少，不夠我分配白飯伴咖喱汁一起享用。「南豐餐廳小廚」製造出來的甜味咖喱汁，甚至讓咖喱汁裡面原本味道偏苦的配菜「青椒」，還有其他配料如馬鈴薯、洋蔥都能夠盡情吸收咖喱汁裡面的甜味，自然也能讓白飯味道變得很甜。結果「南豐餐廳小廚」製作出來的甜味咖喱汁，甚至讓原先「凍檸啡」飲品裡面原本的「黑咖啡」苦澀味道，也一下子被咖喱汁裡面的濃厚甜味所完全掩蓋。可想而知「南豐餐廳小廚」製作的甜味「咖喱牛腩飯」和酸苦味道夾雜的「凍檸啡」，兩者的實際味道和濃度，是教我味道感覺是非常的深刻。不過，「南豐餐廳小廚」樓面還有值得一提的地方，就是「南豐餐廳小廚」樓面裡面，有少見能夠面向廚房，可以避開不看電視新聞報導的暗角檯櫈區域。「南豐餐廳小廚」暗角檯櫈區域裡面的玻璃窗，剛剛好能夠讓食客在用餐過程裡面，可以只望向「寶寧路」和「厚德邨」，而不是望向礙眼的電視機和電視新聞報導。我以前曾經擔心看到「南豐餐廳小廚」裡面的電視機，所以不敢貿貿然光顧「南豐餐廳小廚」，擔心電視機裡面的噪音會影響到我的整個用餐過程。但是我現在知道了「南豐餐廳小廚」樓面裡面，原來還有暗角位檯櫈，可以避開不看電視，還有甜味的「咖喱汁」的跟「咖喱牛腩飯」，下次可以繼續幫襯。…查看更多

晚飯，卡位雅座，環境舒適，食具算清潔。點了兩份小菜飯餐，椒鹽白飯魚、茄子炒牛肉。椒鹽白飯魚夠脆，第一口好食但第三條起覺得好重味精，有點受不了。:(茄子牛肉呢，牛肉夠嫩口，但成碟油，目測至少有兩湯匙油在碟底最後好似油浸茄子牛肉咁... 公道講句，街坊茶記來說，呢間算多菜式多選擇，但師傅油鹽醬料方面越來越重手，有時有點受不了。…查看更多

嚟到街坊茶記食早餐，叫咗個鮮奶蛋白麥皮同埋蛋牛治，鮮奶蛋白麥皮無糖，可以自己加糖，方便自己控制糖嘅份量，呢樣唔錯。然後蛋牛治嘅蛋炒得好滑，而且有半山熟嘅感覺，食落有油香，鹹牛肉都炒得好嫩滑，個蛋牛治都幾高質。而且跟餐仲送咗杯檸檬水，杯檸檬水又冇帶苦味，因為慣咗唔落糖，所以好怕苦味，但係佢就有好濃檸檬香味。而且侍應做嘢好快，一入到去已經即刻問你食咩，落左單之後唔使5分鐘已經即刻想到碗麥皮，啱晒趕時間嘅打工仔，而且呢間茶記嘅衛生都唔錯，見佢地下都幾乾淨，啲碗碗碟碟都無污糟，今次食呢個早餐都用咗$35 ，我覺得都算係可接受嘅價錢，下次有機會會再試吓另一啲早餐款式。…查看更多

跟朋友一行五人去南豐小廚吃晚飯。這間位於富零花園來的茶餐廳主打街坊生意，但小炒種類亦十分多。今天晚上人流不算太多，環境闊落，座位舒適。薯仔牛柳粒，牛柳粒不算多。泰王焗肉牌，做得比較出色。荔芋煲，芋頭味十分重，內容的材料亦十分豐富.整體而言，這間位於街坊小社區內的茶餐廳值得一試。…查看更多

今日晚餐去咗屋企附近嘅茶餐廳， 同班friend一人嗌一個小炒 ，再share嚟食 ，邊食邊吹水， 好有風味。鋪面都算大， 似一般茶餐廳間隔 ，晚市唔算好多人幫襯 ，我哋一行人嗌咗五個餸 ，包一個飯， 一杯嘢飲 ，平均80蚊一個人。第一味餸係花雕酒煮雞 ，雞都幾入味 ，配合花雕酒係畫龍點睛 。第二味餸係泰皇焗肉排 ，用泰式酸辣醬炒嘅肉排 ，味道酸酸甜甜 ，食落香口惹味 。第三第四味餸係豬頸肉炒豆角同埋薯仔炒牛柳粒 ，冇乜亮點 ，但勝在夠鑊氣。 最後一味餸係芋頭臘味煲， 呢個菜味道有啲怪， 而且完全冇臘味嘅味道 ，所以食淨大半兜。…查看更多

去到住宅範圍肚餓要食嘢， 偏遠地方住宅商場餐廳都係街坊生意多，揀間人頭湧湧包無錯 。質素預計食得人，唔差得去邊。叫個午餐頹飯， 我勁鍾意多汁撈飯，比面啲汁去食飯，落單姐姐話:得!多汁冇問題!幫你入廚房跟! 聽完個心覺得好舒服，我嘅要求有被重視。屋苑餐廳待應對住我呢位外來客都很禮貌。沒有做一次性生意的咀臉。實在難得👍飯嚟啦！真係有多汁㗎，立即心心眼!四十多元午餐多飯多汁，魚塊外層脆口不厚粉，以汁撈飯整碟吃清光。…查看更多

天氣熱又唔想煮早餐食，咁就一定要出街食啦！出街又要行得比較遠地方，咁街坊咁有間係左近嘅餐室嘅，呢間必定係我首選的，天氣熱最緊要係冷氣夠吖馬，而且早餐不算貴和很豐富，雖然大部分早餐都係個D，咁都要好食嘅，而且食物又很快送到呢，坐幾耐都得！有時約埋班太太講下講下幾粒鐘都試過呢！咁先至係街坊馬😂😂😂😂 沙爹牛肉米粉和沙爹牛肉麵都必定係我旨定食嘅！個牛肉汁好味架和牛肉好淋 雙太陽蛋和反蛋食夠兩只蛋就夠豐富了😁 咖啡和奶茶奶茶又係我必飲嘅😋…查看更多

講真屋企附近又最近都無乜邊間茶餐廳可選擇了，首選當然係呢間啦！餐廳環境算係咁！價錢合理又光孟最緊要冷氣夠！呢排天氣咁鬼熱🌝食嘢坐落都想涼下啦！假期又唔想煮食！最啱我呢個C9了😂楊洲炒飯好多蝦架飯炒得很乾身👍👍首選必定係佢😋雪菜肉鬆炆米我就最中意食因為雪菜同米粉我都中意食囉～有時會轉茄子代替雪菜😂都係一樣中意食👍👍👍鼓油皇肉絲炒麵麵算乾身，不過今次炒得比較醉😓茶餐廳當然唔小的一定飲嘅奶茶啦！…查看更多

一日之計在於晨，反工前當然要食個豐富早餐。落到餐廳已經有好多人食緊早餐。今日叫左個美式早餐配雞扒包一杯熱飲$30。厚多士好軟熟，烤得剛好唔會燶哂美式早餐緊係唔小得茄汁豆同蛋啦個炒蛋好滑，炒到仲有小小蛋汁，濕濕地主角雞扒，以成份餐既比例就細塊左d，但食落肚好好味。一d都唔乾真真，每切開一件都有些少雞油流出黎:)…查看更多