南記粉麵 (士丹利街)

营业中

休息中

譚仔雲南米線是外省粉麪店的霸主，客家粉麪店未被廣為認識。因為南記穩守港島，近年才北擴至九龍部份地區。我十多年前已認識此店，當時覺得它足以與廣州，上海麪鼎立。我找出昔日有關此店的報道，當時標榜春卷，牛丸，魚旦河。始創人魏遠謀跟叔叔魏南學製客家腐皮卷，以腐皮包裹魚肉，簡稱春卷，俘虜不少中環白領的心。當年以人手包春卷，以保持魚漿的濕度和彈力。我有保留當時的單張:可見當年是樸拙的小店。造就小店成長的，是推出酸辣小窩米線。有自製的酸菜和客家辣椒醬，酸辣配合得好（辣度自選）。味道與譚仔的麻辣，糊辣不同，很有特色。當時工人用小窩（故名小窩米線）逐碗煮沸，令米線入味。推薦食辣豬肉，原本用豬腩肉，後來用豬頸肉，並改名。有客家豬肉的咸甘味，以薄片形式，不覺肥膩。春卷辣豬肉酸辣米線賣43元，極大碗。對比新舊價單，可見加入麻辣和蕃茄兩種湯底。我認為酸辣才是鎮店之寶。食厭具湖南，重慶風味的譚仔雲南米線，不妨試試客家風格的雲南米線。新界人可外賣，春卷更是家中火鍋的美食。現在店名已冠上香港仔三字，語帶相關，既指發源香港仔，亦象徵香港人的奮鬥精神。食物上它成功揉合客家菜和雲南滇菜系，以綜合為創造，正是香港重要文化特徵

this hk chain is like a hk version of mcdonalds...its standard and its everywhereto be honest, i shouldnt be writing a review and you shouldnt waste time reading a review on this sort of standard fast food chain....a standard bowl of noodle soup is a bowl of noodle soup, what more do you want?!but if you just arrived in hk and want something quick n cheap and wanna somehow feel like you are eating like a local...worth a try

我記得以前做學生妹嘅時候因為唔夠錢最鍾意兩個人食一個春卷河而家啲妹妹仔一人一碗仲要食剩大把自從佢做咗連鎖店之後唔知點解啲嘢食冇以前嘅人情味味精好似落重咗好多連春捲都食得出佢欠缺誠意因為以前啲春捲非常彈牙外脆內軟但係而家係統一機械化生產雖然有啲失落不過至少有 七成以前嘅味道但係而家食落好鞋口 一啲都唔彈牙下午茶時間 真係好抵魚片真係咸咗啲而家仲有想食嘅衝動係因為春卷喺記憶中始終揮之不去

南記粉麵絕對係平得黎又好食既選擇之一招牌河$25就有交易 因為店面lunch time常見人龍 所以我會善用外賣自取呢項服務 講底幾點黎拎就得 次次一去到俾錢就可以走人招牌河對我黎講百食不厭 春卷絕對係成碗麵既精髓 又香又彈牙 雖然清湯湯底但味道絕對唔會覺得寡 每次都有包辣椒醬奉上 點少少已經好辣好惹味

想係呢區搵間貼地d嘅地方開餐，唔一定要食漢堡嘅！醒起有呢間粉麵店，當然要食我嘅至愛小煱米粉，QQ招牌春卷就梗係必食，有咬口，索埋個酸辣味湯底，食下酸菜啦，好醒神！今次首次由墨魚丸轉食魚蛋，好彈牙，冇轉錯，一碗份量唔少，抵食又好味！

難得黎到中環，決定黎食食南記。我午飯時間黎到，等左一陣就買到。我叫左個三牛米線。三牛米線入面有牛腩，牛展、牛丸。牛腩硬度剛剛好，唔太淋唔太硬，而且好有牛腩味。牛展都唔錯，加埋個湯底食好惹味。牛太大大粒，都幾彈牙。

我叫左碗三牛小窩米線外賣食。三牛係指牛丸、牛腩、牛展。個湯底係酸辣湯底，好開胃同惹味，忍唔住飲左大半碗湯底。D牛丸幾彈牙，而且有好大粒同有牛肉味D牛腩肉比較厚身，有d韌D牛展好爽口，好入味，d酸辣湯滲曬落去可能因為擺得太耐，d米線吸左好多湯

以前中學時代成日都會同同學仔去南記食lunch😍出左黎做野反而好少去食了今日去開中環，就去南記重溫下昔日風味每次黎到我都會叫招牌春卷招牌春卷一如既往咁好味好彈牙！又唔會太重味精！亦唔會太油！米線好煙韌不過就略嫌個湯底唔夠辣，下次可以叫中辣

平日嘅晚上喺中環想食啲平民啲嘅嘢最衰冇譚仔啦。唯有食南記呢度有好多譚仔冇嘅餸～例如招牌春卷 牛腩 菜肉雲吞呢度一樓仲有特濃蕃茄湯底可惜五點半已經關左最後叫左呢個菜肉雲吞小窩米線啦呢度嘅米線俾譚仔幼同埋煙韌湯底唔會好酸又唔會好辣好好味！可惜佢嘅雲吞皮太多 略厚 餡太少大豆漿$10 唔平不過中環晚餐40幾蚊來講 又真係好少選擇返到屋企發現好口渴 吾通係多味精？

南記粉面一向係安妮最愛，試過好多間，最愛係中環這間，湯底清甜加上紫菜，又美味又有益，春卷新鮮無油益味，牛丸亦係我至愛。重點係下午茶只需$27， 加飲品只係半價，在中環地段實在極具吸引力。

同事話有間南記得靚, 心諗...南記喎...粉面店點樣靚-.-黎到真係好意外....南記都可以攪到咁!!今次食得清清地...嗌左個招牌河...真係好抵~$25都唔洗...南記ge春卷真係冇得輸....魚肉係特別香, 彈得黎又好軟熟~ 口感大滿足不過唔知點解...而家冇冬菜比人撈落個面度食 =[冇左冬菜...個湯真係太淡...焗住加魚露...又幾好味喎~份量對女仔黎講剛剛好...男仔又或者大食ge~就未必夠飽肚了有sofa卡位ge南記環境干淨...闊落~唔知係我太早,...定係真係未有人知上1層可以坐得舒服d呢...冇人ge食LUNCH又多個HEA成粒中GE地方了!!

已有多年沒有到南記吃麵，這次來到事出突然，由於與友人於中環某日本餐廳吃不飽，唯有到別處醫肚. 當時已是晚上9:00，選擇亦不多，不想到翠華吃heavy dinner，就來到士丹利街的南記吃碗粉.雖然時間已晚，但店內客人仍然很多，相信這低價錢的麵食吸引不少客人到來.魚肉春卷配魚皮餃米粉 ($24)來到南記怎可不吃招牌春卷呢? 再加上魚皮餃，選擇2餸才不過$24，相當便宜.魚肉春卷味道好像不及以前好吃，春卷很瘦削，望着也不覺開胃. 至於魚皮餃外皮煙韌，沒有煮到過稔，水準正常. 米粉的份量相當多，相當男仕都吃得飽的.當我們離店時，店家已下半閘了，原來營業時間只到晚上9:45，想來吃宵夜的朋友要失望了，哈哈!中環士丹利街66-72號地下2576 8007

這是太太在拍拖時介紹的一間粉麵店，說起來也許超過十年了，時間過得真快，分店是越開越多，灣仔、北角及中環都先後光顧過，其實水準都幾穩定。原先在附近有活動，但早了點過來，心思思下又想食返碗。雖然近年多了不同口味，但自已還是摯愛牛丸及春卷。星期天的下午，無須多講，店內至少六成客人是外傭，也好，人家來打工賺錢，咱們又賺回少少，互動互動。由買票到取麵前後不到五分動，真夠效率。隨意找個位置坐低，加點辣醬提味，牛丸比起德發或者群記，無論在口感或味道上都差了一皮，可說是不過不失吧，同意有食家朋友所講，春卷感覺上瘦身了，味道可沒有變，依然香口，河粉很滑溜，份量雖然不多，但作為下什茶是卓卓有餘。真快手，由入門到可以走，前後不到20分鐘，也許要在中環的黃金地段生存，這是其中一個要素。

以前在中環上班差不多每天都來南記吃小鍋米缐。今天來中環當然也要吃！中午時份依舊多人，好彩也找到一個位不用呆著企。已經不懂得怎樣叫，叫了個招牌米缐應該沒錯吧！原來招牌酸辣米缐沒有腩肉的，我記得這里的腩肉不錯的！但不知為何，味道沒有以前那麼好吃，肉碎也不多，不過春卷依舊好吃。可能下次要叫大辣（今次沒有選擇所以很微辣而已）$33吃飽也好吃，依舊喜歡南記，而且是最喜歡的米缐品牌。旺角也開了下次去旺角吃吃😉

喺我印像中嘅南記，就係平，正，飽可能真係N年前嘅關係家陣食返真係覺得有啲貴當年廿皮，家下四廿皮，唔知話通漲定吹脹好還好味道都唔係太大落差依然係至愛嘅春卷腩肉小鍋米線腩肉就有啲走樣，碎濕濕咁，還好味道不變春卷依舊係正，但感覺好似細條左，我都唔知係咪錯覺米線就換左幼版，感覺怪怪不過有一樣野同以前係無變就係加錢飲豆漿要杯細嘅就細得滯大嘅又大得滯...