南記粉麵 (金馬倫中心)

营业中

休息中

我愛南記！南記可以話係我最愛嘅米線舖，每次都會食得好滿足好感動。唔止香港人鍾意，連印尼人、菲律賓人同我身邊嘅韓國朋友都表示南記好掂！今日晏晝又去幫襯，叫咗我嘅至愛：辣豬肉魚肉春卷中麻辣米線。平時喺其他米線舖比較少叫麻辣，因為除咗麻同辣之外，我食唔到香，但南記嘅麻辣係麻、辣、香俱全！佢宜家仲出咗酸麻辣湯底㖭，嘩！簡直係完美呀！之前我成日掙扎究竟食酸辣定食麻辣好，麻辣固然好食，但我亦好鍾意食南記嘅酸菜同酸辣湯底，宜家二合一就唔使煩了！辣豬肉份量都幾多，仲好大塊，我好鍾意佢嘅調味，甜甜辣辣，有少少似鹵水味。豬肉肉質好彈牙、唔硬、唔「鞋」口，總之，一個字：！兩個字：必叫！魚肉春卷更加唔使多講，亦係南記嘅人氣之選！好食！好香！總之，好！希望佢哋可以喺屯門開分店！我日日都去！

今次南記出左新口味米線🍜⭐️胡椒豬肚湯•雞翼米線⭐️連香蘭葉桂圓茶$53今次凍食胡椒豬肚湯•雞翼米線最岩湯底由特級白胡椒、爽豬肚同雞熬製而成湯底淡淡的胡椒味，一般人都會接受到加上厚豬肚及雞翼，豬肚吸滿湯汁，入口又爽又好味😋旋風豆腐串吸滿白胡椒湯汁，精華所在😍辣爽爽豬肚$18套餐可以加$18點麻辣豬肚非常辣！適合喜歡吃辣的朋友，入口夠脆，夠爽口▶️南記有「中小學優惠」，以正價購買任何正價粉麵，可免費享用汽水或大豆漿1️⃣杯

今日去左食南記粉面既清湯系列招牌河，裡面有招牌春卷x2，牛丸x2同魚蛋x2，河粉分量都ok，感覺唔錯，尚算清淡。價錢方便都ok抵，都係$29，不過外賣落單淨係可以比現金，有小小唔方便。總體而言都ok唔錯。

經過尖沙咀，突然想吃南記，好耐都冇食啦，搵一下。原來南記現在除左喺香港有分店之外，香港、九龍、新界各處都有分店！其中一間位於尖沙咀金馬倫中心上一層樓梯就到啦！南記現在仲有新菜式推出——期間限定的「胡椒豬肚湯•雞翼米線」！湯底由特級白胡椒、爽滑的 #豬肚 和雞去熬製而成，現在天氣咁凍❄️，最啱食呢碗面🍜！而且秋冬季節時吃非常驅寒！湯底內胡椒的香和辣味再加上麵上爽厚的豬肚和 #雞翼 配合埋鮮甜爽脆的超大 #花生芽 🥜；再加上吸收了每滴胡椒湯精華的 #旋風豆腐串 🍢及米線！哇！香濃撲鼻🤩，味道真係好夾！我成碗米線同湯都清哂、食哂😂😋！價錢：🍜 胡椒豬肚湯雞翼米線 連特飲 香蘭葉桂圓茶 (凍/熱)〈套餐價 💰53 〉🌶仲可以套餐價加💰18 (原價💰28) 食小食👉🏻 辣爽爽豬肚‼️南記「中小學優惠」‼️正價購買任何粉麵，仲可以免費享用汽水或大豆漿一杯！ 真係好抵食！🤩

經常會食南記，但總係覺得尖沙咀這間的春卷及魚旦同另外的分店有點不同，不是唔好食，而是口感不一樣，整體來講講，其實都幾抵食夾大件，絕對值得食完一次再一次，但可以試下去另外一D分店。

譚x 未出名果時我已經係南記粉絲，一直都好鐘意南記，尤其係佢既小窩米線。但而家啲分店開得好少，尖沙咀得返一間，最近尖沙咀呢間係紅磡隔離真係唔太方便。今日星期三午市時段竟然唔算多人，我前面有5-6張外賣飛仔，等左10零分鐘就拎得。今次點左新既麻酸辣，同以往舊既酸辣相比，麻酸多左麻辣味但配料不變，岩晒鐘意食辣既人～我點左三個配料，肥牛，春卷同埋水餃。合共61 蚊，收銀姐姐話我知食夠80 減10蚊，我點多杯仙草奶茶都係70蚊！好抵食。春卷真係永遠都咁好食。但水餃質素感覺有啲下降。仙草奶茶有啲太甜，唔記得叫佢少甜🙈佢而家仲好好咁會分湯上，好岩我哋呢啲外賣既人！好貼心！！！作為南記粉絲，真係希望佢再開多啲分店～！

南记<早餐>:鱼春卷沙嗲面/生菜鱼饺/即磨咖啡。<面>是正牌公仔。 <鱼春卷>弹牙2根。<沙嗲汁>浓味。<生菜>干净。<鱼饺>有咬口3个。<咖啡>即磨够香浓。快餐店价格$30~茶餐厅级享受，夫复何言!

食得多譚仔，都想食下其他米線，咁岩行過見到南記又咁耐無幫襯，一於去回味下先。唔知係米同疫情影響有關，記憶中去親南記都係座無虛席，等位都有排等，點知今日唔使等位，仲可以慢慢嘆個Lunch😆🍜招牌辣豬肉·春卷米線每次黎南記都一定會食佢最出名既招牌春卷，今次當然唔例外啦！ 睇黎真係太耐無黎，原來出左麻酸辣湯底，梗係要試下佢😍 一睇個色水已經好吸引，食落又麻又酸，仲可以揀唔同辣度，岩曬重口味既我😋 ，不過可能會覺得D辣油油左少少，但我覺得都可以接受既。招牌春卷同辣豬肉味道都以前一樣，都係咁好食，只係可能辣豬肉醃製時間長，雖然係薄切但肉質略嫌有D韌。份量方面，南記一向都唔嘢少，餸菜、配料（包括酸菜）同米線都非常足料👍🏻 唔夠辣既朋友仲可以加埋南記自家出品既辣椒醬，更加惹味呀🌶————————————————————————🐷 整體食物： 4/5🐷 環境： 3.5/5🐷可達度： 5/5

太耐冇食南記，今日有機會經過就上左去食，黎南記一定要食既係佢既招牌春卷。🍜招牌滋選小窩餸有招牌辣豬肉，招牌春卷 冬菇同魚片湯底有酸辣/麻辣/蕃茄同麻酸我就要左酸辣湯底，米線依然好多，湯底好濃郁，酸菜好好食，招牌辣豬肉好味，兩隻超大冬菇，魚片爽口彈牙，招牌春卷稍為乾身左少少。食完碗麵飲埋杯桂圓茶飽到上心口好足料，甘大杯先係加$7$64蚊真係好抵食。尖沙咀📍南記粉麵＃foodies ＃米線控＃南記粉麵 ＃igfood ＃TST＃尖咀美食

今日去尖沙咀行街，行行吓肚仔餓，醒起有南記，因為已經差唔多有年幾未去過南記食野，所以今日就去食吓啦😊去到望住個餐牌，都好多選擇，究竟揀咩好？諗來諗去都係揀A餐牛魔王😁碗粉望落份量都好多，有好幾粒牛丸⋯芽菜丶酸菜份量一般，韮菜很好少👎🏻肉碎好多，啲酸菜好夠酸👍🏻湯好濃，味夠，腐皮好少，牛腩唔ok好嚡👎🏻，如果可以多啲會好啲。忌廉汽水，好似溝左水，唔掂🙁職員整體係有禮貌，地方都乾淨。

放假丛酒店晨早出来上街遛达，路旁见有<南记>招牌，在<铜锣湾>别后~久违了。喜出望外地冲上2楼去，人少冷清，可能是星期六关系嘛。甭管下单后，八挂查询店员~得知开业已有1年多了，叹句:孤陋寡闻!点了个晨早套餐:招牌米线+豆浆$26，自捧拿餐，盘子上手，见份量十足，立马品尝喝口<豆浆>~有台湾风味，抵赞!!主食汤味可口, 2种丸子都弹牙喔，鱼条更美味~而且有2根，大店毫不吝啬也。整体价比名牌快餐店实惠多!看来往后可以多来呀!

一向食開過肥牛橋酸辣米線，覺得好好食，尤其是食到底有好多肉碎，但今日心血來潮想試吓食麻辣口味，結果就出事了，非常之油，滿滿紅油，除左辣就無其他味，而且牛丸同春卷唔知係唔係太耐冇食，定係太辣嘅關係，好似變得好一般，我個人來講係唔會再叫麻辣口味。

很久都無嚟呢度食嘢，今日有事出開黎附近，快快食完就返屋企！每次都係要我喜歡嘅小鍋湯底，個人覺得佢酸度令人上癮，有酸菜，有肉碎，想辣可自行加辣椒油，仲惹味！本身想食魚旦但冇貨，轉食魚片頭，厚切夠囗感！轉米粉，喜歡佢爽身得來有咬口，份量相當足夠！再加配凍豆漿，爽呀！

今日下牛茶黎咗南記 例牌嗌蕃茄湯底 下午茶有套餐優惠 今日係魚腐春卷蕃茄米線配豆漿 38蚊蕃茄湯底味道較真 唔會係茄汁假味 配上佢特製辣椒醬 更加出色至於春卷 可能食厭咗 無之前咁好味 覺得魚腐出色啲 而且更索汁

一提起酸辣米線，總會不其然想起南記。已經在不少分店試過南記粉麵，南記的酸辣度總是很合我的口味。夠酸！夠料！份量多！這次放工來到尖沙咀逛街，走到尖沙咀這分店突然很想吃，就決定去試試這分店。過了晚上9時半，這分店會有買滿$38，每碗送冬菇/魚蛋片配料的優惠。我們剛巧踫到，就點了必吃的春卷和牛腩酸辣米線。份量真的很大，一直吃也好像一直都吃不遠的感覺。而且酸辣湯底真的很夠酸，也很濃郁。送的冬菇也很優質啊，肉很厚，菇味很濃。春卷永遠都留了一條在最後吃，這樣就完滿的吃完一碗南記米線。P.S. 南記的秘製辣醬也非常好吃！