南記粉麵 (金馬倫中心)

中午放饭决定去食南记，因为有一张$25 coupon到期平时正价真系唔会入去食，因为我觉得唔值咁贵叫咗一个清汤珍宝河粉 ($59)，唔包饮品配料包括招牌墨鱼春卷、鱼皮饺、牛丸、墨鱼丸，同埋鱼蛋等食物嘅时候都见到厨房炸咗好多墨鱼春卷，呢个真系南记嘅招牌𩠌👍墨鱼春卷有两条，真系好好食其余嘅就正常发挥，俾正价$59真系唔会去食…查看更多

南记既蕃茄汤米线汤底好深色，唔透明，蕃茄味浓，偏甜，感觉加左好多茄膏同糖份。鱼皮饺不过不失，加左佢最出名嘅春卷，呢个小窝米线其实都几好食。如果食太多谭仔想转下口味不妨试吓南记。#小窝米线 #南记…查看更多

$32 招牌河粉，我就拣咗米粉今日，呢个下午茶嚟讲性价比真系算几高佢嘅份量都算非常多而且米粉嘅份量亦都非常十足！价钱嚟讲真系非常抵食！牛丸爽口弹牙，而且质素比出边普通嘅牛丸高，每一份有两粒牛丸，两粒鱼蛋同埋两条佢招牌嘅春卷，佢招牌嘅春卷真系非常好食，简直系冇得输！鱼蛋亦都非常高质！！！另外佢有好多款唔同搭配嘅套餐，我就加咗$5可以多份生菜，可以加腩汁或者蚝油，都系健康之选钟意食嘅朋友都可以试吓！佢嘅下午茶真系非常平！…查看更多

早几日谂唔到食乜好，行行吓就见到好耐无食嘅南记。以前中环返工，一个星期最少会食3次。转左工之后，都有帮衬其他分店，但系都唔太满意，好多时都唔够热，同埋员工都好串。知道快餐都系唔系讲咩服务，但系佢哋系去到黑人憎嘅地步。入返正题，果日叫咗春卷小锅加腩肉，收银哥哥提我下午茶跟嘢饮，咁叫埋可乐。我就外卖返公司食。因为行返公司都有一段15分钟嘅路要行，醒起就问bar 位姐姐，有冇得分汤？如果分汤系咪出去加钱？姐姐好有礼貌咁解释返我听，如果加𩠌就会自动分汤，系免费。仲叫我下次都加𩠌就抵食啲。行到返公司，打开竟然仲系热辣辣嘅，个汤无起晒泡！食返以前好喜欢嘅口味！觉得好开心同幸福。可能好大原因系遇到咁好又有礼貌嘅员工，做嘢又咁有效率，成个餐都好味咗？哈哈！我会多啲去金马伦道分店食嘢😊…查看更多

见好耐冇食，就同朋友食个南记叫左一碗辣猪肉春卷酸辣米线，另一碗冬菇鱼蛋辣猪肉春卷酸辣米线。汤底味道较淡，但够酸。辣猪肉保持到水准，爽口，春卷都弹牙，冬菇同鱼蛋就一般。…查看更多